1 Atu hi nan sin i ka rat a voi thumnak ding a si. “Sualpuhnak paoh cu pahnih maw pathum maw theitu an um tik lawngah tuah awk a si,” ti a rak si. 2 Nan sin ka rat a voi hnihnak ah khan a sualmi le a dang vialte sin zongah ka chim chung cang; nan sin i ka um lo hmanh ah atu ah ralrinnak kan pek òhan hna, ka rat tikah cun a sualmi cu ka zuah hna lai lo. 3 Keimah hmang in Khrih nih bia a chim le chim lo hngalh nan duh caah hitihin ka ti lai. Nanmah he i tawlthamnak ah khan Khrih cu a derthawm lo, a òhawnning cu nan lakah a lang ko, 4 Derthawm in vailam ah tah si ko hmanh seh law Pathian huham in a nung òhan. Kannih zong a derthawmnak kha kan i hrawm, sihmanhsehlaw nanmah he i tawlthamnak ah cun Pathian huham in amah he kan nung lai.

5 Nan zumhnak kha nan i tlaih peng le tlaih peng lo nanmah le nanmah i tuak u. I hneksak hmanh u, Khrih kha nan chungah a um ti nan hngal lo maw? Nan hngalh lo ahcun hneksaknak ah nan sungh a si ko. 6 Kei tu cu ka sungh lo kha nan hmuh ko lai, tiah ka ruah. 7 Asinain sualnak zeihmanh nan tuah nakhnga lo Pathian sinah thla kan in campiak tawn hna, hneksak kan in nakhnga lo caah a si lo, a sungmi zong kan hei lo ko lai nain a hmanmi nan tuah khawhnak kha kan duhmi a si. 8 Biatak cu kan òanh dah ti lo ahcun a doh cun kan do lai lo. 9 Kan der hmanh ah nanmah nan òhawn ahcun kan i lawm ko. Ka thlacammi hi nanmah tlinnak caah a si. 10 Ka rat tikah ka nawlngeihnak kha fak tuk in ka hman lo nakhnga a langin ca hi ka òial, zeitintiah Bawipa nih nawlngeihnak a ka pekmi cu nanmah òhehòhiamnak caah si loin nanmah dirhòhohnak caah a si.

11 A donghnak ah, u le nau hna, dam tein um u. Nan nunning i remhchun u. Kan nawlnak hna hi ngai u, pakhat le pakhat lungrual tein um u, I rem u law dawtnak le daihnak Pathian cu nan sinah a um lai. 12 Pakhat le pakhat hnamhthiang in i bia chawn u. 13 Hika mithiang mi vialte nih a langin nan kut an in tlaih hna.

14 Kan Bawipa Jesuh Khrih vel le Pathian dawtnak le Thiang Thlarau hawikomhnak cu nan zapi sinah um ko seh.