3
Sui Milem Biaknak
1 Siangpahrang Nebukhadnezzar nih sui milem pakhat, a san pe 90, a ngan pe kua a simi kha a ser i Babilon ram Dura nelrawn ah cun a dirter.
2 Cun mangki, zipeng, vuanthok, upadi thiammi, tangka kengtu, biaceihtu, ram zohkhenhtu bawi le ram ukbawi vialte hna kha, a phunmi milem conglawmhnak i tel awkah cun a cah hna.
3 Cuticun mangki vialte, zipeng vialte, vuanthok vialte, upadi thiammi vialte, tangka kengtu bawi vialte, biaceih bawi vialte, ram zohkhenhtu bawi vialte le ram uktu bawi vialte hna cu Siangpahrang Nebukhadnezzar nih a phunmi milem sunlawih awk caah cun an i pum; annih cu Nebukhadnezzar nih a phunmi milem hmaiah cun an dir.
4 Khi tikah tlangautu nih khan fak piin a au i,
5 “Maw miphun zakip le holh phun zakip hna, nannih nih muko thawng le tingtang thawng le thonglawi thawng le darkhing thawng le tummi phun kip thawng le hlasak thawng kha nan theih tikah nan bawk lai i Siangpahrang Nebukhadnezzar nih a phunmi sui milem cu nan biak lai, tiah nawl pek nan si.
6 A bawk lo i a bia lomi paoh cu a alh hluahmahmi meiphu chungah paih nan si lai,” tiah a ti.
7 Cu bantukte cun, miphun zakip le holh phun zakip hna nih khan muko le tingtang tummi a phunphun thawng le hlasak thawng kha an theih cangka tein an bawk i Nebukhadnezzar nih a phunmi milem cu an biak.
Judah Mi Pathum Nih An Bia Duh Lo
8 Khi tikah Khaldi mi mi cheukhat cu an ra i Judah mi kha sual an phawt hna.
9 Siangpahrang Nebukhadnezzar cu an chimh i, “Siangpahrang cu saupi nung ko seh!
10 Siangpahrang nih nawlbia na chuah i muko thawng le tingtang thawng le tummi a phunphun thawng le hlasak thawng a theimi paoh nih nan bawk lai sui milem kha nan biak lai, na ti.
11 Cu bantukin a tuah lomi paoh cu a alh hluahmahmi meiphu chungah paih an si lai, na ti fawn.
12 Sihmanhsehlaw Babilon ram uknak zohkhenhtu ah na chiahmi Judah mi Shadrak, Meshak, le Abednego hna nih cun bawipa na nawlbia kha zei ah an rel duh lo i na phunmi sui milem kha an bia duh lo,” tiah an ti.
13 Cu tikah Nebukhadnezzar nih cun a thinhun le a thinlinh in Shadrak le Meshak le Abednego cu va ko hna u, a ti i annih cu siangpahrang hmaika ah an hun chuahpi hna.
14 Nebukhadnezzar nih cun a thawh hna i, “Shadrak, Meshak le Abednego, nannih nih ka pathian cu a rian òuanpiak nan duh lo i ka phunmi sui milem cu biak nan duh lo, an ti cu biatak a si maw?
15 Nannih nih muko thawng le tingtang thawng le tummi a phunphun le hlasak thawng kha nan theih tikah, kan bawk lai i na phunmi milem cu kan biak lai, nan ti ahcun a òha ko lai. Sihmanhsehlaw nan biak lo ahcun, a alh hluahmahmi meiphu chungah nannih cu paih nan si colh ko lai; ka òhawnnak chungin an chuah khotu hna zei pathian tal a um lai, tiah nan ruat maw?” tiah a ti.
