8
1 Kan chim duh bikmi bia cu hihi a si: tlangbawi zik cu kan ngei i van i a Lianngan bik siangpahrang òhutnak orhlei kam ah a òhu.
2 Hmunthiang bik le minung sakmi si loin Bawipa sakmi biakthlam taktak ah cun rian a òuan.
3 Tlangbawi zik paoh cu laksawng le thawinak pechan dingin thiahmi an si, cucaah hi tlangbawi zong nih hin pekchanh ding zeimaw tal cu a ngeih a herh.
4 Vawlei ah hin rak um seh law tlangbawi a rak si hnga lo, zeitintiah phung ning in laksawng a pechanmi tlangbawi tampi an um ko.
5 Moses nih biakthlam sak aa timh lioah khan Pathian nih a sakning ding a chimh: “Tlangcung i sawisam kan hmuhsakmi ning te khan zeizong vialte na tuah lai,” a ti bantuk khan mah hna rianòuannak cu van hmun thiang a mui le a thlam lawng kha a si.
6 Sihmanhsehlaw thil a sining ah cun biahren a chuahpimi cu biakam òha deuh cungah a duh ruang i a òhat deuh bantukin Khrih nih a hmuhmi rianòuannak cu a hlun nakkhan a òha deuh suaumau.
7 Zeitintiah biahren hmasa kha sawi awk um lo rak si seh law a pahnihnak um kha a herh ti hnga lo.
8 Cu mawhchiatnak ah cun hitihin a ti:
“Bawipa nih a thawh i
Israel chungkhar le
Judah chungkhar hna sinah
biahren thar ka tuah lai caan cu a phan lai;
9 An pupa hna Izipt ram in chuahpi awk i
An kut in ka hruai lio hna caan ah
Ka tuahmi biahren bantuk kha cu a si ti lai lo.
Ka biahrenmi kha an pehzulh lo caah
Annih zong zeiah ka rel ve hna lo,
10 Cu hnuah Israel chungkhar hna he
Biahren ka tuah dingmi cu hihi a si:
Ka phung hna cu an lung chungah ka bunh lai i
An thinlung chungah ka òial lai.
An Pathian ka si lai i
Ka mi an si lai.
11 Ahohmanh nih Bawipa cu hngal ko u tiah
an hawikom le an unau hna kha
an cawnpiak hna lai lo,
a hme bik in a ngan bik tiang
An dihlakin an ka hngalh cang lai.
12 Zeitintiah an sualnak kha ka ngaihthiam hna lai i
An palhnak kha ka cing ti lai lo,” tiah Bawipa nih a ti.
13 Biahren thar chimnak nih a hmasa kha a hlunhter. A hlunmi le a òhingmi thil paoh cu a lo ding an si ko.