1 Sihmanhsehlaw, u le nau hna, kan Bawipa Jesuh Khrih ratnak le amah don awkah kan i pumhnak ding kong ah cun 2 Thlarau in siseh, bia in siseh, kanmah kuat khan in chimmi cakuat in siseh, Bawipa cu a ra cang, timi ruangah nan lung cangh tuan lo ding le nan lung aa tuai lo awkah kan in nawl hna. 3 Ahohmanh nih zeihmanh ah in hleng hna hlah seh; zeitintiah ralchannak a phanh hmasa hlan le phung buartupa lohralnak fapa phuan a si hlan paoh cu, cu ni cu a phan rih lai lo. 4 Amah cu khuazing tiah min sakmi paoh le biaknak vialte doh in an cungah i chuan awkin aa chimthiam lai i Pathian òhutdan ah òhu in Pathian ah aa phuang lai. 5 Nan sin i ka um lioah hi kong hi kan chimh hna kha nan cing ti lo maw? 6 Amah caan te i, i phuan awkah zei nih dah a tlaihkhip ti nan hngal maw? 7 Zeitintiah phung buarnak nih cun a thli tein atu ah hin rian a òuan ko cang, sihmanhsehlaw donhkhantu a si nakin òhial a si hlan paoh cu tlaihkhiptu nih a tlaih ko rih. 8 Cucu òhial a si hnuah cun phung buartupa cu phuan a si lai i Bawipa Jesuh nih a thaw in a thah lai i a rat òhan tikah a hloh lai. 9 Cu phung buartupa cu Satan òhawnnak he a ra lai i huham phun zakip le chingchiahnak le khuaruahhar phun zakip i tuahter in a ra lang lai i, 10 a lotlau laimi hna cu a òha lomi phunkip in a hlen hna lai, cucu khamh khawhnak biatak kha an duh lo caah a si. 11 Cucaah lihbia zumhnak dingah Pathian nih lih huham kha a thlah hnawh hna. 12 Cucaah òhat lonak a lawm i biatak a zum lomi vialte hna cu a hlawt hna lai.

13 Sihmanhsehlaw Bawipa nih a dawtmi u le nau hna, atu tein Pathian nih thiancheh in khamh awkah an thim hna i biatak nan zumh caah nan caah Pathian cu kan lawmhnak a si ko lai. 14 Kan Bawipa Jesuh Khrih sunparnak cu nan co awkah kan phuanmi thawngòha hin auh nan si. 15 Cu a si caah cun, u le nau hna, bia in siseh, hmurka in siseh, cakuat in siseh rophung kan in cawnpiakmi hna kha fek tein i tlaih ko u.

16 Atu cu kan Bawipa Jesuh Khrih amah theng le Pathian kan Pa a kan daw i zungzal a hmunmi hnangamnak le ruahchannak òha a kan petu nih cun 17 nan lungthin cu hnem seh law rian òha, bia òha chimnak ah fehter ko seh.