16 Shadrak, Meshak le Abednego nih cun Siangpahrang Nebukhadnezzar cu an leh i,
17 “Maw siangpahrang, hi kong ah hin kan in leh awk a herhmi a um ti awk zeihmanh kan hngal lo; a alh hluahmahmi meiphu chungin le na kut chungin kan biakmi Pathian nih a kan khamh khawh ahcun, kan khamh ko seh;
18 a kan khamh lo hmanh ah na pathian cu kan bia hlei lai lo i na phunmi milem hmai zongah cun kan kun hlei lai lo, ti kha bawipa nangmah nih hngal ko,” tiah an ti.
Meiphu Chungah An Paih Hna
19 Khi tikah Nebukhadnezzar cu Shadrak le Meshak le Abednego cungah cun a thin a hung tuk hringhran i a thin a hun tuk caah a hmai zong aa simsawi dih.
20 Meiphu cu voi dang nak a let sarih in nan linhter lai tiah nawl a pek hna i a ralkapbu chung i ralkap òhawng bikbik hna kha Shadrak le Meshak le Abednego cu nan òem hna lai i a alh hluahmahmi meiphu chungah cun nan paih hna lai, tiah a fial hna.
21 Cun an tawhrolh le an angki le an luchin he an thilpuan tling tein i hruk in a ummi hna cu an òem hna i meiphu alh chungah cun an paih hna.
22 Siangpahrang nawl pekmi cu khulrang tuk in a si caah le meiphu cu a linh tuk hringhran caah Shadrak, Meshak le Abednego a cawitu hna cu a hung chuak sualmi meizik nih khan a thah hna;
23 cun kha minung pathum, Shadrak, Meshak le Abednego hna cu òem buin meiphu alh chungah cun an thlak hna.
24 Khi tikah Siangpahrang Nebukhadnezzar cu a khuaruah a har i therphang ngaiin a hung dir. A tlangpi pawl cu a thawh hna i, “Meiphu chung i òem buin kan paihmi hna kha pathum an si lo maw?” tiah a ti. Annih nih siangpahrang cu an leh i, “A si hrimhrim ko,” tiah an ti.
25 Cun anih nih, “A si kun ahcun zeicahdah meiphu chungah zeihmanh poi loin aa chawkmi mi pali ka hmuh kun hna; cun a palinak cu pathian a lo fawn,” tiah a leh ve hna.
An Chuah Hna I Kainak A Pek Hna
26 Nebukhadnezzar nih cun a alh hluahmahmi meiphu a kaa cu a hei naih i mi cu a hei auh hna i, “Shadrak, Meshak le Abednego, Cungnung Bik Pathian sal hna, hung chuak u law hika ah hin ra tuah u,” tiah a ti hna. Cun Shadrak, Meshak le Abednego cu mei chung cun an hung chuak.
27 Khi tikah mangki le zipeng le vuanthok le siangpahrang tlangpi hna cu an i pum i hi mi hna an pum cungah khan òhat lonak zeihmanh mei nih a tuah lo ti kha an hmuh; an lu cung samfa fa khat hmanh a kang lo i an thilthuam kha zeihmanh a kangh lo hlei ah mei rim hmanh an nam lo.
28 Khi tikah Nebukhadnezzar nih cun aa thawh i, “Shadrak, Meshak le Abednego Pathian cu thangòhat si ko seh. Amah an i bochan ca i siangpahrang nawlbia hmanh zul duh loin a um i an Pathian hleiah pathian dang biak nakcun mei chung i paih hmanh a duh deuhmi a salle hna cu, khamh awkah Amah nih a vancungmi kha a run thlah.
29 Cucaah ahohmanh, mi zei miphun chung mi hmanh si ko uh, cun nan holh zong zei holh hmanh si ai kun, hi hna Shadrak le Meshak le Abednego hna Pathian a serhsatmi paohpaoh cu thlehbauh dih nan si lai i nan inn kha chuh nan si lai, tiah keimah nih nawlbia ka chuah; zeicahtiah hi bantukin mi a khamh khotu pathian dang zeihmanh an um lo,” tiah a ti.
