1 Biahren hmasa hmanh nih khan biaknak ah phungphai le vawlei hmunthiang a ngeih. 2 Biakthlam an ser i a tonter bik ah mei vannak tung, cabuai le changhun te hna a um i cucu hmunthiang ti a si. 3 Puanzar a pahnihnak hnulei ah khan hmunthiang bik timi biakthlam cu a um. 4 Cuka ah cun rimhmui khanghnak sui biakòheng le biahren kuang sui in hutmi a um. Biahren kuang chungah cun manna chiahnak sui um te hna, Aron òhiangòhunh bermi le biahren òialmi lungpher te hna an um. 5 A cungah cun sunparnak cherubim te hna an um i sualthlahnak òhutdan cu an thla in an zarh. Cu thil hna kong cu atu ah a dikthliar in ka chim kho lo.

6 Cuti an tuah dih cun tlangbawi hna cu an biakthlam tonter ah cun òhing loin an lut i tlangbawi rian cu an òuan. 7 Sihmanhsehlaw a pahnihnak ah cun tlangbawi zik lawng, kum khat ah voi khat, a lut i amah ca le zapi sualnak caah thisen put lo si loin thawinak a tuah tawn. 8 Biakthlam dal khatnak a hmunh chung paoh cu hmunthiang bik i luh cu onh a si rih lo ti cu Thiang Thlarau nih a hmuhsak. 9 (Hihi atu chan hmanhthlak a si). Hi timhning in pekchanhmi laksawng le thawinak nih hin a pechantu lung a tlinh kho lo; 10 cucaah, hi nih hin ti le rawl le thianchehnak lawng a tuah, cu hna cu remh òhannak caan a phanh hlantiang pumsa caah tuahmi phungphai a si.

11 Sihmanhsehlaw Khrih cu thil òha a ra phanmi caah tlangbawi zik in a lang. A rianòuannak biakthlam zong minung sakmi a si lo, hi vawlei thil ser zong a si lo caah a lianngan i a tling deuh. 12 A pekchanhmi thawinak zong meheh le cawfa thi si loin amah thisen theng te a si. Hmunthiang ah cun voi khat a lut i zungzal ca in tlanhnak a tuah. 13 Meheh le cawtum thi le cawla khanghmi a dap kha mi thurhnawmmi cung i theh le vorhnak nih an taksa thiang lakin a thianh hna ahcun 14 Khrih thi nih cun zeitluk in dah a thianter chinchin hna lai.

15 Hi ruangah hin Khrih cu biahren thar lamkaltu a si i biahren hmasa a buarnak khan a tlanh hna nakhnga caah a thihnak a chuak i a auhmi hna nih cun a zungzal kamhmi ro kha an co nakhnga caah a si. 16 Rovuihmi kong ah cun a vuihtu a thih le thih lo fianter hmasa a hau. 17 Zeitintiah ro cu thih tik lawngah co khawh a si i rovuihtu a nun chung paoh ah cun co khawh a si lo. 18 Cucaah biahren hmasa hmanh kha thisen loin fehter a si lo. 19 Phung in nawlbia paoh kha Moses nih zapi sin i a phuan lioah khan cawfa le meheh thi le ti le hisop le tuuhmul sen in a lak i phung cauk le mi zapi kha a theh hna. 20 “Hihi nan zulh awk Pathian nih an pekmi hna biahren thi a si,” a ti. 21 Biakthlam le biaknak ah hmanmi umkheng vialte zong cuticun thi cun a theh dih hna. 22 Phung ning cun zeizong vialte ti awkin thianter a si i thisen luanh lo cun sualngaihthiamnak a um lo.

23 Cuticun van thil muithlam a lomi hna hmanh phungphai in thianter a herh ahcun van thil taktak chinchin cu hi nakin a òha deuhmi thawinak in thianter cu a hau hrimhrin ko. 24 Khrih cu kut in ser lomi a taktak muithlam he aa lomi ah si loin, atu cu kanmah aiawh in Pathian hmaiah khan van hrimhrim ah khin a lut. 25 Tlangbawi zik cu amah thi si loin saram thi he hmun thiang bik ah kumtin a luh tawn bantukin anih cu amah le amah aa thawi òhan lengmang lo. 26 Cuti a si ahcun vawlei hramthawk in voi tampi a temhin òhan lengmang a herh hnga. Sihmanhsehlaw caan donghnak ah sualnak kha hloh awkah amah le amah i thawi in zungzal ca in voi khat a rung lang. 27 Minung caah cun voi khat thih i cu hnuah cun biaceihnak um dingin ruah cia a si. 28 Cu bantuk òhiamòhiam cun Khrih zong mi tampi sualnak phorh awkah thawinak ah voi khat aa pe cang. Sualnak phorh awkah si ti loin amah a rak hngakmi hna khamhnak i hruai awkin a voi hnihnak a lang nolh lai.