5
1 Jesuh cu Khrih a si ti a zummi paoh cu Pathian hrinmi a si, hringtu a dawmi paoh nih hrinmi zong a dawt tawn.
2 Pathian kan dawt i a nawlbia zong kan zulhnak hin Pathian fale dawtu kan si kan hngalh.
3 Zeitintiah Pathian dawt cu a nawlbia zulh hi a si. A nawlbia hna cu thilrit a si lo:
4 Zeitintiah Pathian hrinmi paoh nih cun vawlei an tei cang. Vawlei kan teinak cu kan zumhnak in a si.
5 Jesuh hi Pathian Fapa a si tiah a zummi dah ti lo ahodah vawlei a tei kho?
6 Jesuh Khrih hi dahkaw ti le thi in a rami cu a si cu, ti lawngin a si lo, ti le thi he tu in a si.
7 Thlarau cu biatheitu a si, zeitintiah Thlarau cu biatak a si.
8 Hngalhtertu cu pathum an um, Thlarau le ti le thi an si, cu pathum hna cu an lung aa khat.
9 Minung hngalhpinak hmanh kan pom ahcun Pathian hngalhpinak cu a ngan deuh; Pathian hngalhpinak cu a Fapa kong a kan hngalhternak hi a si.
10 A Fapa a zummi hna paoh nih cun an lungthin chungah hngalhternak an ngei. Pathian a zum lomi hna nih cun Pathian kha lih an chimter, zeitintiah Pathian nih a Fapa a hngalhternak kong kha an zum lo.
11 Hihi a hngalhternak cu a si, Pathian nih nuncanghmunhnak a kan pek i cu nunnak cu a Fapa ah a um.
12 A Fapa a ngeimi paoh nih nunnak a ngeih, Pathian Fapa a ngei lomi paoh nih nunnak a ngei lo.
13 Nuncanghmunhnak nan ngeih kha, nan hngalh nakhnga Pathian Fapa min a zummi hna nan sinah hi kong hi ca in kan kuat hna.
14 Amah duhning in kan halmi zeipaoh a kan ngaihpiak tawn caah amah kan ngamhnak hi a si.
15 Kan halmi zeipaoh a kan ngaihpiak ti kan hngalh ahcun amah kan halmi paoh kha kan hmuh ti kan hngalh.
16 Thihtlak a si lomi sualnak unau pakhatkhat nih a tuah ti a hmuh ahcun a halpiak lai i Pathian nih cu pa cu nunnak a pek lai, a sualnak thihtlak a si lomi hna caah a si. Thihtlak sualnak a um i cu caah cun thla campiak ding ka tinak a si lo.
17 A ding lomi tuah paoh cu sual a si nain thihtlak a si lomi sualnak a um.
18 Pathian hrinmi hna cu an sual lo, Pathian hrinmi hna nih an runven hna i khuachia nih an tawng kho hna lo ti kan hngalh.
19 Kannih cu Pathian fa kan si i vawlei pumpuluk hi miòha lo pa huham tangah a um ti kan hngalh.
20 Pathian Fapa cu a ra i a taktak a si ti kan hngalh khawh nakhnga hngalhnak a kan pek, cucaah Pathian taktak a simi a Fapa Jesuh Khrih ah cun kan um ti kan hngalh. Hihi Pathian taktak le nuncanghmunhnak cu a si.
21 Ka fale hna, siasal cu hrial ko u.