30 Cun siangpahrang nih Babilon ram chungah Shadrak le Meshak le Abednego cu rian ngan deuh ah a kaiter hna. \c 4
Nebukhadnezzar Mang Pahnihnak
1 Siangpahrang Nebukhadnezzar nih, vawlei cung i a ummi miphun vialte hna le holh phun vialte hna sinah thawng kan thanh hna:
2 Thluachuahnak vialte cu nan ta si ko seh. Cungnung Bik Pathian nih ka caah a tuahmi hmelchunhnak hna le khuaruahharnak hna cu chim òhan ka duh hna:
3 Hmelchunhnak a tuahmi hna cu
zeitluk in dah an ngan i
Khuaruahhar a tuahmi hna cu
zeitluk in dah an òhawn,
A pennak cu zungzal hmunmi
pennak a si i
bawi a sinak cu
chan vialte tiangin a hmun, a ti.
4 Keimah Nebukhadnezzar cu ka inn ah hnangam tein le ka siangpahrang inn ah cun nuam ngaiin ka um i
5 ka ihnak i ka ih lioah mang pakhat ka manh i cu nih cun ka thin a ka phanter.
6 Cun mang ka manhmi le langhnak ka hmuhmi hna nih cun ka khuaruah an ka harter. Cucaah nawlbia pakhat ka chuah i Babilon mifim vialte hna kha ka mang sullam leh awkah cun ka hmaiah ka auh dih hna.
7 Mitlehthiam hna le khuachia òhawl thiam hna le Khaldi mi hna le mang ih thiam hna kha an ra i an hmaiah cun ka mang cu ka chim.
8 Sihmanhsehlaw annih nih an let kho lo. Asinain a dang pakhat ka hmaiah cun a ra chuak i amah cu Daniel a si, ka pathian min zulh in Belteshazzar ti zongah ti a si; amah cu pathian thiang hna thlarau nih an umhnawhmi a si.
9 Amah zong cu ka mang cu ka chimh i, “Mitleh thiam hna lak i a thiam bik, keimah hrimhrim nih pathian thiang hna thlarau nih an umpimi a si ti ka hngalhmi le biathli zeihmanh a hngal kho dihtu a si tiah ka hngalhmi Belteshazzar, ka mang i ka hmuhmi langhnak cu ka ngaihpiak law a sullam cu ka chim tuah,” tiah ka ti.
10 Ka ihkhun cung i ka ih lioah ka lu chungah a rung lutmi langhnak cu mah hihi a si:
Khua ka hei cuanh lioah khin,
vawlei laifang ah thingkung pakhat
a sang ngaingaimi a dir kha
ka hmuh:
11 Thingkung cu a hung òhang chin
lengmang i
a par nih van a tawngh i
vanhramdeng hmanh in
hmuh khawh a si.
12 A hnah cu an i dawh ngaingai i
a thei cu an tam ngaingai caah
zeizong vialte kha a cawm khawh hna.
A toiah cun ramsa kha an i dor i
a nge ah cun vate nih bu an ser;
Thilnung vialte nih amah sin cun
13 Cun langhnak a dang pakhat ka ihkhun i ka ih lio i ka hmuh rihmi cu hihi a si:
Cu ti i ka zoh ko lioah cun,
Vancung in vengtu thiang pakhat,
a rung òum kha ka hmuh.
14 Cu pa cu fak piin a au i,
“Thingkung kha hau u,
a nge kha thlam hna u,
a hnah kha zun hna u law
a thei kha òhek dih hna u.
A toi i aa dormi ramsa hna kha
zam hna seh law a nge i
aa fumi va hna kha
zuang hna seh;
15 Sihmanhsehlaw a hmui kha cu
vawlei ah khan kaltak ko u,
thir cikcin le dar cikcin in
khimh u.
Lo lakah khan kaltak ko u law
rambur lakah khan um ko seh.
