4
1 Ka fale tete hna, thlarau paoh zum hlah u; Pathian sin thlarau a si le si lo hneksak hmasa hna u, zeitintiah profet deu tampi vawlei ah an chuak cang.
2 Pathian Thlarau nan hngalh khawhnak ding cu: Jesuh Khrih cu thisa in a ra timi thlarau paoh cu Pathian sinin a rami a si i
3 Jesuh kong ah cucu a almi thlarau paoh cu Pathian ta a si lo. Cucu a ra te lai tiah nan hngalh cangmi Khrih ralchanhtu cu a si i atu ah hin vawlei ah a um cang.
4 Ka dawtle hna, nannih cu Pathian ta nan si caah cu hna cu nan tei cang hna, zeitintiah nan chungah a ummi cu vawlei i a ummi nakcun a ngan deuh.
5 Mah hna cu vawlei ta an si; an chimmi cu vawlei ta a si caah vawlei nih an bia kha an ngaih.
6 Kannih cu Pathian ta kan si. Pathian a hngalmi paoh nih cun kan bia an ngaih i Pathian ta a si lomi paoh nih cun kan bia an ngai lo. Cu thil cun thlarau dik le thlarau dik lo cu kan hngalh khawh.
(Jhn 3:16)
7 Ka dawtle hna, pakhat le pakhat i daw u sih, zeicahtiah dawtnak cu Pathian sinin a rami a si, dawt a hmangmi paoh cu Pathian hrinmi an si i Pathian an hngalh.
8 Dawt a hmang lomi paoh nih cun Pathian an hngal lo, zeicahtiah Pathian cu dawtnak a si.
9 Pathian dawtnak cu hitihin kan sinah langhter a si. Pathian nih a Fapa ngeihchun cu amah thawngin kan nun khawh nakhnga hi vawlei ah hin a rak thlah.
10 Hihi dawtnak cu a si, Pathian kan dawt caah a si lo, amah tu nih a kan dawt i kan sual ngaihthiamnak thawinak caah a Fapa kha kan sinah a rak thlah.
11 Ka fale hna, Pathian nih cu tluk in a kan dawt caah cun kanmah zong pakhat le pakhat kan i dawt awk a si.
12 Ahohmanh nih Pathian an hmu bal lo, pakhat le pakhat kan i dawt ahcun Pathian kan chungah a nung i a dawtnak cu kan chungah tlinter a si.
13 A Thlarau a kan pek caah a chungah kan hmun i amah zong kan chungah a hmun ti kan hngalh.
14 Pa nih a Fapa kha vawlei khamhtu ah a rak thlah ti cu kan hmuh i cuticun kan langhter.
15 Jesuh cu Pathian Fapa a si tiah a phuangmi hna chungah cun Pathian cu a hmun i annih zong Pathian chungah cun an hmun ve.
16 Cucaah cun Pathian nih kan ca i dawtnak a ngeihmi cu kan hngalh i kan zumh.
Pathian cu dawtnak a si i dawtnak i a hmunmi paoh cu Pathian ah an hmun ve i Pathian zong an chungah a hmun ve.
17 Biaceih ni ah ralòha ngaiin kan um ngam nakhnga kanmah lakah dawtnak cu tlinter a si cang caah hi vawlei zongah hin amah bantukin kan nung cang.
18 Dawtnak ah cun òihnak a um lo, dawtnak tling nih cun òihnak cu a òhawl cang; òihnak cu dantatnak he aa tlai i a òih rihmi hna cu an dawtnak kha tlinter a si rih lo tinak a si.
19 Kan dawt cu a kan dawt hmasa caah a si.
20 “Pathian ka dawt,” a ti òung i a unau a huami cu mi lihchim an si. An hmuh khawhmi unau hmanh a daw lomi nih cun an hmuh khawh lomi Pathian cu an daw kho lo.
21 A sinin nawlbia kan hmuhmi cu: Pathian a dawmi nih cun a unau zong a dawt ve hna awk a si.