27
Job Nih Miòhalo Hna Covo Kong A Chim
1 Cun Job nih a biachimmi kha
a thawh òhan i:
2 “Dinnak a ka phaw duh lo i
lungretheihnak in a ka khahtertu
Lianngan Bik Pathian min in
chiat ka ser:
3 Ka thaw cu ka chungah a um i
Pathian thaw kha ka hnar chungah
a um chung paoh cu,
4 Ka hmur nih ahmaan lomi bia kha
an chim lai lo i ka lei nih hlennak
bia kha a chim lai lo.
5 Nangmah cu na dik, tiah
kan tinak ding kha,
Pathian nih ka kham ko seh;
Ka thih tiangin, ka sual lo,
ka tinak kha ka ngol bal lai lo.
6 Ka bia a ding ti kha fek tein
kaa tlaih lai i, ka thlah bal lai lo;
Ka nun chung paohpaoh cu,
7 “Ka ral cu miòhalo hna nih
an tonmi bantuk kha tong ko seh,
Keimah a ka dohtu cu midinglo nih
an tonmi bantuk rawhnak kha
tong ko seh.
8 Pathian nih Pathian zei i a rel lomi cu
a thah tikah,
Pathian nih a nunnak
a lakpiak tikah khan,
A caah zei ruahchannak dah a um?
9 Harnak nih a tlunhnawh tikah Pathian
nih a thlacamnak cu a ngaihpiak
lai maw?
10 Lianngan Bik cu aa bochan
hnga maw?
Pathian cu a au camcin hnga maw?
11 “Pathian thil ti khawhnak kha
kan chimh lai,
Lianngan Bik nih aa tinhmi cu
ka thup lai lo.
12 Nanmah hrim nih hi thil hi
nan dihlak in nan hmuh cang
hna ahcun,
Zeicahdah pakpalawng bia hi
13 “Pathian nih miòhalo covo ah
a chiahmi cu hihi a si,
Thlachiat ruat lomi nih Lianngan Bik
sinin an hmuhmi ro cu:
14 Fa cu a ngeih ko hna lai, sihmanhsehlaw
vainam in an thi lai;
Cun a tefa hna cu rawlòam in
khua an sa lai.
15 Amah hnuah a nung rihmi hna cu
thlan ah rai nih a vui hna lai i
nuhmei ahohmanh nih
an òah hna lai lo.
16 Ngun cu leidip bantukin a pon ko
hna lai i,
Thilpuan cu a ponpon in a chiah
ko hna lai nain,
17 Aa hruk-aihtu cu miding kha
an si lai i,
Sualnak a ngei lomi nih a ngun cu
an i phaw lai.
18 A sakmi inn cu sawmpalak bu bantuk
a si i,
Ralvengtu nih an sakmi deu bantuk
a si.
19 Ni khat cu rum ngaiin a it,
sihmanhsehlaw cu bantuk cu
a si òhan bal ti lo;
A mit cu a hun i au i a chawva cu
an lo dih cang.
20 Harnak nih tilian bangin a phanh,
zan ah phuchim nih a choih.
21 Nichuahlei thli nih a choih i a lo,
a inn in lamhlapi ah khan
a choih;
22 Zaangfahnak um loin a hranh i
a òhawnnak nih khan heh tiah
a den chih.
23 A kut a benghhnawh i a umnak
hmun kip ah khan therphang in
a umter.