GALATI
Mi Hna Sinah Paul Cakuat
1
Upat Biakchawnhnak
1 Keimah lamkaltu Paul, minung nih auhmi le minung fialmi zong si lo, Jesuh Khrih le amah cu thihnak in a thawhtertu kan Pa Pathian nih fialmi le
2 kan sin i a ummi unau vialte hna nih Galati ram i a ummi Khrihfabu hna a lang in nan kut kan in tlaih hna.
3 Pa Pathian kan Bawipa le Jesuh Khrih nih vel le daihnak in pe ko hna seh.
4 Pathian kan Pa duhnak in hi chanchia hin luatter awk le kan sualnak in thianternak caah Khrih cu amah le amah aa pe.
5 Pathian sinah cun zungzal in zungzal tiang sunparnak um ko seh. Amen.
6 Ka khuaruah nan har ko, zei can hmanh a si lomi chungah Khrih vel in an autu hna cu nan kaltak i thawngòha dang ah nan i mer.
7 A ngaite ahcun thawngòha dang a um lo, sihmanhsehlaw hihi ka chimnak cu nan lung an tuaitertu hna le Khrih thawngòha a ping i kalpi a duhmi hna an um caah a si.
8 Kanmah kan si zongah, vanmi an si zongah nan sin i kan chim cangmi thawngòha he ralchanh in an in chimh hna ahcun chiat ko hna seh.
9 Kan chim cia bantukin ka chim òhan. Nan rak cohlan cangmi thawngòha he ralchanh in mi zeimaw nih an in chimh hna ahcun chiat ko hna seh.
10 Cu ti ka ti tikah minung lungton maw kaa zuam, Pathian lungton dah? Minung lunglawmhter maw kaa zuam? Minung lungton kaa zuam ko rih ahcun Khrih miòhi cu ka si hnga lo.
11 U le nau hna, thawngòha ka chimmi hi minung ta a si lo kha hngal u law ka duh.
12 Minung sinin ka hmuhmi a si lo i minung nih an ka cawnpiakmi zong a si fawn lo, amah Jesuh Khrih hrimhrim nih ka sinah a phuanmi a si.
13 Judah phung in ka rak nunning le thlachiat ruat loin Pathian Khrihfabu ka rak hrem kha nan hngalh.
14 Judah phung le biaknak ka zulhning ah cun ka miphun hawi, ka khukòhi ka hleih dih hna i a kan hringsortu hna nih an tuah tawnmi ah cun ka rak i biatak tuk hringhran.
15 Sihmanhsehlaw Pathian nih ka chuah hlanin a ka thlei i a vel in a ka auh.
16 Amah thawngòha cu Jentail mi hna sin chim awkah a Fapa cu ka sinah a langhter. Aho minung ruahnak hmanh ka hal hna lo,
17 ka hlanah lamkaltu a si cangmi hna ton ding zongah Jerusalem ah ka kal fawn lo, Arabia tu ah ka kal colh; cu hnuah Damaskas ah ka ra kir òhan.
18 Kum thum hnu lawngah Jerusalem ah Sifas tlawn awkah ka kal i a sinah ni hlei nga chung ka cam.
19 Bawipa naupa Jeim ti ko lo cu lamkaltu dang ahohmanh ka hmu hna lo.
20 Nan sin i ka òialmi hi, ka lih lo kha Pathian nih a hngalh.
21 Cu hnu cun Siria le Silisia te hna ah ka kal.
22 Cu lioah cun Judea Khrihfabu hna nih mui hmuh in an ka hngal rih lo.
23 “A rak kan hremtupa nih khan hrawh a rak timhmi zumhnak kong kha a chim òhan cuahmah ko,” an ti thawng lawngin an ka theih.
24 Cucaah keimah ruangah Pathian an thangòhat.