5
Belshazzar Rawldanghnak
1 Siangpahrang Belshazzar nih a bawi 1-000 hna caah khan rawldanghnak a ser i 1-000 hna he cun zu an ding.
2 A hung ri nawn i cu tikah a pa Nebukhadnezzar nih Jerusalem biakinn in a rak lakmi sui hrai hna le ngun hrai hna kha va la hna u law cu hrai hna cun ka bawi hna le ka nupi hna le ka sinum hna he zu kan ding lai, tiah nawl a pek hna.
3 Cucaah Jerusalem biakinn sui hrai hna le ngun hrai hna kha an va lak hna i siangpahrang le a bawi hna, a nupi hna le a hlasatu nu hna nih cun zu dinnak ah an hman hna.
4 Zu cu an ding i sui pathian le ngun pathian le dar pathian le thir pathian le thing pathian le lung pathian kha an thangòhat hna.
5 Cu tikah ruah lopi ah khin siangpahrang inn vampang si thuhmi, mei nih fiang bik in a ceuhmi hmun ah khin, minung kut bor pakhat a hung chuak i ca a hun òial zuaimai ko. Cu kutbor cu ca a hun òial lioah khan siangpahrang nih cun kutbor a kenglei kha a hmuh.
6 Siangpahrang cu a lau tuk i a daang dih; a kut le a ke vialte kha an ther dih i a khuk kha aa hnin.
7 Khuachia òhawlthiam hna le camhthiam hna le mang ihthiam hna kha, runpi hna u, tiah fak piin a au i Babilon mifim hna cu. “Hi ca òialmi hi a rel kho i a sullam a ka chim khotu paoh cu puan sen aih an si lai i a hngawng ah sui òhi rual oih an si lai i ka pennak chungah bawi ngan pathumnak an si lai,” tiah a ti.
8 Siangpahrang mifim vialte cu an rung lut, sihmanhsehlaw caòialmi cu a rel zong an rel kho lo i a sullam zong siangpahrang cu an chim kho lo.
9 Siangpahrang Belshazzar cu hmai daang le zei chim awk hngal loin a òhu ko i a bawi hna cu khuaruahhar in an um.
10 Siangpahrang le a bawi hna cu bia an i ruah lengmang lioah khin siangpahrang bawinu cu rawl danghnak khaan chungah cun a rung lut i, “Siangpahrang cu saupi nung ko seh! Zeicahdah na khuaruah a har i daang dihlak in na um.
11 Na ram chungah hin mipa pakhat, a chung i pathian thiang hna thlarau a ngei i na pa chan ah hngalhnak a ngei ti fiang in hngalhmi le pathian fimnak bantuk fimnak a ngei ti hngalhmi a um. Na pa Siangpahrang Nebukhadnezzar nih khan mitleh thiam hna le khuachia òhawlthiam hna le Khaldi mi hna le mang ihthiam hna haotu bik ah khan a chiah.
12 Hi Daniel, siangpahrang nih Belteshazzar tiah min a sakmi hi hawi hlei in thil ti khawhnak a ngei tiah hngalh a si i hngalhnak le fimnak le mang leh khawhnak le biahar fianter khawhnak le dawi leh khawhnak a ngei; amah cu atu ah auh si seh law a sullam a chim khawh ko lai,” tiah a ti.
Vampang Cung Caòial Sullam A Chim
13 Cun Daniel cu siangpahrang hmaiah cun an run luhpi i siangpahrang nih cun a thawh i, “Nangmah hi maw Daniel cu na si? Siangpahrang ka pa nih Judah ram in saltangmi si awkah a ratpimi hna lak i aa tel vemi cu maw na si?
14 Nangmah cu pathian thiang hna thlarau kha a ngei i fiang tein hngalh khawhnak a ngei i hawi hlei in fimnak a ngeimi na si tiah ka theih.
15 Mifim hna le khuachia òhawlthiam hna cu hi caòial hi rel i a sullam chim awkah ka hmaiah an ratpi hna, sihmanhsehlaw an let kho lo.
