THESALON
Khuami Sinah Paul Cakuat Pahnihnak
1
Upat Biakchawnhnak
1 Paul nih Silvanas le Timote le tiah Pathian kan Pa le Bawipa Jesuh Khrih ah Thesalonika khua Pathian Khrihfabu hna nan sinah ca kan kuat hna.
2 Pathian kan Pa le Bawipa Jesuh Khrih sinin vel le daihnak nan sinah um ko seh.
3 U le nau hna, nanmah ruangah Pathian cu kan lawmh awk a si ko lai, cucu kan tuah awk hrimhrim a si: zeitintiah nan zumhnak cu aa chap chin lengmang i pakhat le pakhat nan i dawtnak cu a karh chin lengmang.
4 Serhsat nan sinak vialte le temhinnak nan in khawhnak le nan zumhfehnak ruangah khan Pathian Khrihfabu hna sin i kan in chawr tawn hna nak cu a si.
5 Nan temh hnawh chanmi Pathian pennak caah aa tlakmi nan sinak cu Pathian biaceih dinnak a langhnak a si.
6 Nan cungah temhnak a chuahtertu teirulcham in temhter cu Pathian nih a dik tiah a ruah ca le
7 Bawipa Jesuh cu meialh a hliau in aa hliaumi in a vanmi lianngan he langhter a si tikah
8 Pathian a hngal lomi hna cung le kan Bawipa Jesuh Khrih thawngòha nawl a ngai lomi hna an cungah teirul a cham hna lai.
9 Mah hna nih cun rawkral lannak dantatnak le Pathian hmai le a liannganmi a òhawnnak in i òhen lannak an in lai.
10 Cucu a mithiang hna nih sunparter awk le kan chimmi aa lunmi zumtu vialte hna cu an khuaruahharter awk i a rat ni ah a si lai.
11 Cuti a si khawhnak ding caah kan Pathian nih an auhnak hna he aa tlakmi nan si khawh nakhnga thil òha nan i tinhmi le nan zumh caah rian òha nan òuan khawh nakhnga nan caah thla kan cam lengmang.
12 Bawipa Jesuh min cu nanmah le amah ah a huham in kan Pathian le Bawipa Jesuh Khrih vel in sunparter a si khawh nakhnga caah a si.