7
(Gen 14:17-20)
1 Cu Melkhizedek cu Salem siangpahrang le Cung Nung Bik Pathian tlangbawi a si i Abraham kha siangpahrang a va tei hna nakin a rak kir ah khan a rak don i thluachuahnak a pek.
2 Abraham nih khan a va lakmi hranchaw a dihlak chungin cheuhra cheukhat kha a cheubauh. Melkhizedek a min sullam hmasa cu dinnak siangpahrang ti a si i Salem siangpahrang zong a si, daihnak siangpahrang tinak a si.
3 Pa zong a ngei lo, nu zong a ngei lo i hringsortu dothlat awk zong a ngei lo, hramthawknak ni le donghnak zong a ngei lo. Pathian Fapa ko a lo i zungzal tlangbawi a si.
4 Zeitluk in dah a lianhngan! Hringsortu Abraham hmanh nih a hranchaw chungin cheuhra cheukhat a cheuh.
5 Levi hrinthlak tlangbawi rian a comi hna nih cun phung ning in an unau Israel mi Abraham hrinsor a si ve komi hna sin hmanh in cheuhra cheukhat laknak nawlbia an ngei.
6 Levi hrinthlak ah aa tel ve òung lomi Melkhizedek nih cun Abraham sinin cheuhra cheukhat a lak i Pathian biakam a cotu cu thluachuah a pek.
7 A hme deuh cu a ngan deuh nih thluachuahnak a pek tawn ti cu al khawh a si lo.
8 Hika i cheuhra cheukhat a latu hi cu thih hmangmi minung an si; khika ah khin cun a nung, tiah hngalhmi nih a laak.
9 Cun cheuhra cheukhat latu Levi hmanh nih khan Abraham kut in cheuhra cheukhat a pek ti khawh a si.
10 Zeitintiah Melkhizedek nih Abraham a rak don lioah khan Levi cu Abraham ci ah a um ko rih.
11 Levi hna tlangbawi sinak thawngin tlinnak hmuh khawh rak si seh law [cu tangah cun mi nih phung an rak hmuh] Aron sining si loin Melkhizedek sining bantukin tlangbawi dang chuah a herh ti hnga maw?
12 Tlangbawi sining thlen a si ahcun phung zong thlen a herh ve.
13 Zeitintiah a kong kan chimmi hi cu biakòheng ah rian a òuan bal lomi miphun dang a si.
14 Zeitintiah kan Bawipa cu Judah mi phun hrinsor a si cu a fiang ko i cu phun he pehtlai in Moses nih tlangbawi kong zeihmanh a chim bal lo.
(Slm 110:4)
15 Melkhizedek a lomi tlangbawi phundang a hung chuah tikah hihi a fiang khun.
16 Amah cu minung phungphai le tuah tawn ning si loin a rawk kho lomi nunnak ngeitu huham in tlangbawi ah sermi a si.
17 Amah kong ah hitihin fehter a rak si:
“Melkhizedek a rak sining khan
Nang cu zungzal tlangbawi na si lai,”
18 Khatlei ah hlanlio nawlbia cu a òhawn lo ca le san a tlaih lo caah phenhei a si.
19 (Zeitintiah phung nih zeihmanh a tlinter kho lo). Khatlei ah atu cu Pathian kan naih deuh nakhnga ruahchannak òha deuh nih cun a hun thlen.
20 Cucu chiatserh loin a si lo.
21 Cu hlanah tlangbawi a cangmi hna cu chiatserh loin rian an òuan. Anih hi cu chiatserh in cantermi a si,
“Nang cu zungzal tlangbawi na si
Tiah Bawipa nih chiatserh in a ti i
Aa let ti lai lo,”
22 Hi nih hin Jesuh cu biahrennak òha deuh a siter.
23 Hlanlio tlangbawi hna cu an thih ruangah an rian cu aa pehtlaih zungzal khawh lo caah tlangbawi tampi an um.
24 Sihmanhsehlaw anih tu cu a nung zungzalmi a si caah a tlangbawi sinak zong a hmun.
25 Cucaah amah thawngin Pathian a naihmi hna cu zungzal ca in a khamh khawh hna, zeitintiah an ca i halpiak peng awkah zungzal in a nung.
26 Cu bantuk a thiang, dotla, sualnak ngei lo, misual hna sinin thleimi a si i vancung ah hlorh in a ummi tlangbawi kan ngeih cu a rem hringhran.
27 Tlangbawi zik dang bantukin amah sual ruang le midang sual thiannak caah nifate thawinak tuah a herh lo. Amah pum hrimhrim in aa thawi kha mi zapi caah za lakin voi khat ah a tuahmi a si.
28 Santlai lomi minung hna kha tlangbawi zik caah phung nih cun a thim tawn hna, asinain phung hnuah a rami chiatserhnak nih cun zungzal in a tlingmi Fapa cu a thiah.