16 Sihmanhsehlaw nang cu mang sullam kha a chim khawh i dawi leh zong kha a thiam tiah kaan theih. Cucaah caòial cu na rel khawh hna i a sullam na chim khawh hna ahcun maimaw puan kha aih na si lai i na hngawng ah sui òhi rual oih na si lai,” tiah a ti.
17 Cun Daniel nih siangpahrang hmaiah cun aa thawh i, “Na laksawng cu nangmah caah i chiah ko hna, a si lo le midang pe hna. Asinain caòialmi cu siangpahrang kha kan relpiak lai i a sullam cu kan chimh lai.
18 Siangpahrang ka bawipa, Cungnung Bik Pathian nih na pa Nebukhadnezzar cu pennak le òhawnnak le sunparnak le lianhngannak kha a pek;
19 cu òhawnnak a pekmi thawng cun mi vialte le holh phun dangdang a hmangmi vialte hna nih a hmaiah a ther in an ther i amah cu an òih dih. Thah a duhmi kha a thah ko hna i nunh a duhmi kha a nunh ko hna, santer a duhmi kha a santer ko hna i òhumh a duhmi kha a òhumh ko hna.
20 Sihmanhsehlaw a hun i porhlawt i mah lung lawng rinh in khua a hung sak i a ruam a hung kai tikah a bawiòhutdan cung khan amah cu òhumh a si i a sunparnak cu chuh a si.
21 Amah cu minung hna sin khan òhawl a si i a lungthin cu saram lungthin bantuk ah khan a cang, ramlak laa hna sinah khan khua a sa i cawtum bantukin ram kha a ei i a pum cu van dap nih cin cikcek in a tlak, cuticun Cungnung Bik Pathian cu minung pennak cungah hin bawi a si i cu pennak a pengtu dingah cun a duhmi paoh kha a chiah hna ti a hngalh hlantiang, cuticun a um.
22 Sihmanhsehlaw a fapa, Belshazzar, nangmah nih hi vialte cu na hngal ko nain, toidornak lungthin na ngei duh lo. Vancung Pathian cu a doh in na doh.
23 A biakinn umkheng hna cu na cabuai ah na rak putter hna i nangmah le na bawi hna le na nupi hna le na hlasatu nu hna nih cu hrai cu zu dinnak ah nan hman hna. Ngun pathian le thing pathian, zeihmanh a hmu kho lomi, a theih zong a thei kho lomi a hngalh zong a hngal kho lomi cu nan thangòhat hna i, asinain nan nunnak a uk i nan tuahmi vialte a uk dihtu Pathian tu cu sunparnak nan pe lo.
24 Cu ruangah cun Pathian nih khi kut khi hi bia òial awkah hin a run thlah.
25 Cun a òialmi ca biafang cu hihi an si: Mene mene b Mene ti hi a sullam cu rel tinak a si. tekel c tekel ti hi a sullam cu cuaithlai tinak a si. u-pharsin. d u-pharsin ti hi a sullam cu cheu tinak a si.
26 Cun a lehnak cu hihi a si: Mene ti cu Pathian nih na pennak ni cu a rel cang hna i a donghnak a phakter cang hna, ti a si;
27-28 tekel ti cu cuai thlainak ah thlai na si cang i na tling lo ti kha hmuh a si cang, tinak a si; u-pharsin ti cu, na pennak cu cheu a si cang, tinak a si i Media mi le Persia mi kha pek an si cang, ti a si,” tiah a ti.
29 Cun Belshazzar nih nawl a pek hna i Daniel cu puan sen kha an aih i a pennak chungah bawi ngan bik pathumnak a si tiah thawngthanhnak an tuah. Ref 5.29: Gen 41.42
30-31 Cu zan hrimhrim ah cun Khaldi mi hna siangpahrang Belshazzar cu thah a si i Media mi Darius nih pennak kha a lak, Darius cu kum 62 a si.