6
Chiandeih Thong Ah Daniel An Thlak
1 Ram uktu dingah khan Darius nih mangki bawi 120 a chiah hna i
2 an cungah cun vuanzi pathum a chiah hna; siangpahrang duhnak kha a tlin khawh nakhnga mangki bawi hna nih cun cu vuanzi pathum hna sinah cun thawngthanhnak an tuah lengmang awk a si i cu pathum hna lak i pakhat cu Daniel kha a si ve.
3 An rianòuannak ah cun Daniel nih vuanzi dang hna le mangki dang hna cu a thil ti khawhnak in a iap hna i cucaah siangpahrang nih ram vialte uktu ding i chiah awkah a lung chungin a ruah.
4 Khi tikah vuanzi pawl le mangki bawi hna nih khan Daniel nih ram a ukning sual kawl khawhnak ding caah lam an kawl, sihmanhsehlaw thil òhalo a tuahmi kha pakhat hmanh an hmu kho lo; zeicahtiah siangpahrang nih a fialmi kha fel tein a tuah.
5 A rian a tlolhnak siseh, thil òhalo a tuahmi siseh, zeihmanh an hmuh khawh lo caah an i thawh i, “Hi Daniel hi sual puh khawh awk zeihmanh a um lo, a biaknak lei dah i kan kawl khawh lo ahcun,” tiah an ti.
6 Cucaah hi vuanzi hna le mangki bawi hna nih hin siangpahrang ton khawhnak ding caan òha kha an bawh. Siangpahrang cu an thawh i,
7 “Siangpahrang Darius cu saupi nung ko seh! Hi ram chung vuanzi vialte le kuzale vialte le mangki vialte le vuanthok vialte le tlangpi vialte nih kan i ceih i siangpahrang nih hin nawlbia pakhat in chuah seh law phunglam pakhat in fehter seh law, ahohmanh an si ah, kan hmai ni 30 chung i siangpahrang nangmah sinah si loin pathian dang sinah siseh, midang sinah siseh, thla a cammi paoh cu, chiandeih thong ah thlak si hna seh, tiah kan hna a tla.
8 Cucaah maw siangpahrang, nangmah nih nawlbia pakhat in chuah law a òial in òial si seh, Media mi hna le Persia mi hna nawlbia cu let khawh an si lo bantukin hi nawlbia zong cu thlen khawh a si ve nakhnga lo, na min thu law fehter tuah,” an ti.
9 Cu tining cun Siangpahrang Darius nih cun nawlbia cu caòial in a chuah.
10 Daniel nih cu nawlbia cu chuah a si cang ti a theih tikah a inn ah a lawi. A inn khaan cung dot ah khan Jerusalem lei hoih in thlalangawng pathum an um. Khika ah khan a tuah tawn phung a si zungzal bantukin a khuk aa bil i ni khat ah voi thum lengmang thla a cam i a Pathian kha a thangòhat.
11 A ral hna nih khan Daniel cu an tlaih khawh nakhnga caan rem cu an bawh i thla a cam i Pathian sinah nawlnak a tuah lio cu an hmuh.
12 Cun siangpahrang sinah cun an ra i siangpahrang cu nawlbia a chuahmi kha an hung hngalhter than. “Bawipa, nangmah nih, kan hmai ni 30 chungah, ahohmanh nih nangmah sinah si loin pathian dang sinah siseh, minung sinah siseh, thla a cammi an um ahcun, cu hna cu chiandeih thong ah thlak an si lai, tiah na ti lo mei?” tiah an ti. Siangpahrang nih, “Asi ko, Media mi hna le Persia mi hna nawlbia cu zungzal in a hmunmi an si,” tiah a leh hna.
13 Cucaah siangpahrang hmaika ah cun an i thawh i, “Judah mi saltangmi hna lak i aa tel vemi Daniel nih siangpahrang nawlbia cu zei ah a rel lo i a pathian sinah ni khat ah voi thum lengmang thla a cam,” an ti.
14 Siangpahrang nih cun a theih tikah a lungre a thei ngaingai. Daniel khamhnak ding kha ruah aa zuam i nitlak tiangin heh tiah aa zuam lengmang;
15 kha tikah kha hna òhiamòhiam nih khan siangpahrang va fuhnak ding caan rem cu an bawh òhan i, “Bawipa nih na hngalh awk cu, Media mi hna le Persia mi hna phung in siangpahrang nih nawlbia siseh, phung siseh a chuah cangmi cu thlen khawh a si ti lo, ti hi a si,” tiah an va ti.
16 Cucaah siangpahrang nih cun nawlbia a chuah i Daniel cu an ratpi i chiandeih thong ah cun an thlak; sihmanhsehlaw Daniel cu a thawh i, “A rian na òuan zungzalmi na Pathian nih khan an khamh ko lai,” tiah a ti.
17 Lungpi pakhat kha an rak put i thong inn ka ah cun an chiah, ahohmanh nih Daniel cu khamh awkah a karlak ah rian an òuan khawh nakhnga lo siangpahrang nih cun a ca khenhnak in le a bawi hna ca khenhnak in a khenh.
18 Siangpahrang cu a inn ah a kal i cu zan cu rawl a ul; nu ahohmanh a sinah ratter a duh hna lo i i hngilh kho loin a um.
19 Khua a hung dei tikah, a ceu cangkate khin, a tho i ther le phang lengmang in thonginn ah cun a va kal.
20 Siangpahrang cu cuka cu a va phak tikah Daniel cu lau lengmang in a vun auh i, “Daniel, a nungmi Pathian salpa, a rian na òuan zungzalmi na Pathian nih cun chiandeih hna sin khan an khamh kho maw?” tiah a ti.
21 Cun Daniel nih cun a hun leh i, “Siangpahrang cu saupi nung ko seh!
22 Ka Pathian nih chiandeih hna cu an kaa phih awkah a vancungmi kha a run thlah hna i cucaah ka cungah zeihmanh òhat lonak an tuah lo, zeicahtiah amah nih a ka hmuh ning ah kei cu a sual lomi ka si i cuhleiah maw siangpahrang, nangmah cungah òhat lonak zeihmanh ka tuah lo,” tiah a ti.
23 Siangpahrang cu aa lawm tuk hringhran i Daniel cu khor chung in a lengah cawi u, tiah nawl a pek hna. Cucaah Daniel cu lengah an cawi i amah nih a Pathian kha aa bochan caah a cungah hmarung zeihmanh a um lo.
24 Siangpahrang nawlbia in Daniel sual phawtu vialte hna an nupile le an fale he chiandeih thong chungah cun an vun thlak hna i a òuang hmanh an phak manh hlanah khin an rak zuanhnawh hna i an ruh he an zeizong tein an khai dih hna.
25 Cun Siangpahrang Dairus nih vawlei cung dihlak i miphun vialte le holh phun vialte sinah cun ca a kuat hna i, “Nan thluachuahnak cu karh chin ko hna seh!
26 Ka peng chung dihlak ah mi vialte nih Daniel i a Pathian cu nan òih lai i nan upat lai:
Zeicahtiah amah cu Pathian nung,
zungzal in a hmunmi,
A òhawnnak a dong lo i a bawi sinak
a dong lomi a si §
27 Amah cu khamhtu, chuahtertu,
hmelchunhnak le khuaruahharnak
van le vawlei cungah a sertu a si,
Amah nih Daniel cu chiandeih hna
òhawnnak chungin
a khamh cang,” a ti.
28 Cuticun Daniel cu Darius uk chung le Persia mi Sairas uk chungah thluachuak in a um.