25
Pathian Hmaika Ah Mi Cu Thiam A Co Kho Lai Lo
1 Cun Shuh mi Bildad nih a leh i:
2 “Pathian cu zeizong vialte
tuah khotu a si,
A pennak vancung ah khin
daihnak a umter.
3 A ralkapbu hna cu aho nih dah
an rel cawk hna lai?
Pathian ceunak nih a ceuh lomi
hmun a um maw?
4 A si ahcun, zeitindah Pathian hmaiah
minung cu a din khawh lai?
Nu chungin a chuakmi cu zeitindah
a thian khawh lai?
5 Zohhmanh, a mithmuh ah thlapa
hmanh khi a tling lo i arfi hna
hmanh khi sual lo an si lo;
6 Zeitluk in dah tholung ceo a simi
minung cu a si chinchin lai i,
Cangcel ceo a simi mifapa cu
a si chinchin lai,” tiah a ti.