JOHAN
Cakuat Pahnihnak
1
1 Upa nih thimmi nu le a fale biatak ah ka dawtmi hna, a lang in nan kut kan tlaih hna. Keimah lawng si loin biatak a hngalmi vialte zong nih an in dawt ve hna.
2 Cu biatak cu kan chungah a hmun i kan sinah a um camcin caah a si.
3 Biatak le dawtnak ah cun kan Pa Pathian le kan Pa Fapa Jesuh Khrih sinin vel le zaangfahnak le daihnak hna cu kan sinah a um lai.
4 Kan Pa nih nawl a kan pek bantukin na fale acheu hna cu biatak ah an nung ti ka theih tikah kaa lawm hringhran.
5 Atu cu ka dawtmi Nu, nawlbia thar si loin a hramthawk tein kan rak cohlanmi pakhat le pakhat i daw u sih ti nawl duh ah ca in ka òial.
6 A nawlbia bantukin kan nun hi dawtnak cu a si. Cu dawtnak ah cun hmun ko u, ti hi a hramthawk in kan theih cangmi nawlbia cu a si ko.
7 Hlengtu tampi vawlei ah hin an vak cang, mah hna nih cun Jesuh Khrih hi thisa in a ra ti kha an pom lo, cu bantuk mi cu hlen hmang le Khrih ralchanhtu an si.
8 Nan òuan chanmi ah nan sungh lo nakhnga le nan lawmhman laksawng tling tein nan hmuh nakhnga i rungveng ko u.
9 Khrih cawnpiaknak chungah hmunh loin kar hlei a lammi paoh cu Pathian an ngei lo. A cawnpiaknak chungah a hmunmi hna nih cun Pa he Fapa he an ngeih kemh.
10 Cu bantuk cawnpiaknak he a ra lomi hna cu tluninn rak onh hna hlah u law mithmai òha zong rak pe hna hlah u;
11 zeitintiah cu bantuk mi hna conglawmh cu an tuahnak òha lomi ah i tel ve a si.
12 Òial awk tampi ka ngei ko nain ca le cahang pam hlah ning, cu nakcun nan sinah ra in hmai tonh te tu in bia kan i ruah te lai i kan i lawmhnak a tlin deuh te lai tu kha kaa ruahchan.
13 Thimmi na unau nu fale nih a lang in na kut an in tlaih ve.