2
Paul le Lamkaltu Dang Hna
1 Cun, kum hleili hnuah Barnabas he Jerusalem ah kan kal òhan i Titas kaa òhit.
2 Biaphuannak in ka kal; thawngòha ka chimmi kha pakpalawng a si nakhnga lo le hmailei zongah a si lai nakhnga lo caah min lang deuh hna sin lawngah khan Jentail mi hna sin i thawngòha ka chimmi kha ka chuahpi.
3 Sihmanhsehlaw ka sinah a rami Titas hmanh kha Grik mi a si ko nain cuarpartan an hne lo.
4 Unau deu, Khrih Jesuh ah zalonnak kan ngeihmi ngiathlaitu dingah a thli in an luhpimi hna nih cun sal ah luhter òhan an kan timh.
5 Sihmanhsehlaw thawngòhabia dik cu nan ca i humhak awkah a pelte hmanh kan kam bal lo.
6 Hruaitu min lang khan ah ruahmi hna (an sining nih ka caah zeihmanh a danter lo; Pathian nih ahohmanh a thlei dang lo) zong nih cun zeihmanh an chap lo pinah
7 Peter kha cuarpartanmi hna caah thawngòha cu kenter a si bantukin keimah zong cuarpartan lomi hna caah thawngòha kenter ka si kha an hmuh lehlam.
8 (Zeitintiah cuarpartanmi hna caah Peter a fialtu nih cun kei zong Jentail mi hna sin i lamkaltu si awkin a ka thlah ve).
9 Cun, Khrihfabu suttung ah ruahmi Jeim le Sifas le Johan hna zong nih cu òuanvo ka hmuh kha an hngalh, cun rianòuantu kan si langhternak ah Barnabas he hawikomhnak orhlei kut an kan chanh. Barnabas le kei nih cuarpartan lo Jentail hna sinah rian kan òuan lai i annih nih cuarpartanmi hna sinah an òuan ve lai tiah bia kan khiah.
10 An sin i sifak hna philh lo awk kha an kan cah i cu tu cu tuah awkah ka lung a rak tho ngai cangmi a si ve ko.
11 Sihmanhsehlaw Sifas cu Antiok i a rat ah khan hmaizah lo tein ka cak, zeitintiah a palh ko kha a lang.
12 Jeim nih a rak thlahmi hna an rat hlanah cun Jentail hna sinah rawl a ei i an rat hnu tu cun cuarpartan pawl òih ruangah a ei ti lo.
13 Judah mi dang hna zong nih an ziathiamnak cu an i cawn i Barnabas zong hmanh kha an ziathiamnak ah cun a zuang ve.
14 An thil tining kha thawngòha biatak ah an hlangfang ngam lo ti ka hmuh tikah zapi hngan te ah Sifas cu, “Judah mi nangmah hmanh Judah mi nunning i nung loin Jentail mi bantukin na nun ahcun zeitindah Jentail mi hna cu Judah mi nunning cun na nunter khawh hna lai?” ka ti.
15 Kannih cu Judah mi in hrin kan si i Jentail misual hna bantuk kan si lo.
16 Sihmanhsehlaw phung zulh ruangah si loin, Jesuh Khrih zumhnak thawng tu in minung cu thiamcoh a si ti kan hngalh. Phung zulh ruangah si loin Khrih zumhnak thawngin thiam kan co nakhnga kanmah zong nih Khrih cu kan zumh, zeitintiah phung zulh in ahohmanh thiam an co kho lai lo.
17 Khrih ah thiamco aa timmi kannih zong hi misual in hmuh kan si ahcun Khrih cu sual rianòuantu a si tinak maw a si? Si naisai hlah!
18 Ka òheh cangmi kha ka sak òhan ahcun aa buarmi ka sinak kha ka langhter a si hnga.
19 Kei cu phung ruangah phung ah cun ka thi, cucu Pathian ca i ka nun khawh nakhnga caah a si.
20 Khrih he vailam ah tahchih ka si; a nungmi cu keimah ka si ti lo, ka chungah a nungmi cu Khrih tu a si i atu i thisa in ka nunnak hi cu a ka daw i ka caah a nunnak a pemi Pathian Fapa zumhnak thawngin a si.
21 Pathian vel cu pakpalawng ka siter lai lo; zeitintiah thiamcohnak cu phung in a si ahcun Khrih thihnak cu sullam a ngei hnga lo.