6
Tluk Sual Òih A Nunnak
1 Cucaah Khrih kong a hramdomh cawnpiaknak tete cu kal tak cang u sih law mitling sinak lei tu ah fong chin u sih. Santlai lo rianòuannak in i ngaihchih te hna, Pathian zumhnak te hna le
2 sualnak thiannak, kutchuannak, mithi thawhòhannak, zungzal biaceihnak kong cawnpiaknak tehna kha a hram ah kir hnawh ti hlah u sih.
3 Pathian nih a kan onh ahcun kan tuah khawh ko lai.
4 Ceunak hmuhter cangmi, van laksawng a tep cangmi, Thiang Thlarau a hmu cangmi,
5 Pathian bia a thawtnak a hngal cangmi le a ra laimi vawlei lianhngannak a tep cangmi hna kha an tluk ahcun ngaihchihter òhan khawh an si ti lo.
6 Zeitintiah mah hna nih khan Pathian Fapa cu anmah ruangah vailam ah an tah òhan i a mual an phoh cang.
7 A cungah a surmi ruah a rak dawn i a thlotu caah ei tlak thlai a chuahtermi lo cu Pathian nih thlua a chuah.
8 Sihmanhsehlaw belh le hling a khohtermi cu zeihmanh a òhathnem lo caah chiatserh sual a fawi, a donghnak cu khangh a si ko.
9 Ka dawtmi hna, cuticun kan chim ko nain nannih kong tu ah cun khamhnak he aa pehtlaimi thil òha deuh nan ngei tiah ka lung a òha ko.
10 Nan òuannak le amah thawngin mithiang mi hna cungah dawtnak nan langhter i atu tiang zong nan langhter ko rihmi zuanlonh in a ding lomi Pathian a si hin lo.
11 Fiang tein nan i ruahchanmi a tlin hlan paoh cu ahopaoh nih tei nan rak rial tawn bantuk khan tei nan rial lengmang ko rih awk kan in duh hna.
12 Thathut loin zumhnak le lungsau ruangah biakam a comi hna nuncawngtu si ko u.
(Gen 12:1-3)
13 Pathian nih Abraham sin i biakamnak a rak pek lioah khan chiatserhnak tuahtu amah nak ngan deuhmi a rak ngeih lo caah amah le amah,
14 “Pel loin thlua kan chuah lai i kan punzamhter lai,” tiah chiat a ser.
15 Abraham nih lungsau in a hngah caah Pathian nih a kamhmi cu a hmuh.
16 Minung nih cun anmah nak ngan deuh min chalh in chiat an ser tawn i cu chiatserhnak nih cun alhnialnak paoh ah a donghnak biachattu a si tawn.
17 Pathian nih bia a kamhmi rocotu hna pinah aa tinhmi a let lai lo kha langhter a duh tikah chiatserh in a fehter.
18 Hi aa thleng kho lomi thil pahnih, biakam le chiatserhnak ruangah hin Pathian cu a lih khomi a si lo ti a fiang, cucaah amah ah i dor awkin a zammi kannih cu kan hmaika ah chiahmi ruahchannak i tlaih peng awk i thazang òhawng kan ngeih awk a si ko.
19 Cucaah zumhtlak a fekmi nunnak thircangai ah kan i ngeih i cu ruahchannak cu puanzar hnulei hmunthiang chungchin hmanh ah a lut;
20 cuka ah cun kanmah aiawh in Jesuh cu a rak lut chung cang i Melkhizedek bantukin zungzal tlangbawi zik ah a cang.