3
1 Zohhmanh u, Pa nih zeitluk in dah a kan dawt, Pathian fale ti kan si lai hi, kan si taktak fawn. Vawlei nih a kan hngalh lonak chan cu amah kha a hngalh lo caah a si.
2 Ka dawtle hna, atu cu Pathian fa kan si, hmailei ah kan si te laimi cu langhter a si rih lo. Kan hngalhmi cu hihi a si: amah cu langhter a si tikah amah kan lo lai, zeitintiah amah cu a sining tein kan hmuh lai.
3 Amah ah ruahchannak a ngeimi paoh cu amah zong a thian bantukin anmah le anmah zong an i thianter tawn.
4 Sualnak a tuahmi paoh cu phung buar an si, zeitintiah sual cu phung buar a si.
5 Langhter a rak sinak chan cu sualnak vialte lak awkah a si i amah ah cun sual a um lo ti nan hngalh.
6 Amah chungah a hmunmi cu ahohmanh misual an si lo. A sualmi nih cun amah kha a rak hmu bal lo i a hngalh zong a rak hngal bal lo.
7 Ka fale tete hna, ahohmanh nih in hleng hna hlah seh. Amah cu miding a si bantuk in dinnak a tuahmi paoh cu miding a si.
8 Sualnak a tuahmi paoh cu khuachia fa a si; zeitintiah a hramthawk tein khuachia cu a sual peng ko. Pathian Fapa langhter a sinak chan cu khuachia rianòuanmi hrawh awkah a si.
9 Pathian hrinmi paoh cu misual an si lo, zeitintiah Pathian ci kha an chungah a um. Pathian hrin an si caah an sual kho lo.
10 Pathian fa le khuachia fa an langhnak cu hihi a si: Ahopaoh thil ding a tuah lomi cu Pathian hrin an si lo, unau a daw lomi zong cu bantuk òhiamòhiam cu a si.
(Mat 22:39)
11 A hramthawk tein biacah nan theihmi cu pakhat le pakhat kan i dawt awk a si ti hi a si.
12 Khuachia ta, a nau a thatmi Kain bantuk kha kan si awk a si lo. Zeicahdah a nau kha a thah? Zeicahtiah a tuahnak kha a ding lo i a naupa tuahmi kha a din caah a si.
13 U le nau hna, vawlei nih an huat hna caah nan khuaruahhar hlah u.
14 Thihnak in nunnak ah kan lan cang ti kan hngalh, zeicahtiah pakhat le pakhat kan i dawt caah a si. Dawtnak a ngei lomi paoh cu thihnak ah a um tinak a si.
15 U le nau a huami paoh cu lainawng a si i lai a nawngmi paoh cu an chungah nuncanghmunhnak a hmun lo ti cu nan hngalh.
16 Kan caah a lu a hlohnak thawngin dawtnak cu zeidah a si ti kan hngalh, cucaah, kannih zong pakhat le pakhat caah kan nunnak kan i pek ve awk a si.
17 Vawlei thilri a ngei i unau herhbaumi hmu ko nain a bawm lomi chungah zeitindah Pathian dawtnak cu a hmunh hnga?
18 Ka fale tete hna, hmur le kaa lawngin i daw hlah u sih, tuahnak le biatak tein i daw u sih.
19 Cuticun biatak ta kan si ti kan hngalh lai i Pathian hmaiah lunghmui tein kan um lai.
20 Kan lungthin nih sual kan phaw hmanh seh law Pathian cu kan lungthin nakin a ngan deuh i zeizong vialte a hngalh dih ti kha kan hngalh.
21 Ka dawtle hna, kan lungthin nih sual a kan phawt lo ahcun Pathian hmaiah kan ral a òha i
22 kan halmi paoh kha a sinin kan hmuh, zeitintiah a nawlbia kha kan zulh i amah lungton awk kha kan tuah.
23 A nawlbia cu a Fapa Jesuh Khrih min zumh i nawl a kan pek bantukin pakhat le pakhat i dawt hi a si.
24 Amah nawlbia a ngaimi vialte cu amah ah an hmun i anih zong anmah chungah a hmun ve. A kan pekmi Thlarau thawngin kan chungah a hmun ti kan hngalh.