Vandap nih cin cikcek in
tlak seh law
ram hno lak i a tlongmi
saram hna bantuk kha si ve seh;
16 A lungthin cu minung lungthin
si ti hlah seh law,
saram lungthin tu
kum sarih chung keng seh.
17 Hi kong cu cawngtu vancungmi
hna nih an ruah ciami a si.
Cucaah khuazeika ram i a ummi
minung paohpaoh hna nih,
Cungnung Bik Pathian nih cun
minung pennak cungah nawl
a ngei ti kha hngal hna seh.
A duhmi paoh kha siangpahrang ah
a ser khawh ko hna,
santlailo bik hmanh kha
a ser khawh ko hna,
ti kha hngal hna seh,” a ti.
18 “Hihi keimah Siangpahrang Nebukhadnezzar nih ka manhmi ka mang cu a si; atu cu Belteshazzar, nangmah nih a sullam cu ka chim tuah; ka pennak chung i a ummi mifim vialte nih a sullam kha an ka chim kho lo nain, nang nih cun na chungah a thiangmi pathian hna thlarau kha a um caah na ka chimh khawh lai,” tiah a ti.
Daniel Nih A Sullam A Chim
19 Daniel, Belteshazzar ti zongah ti a simi cu, tlawmpal cu ar òhup in a hung um i zeihmanh a chim kho lo. Sihmanhsehlaw siangpahrang nih cun aa thawh i, “Ka mang le a sullam nih cun na khuaruah in harter hlah seh,” tiah a ti. Belteshazzar nih cun a leh i, “Ka bawipa, hi mang le a sullam hi nangmah an huatu hna le na ral hna ca tu ah hei si seh law ka hei duh hnga dah!
20 Nangmah nih na hmuhmi thingkung, a òhang i a òhawng i a par van a tawng i vanhramdeng in hmuh khawh a si i
21 a hnah aa dawh i a thei a tam i zeizong vialte ca i a tlai rawl a si i a toi i ramsa an tlon i a nge i vate an riahnak cu, cu thingkungpi cu, maw siangpahrang, nangmah na si.
22 Nangmah cu na òhang i na òhawng. Na lianhngannak cu a thang i van a tawng; na bawi sinak cu vanhramdeng a phan.
23 Cun maw siangpahrang, nangmah nih na zoh ko lioah cun, vengtu pakhat kha van in a rung òum i cu nih cun, “Thingkung kha hau u law hrawk u, sihmanhsehlaw a hmui kha cu vawlei chung i a hram hna he khan ngan u. Thir cikcin le dar cikcin khan khit u law lo ah khan rambur lakah khan kaltak u, vandap nih cin cikcek in tlak seh law kum sarih chung saram bantukin um seh,” a ti.
24 “Maw siangpahrang, a sullam cu hihi a si: Siangpahrang ka bawipa cung i a tlung ding a chimtu hi Cungnung Bik Pathian a si.
25 Minung bu sinin nang cu òhawl na si lai i ramsa sinah na um lai; cawtum bantukin ram kha na ei lai i vandap nih cin cikcek in kum sarih chung an tlak lai. Khi tikah nangmah nih Cungnung Bik cu minung pennak cungah khan bawi a si i cu pennak cu pek a duhmi hna sinah khan a pek ko, ti na vun hngalh ruangmang te lai.
26 Thinghmui cu vawlei chung i a hram hna he khan nganhta si hna seh, tiah vancungmi nih khan an ti: Cu a sullam cu hihi a si, Pathian nih vawlei cung hi a dihlak in a uk dah ee ti na vun hngalh tikah nangmah cu siangpahrang na si òhan te lai.
27 Cucaah lungthin kan cheuhmi hi ngai tuah, maw siangpahrang: mi sinah siannak tuahnak thawngin na sualnak kha i tlan law retheimi hna cung i òhatnak tuahnak khan na òhat lonak cu i tlan tuah, cuticun lungdaihnak saupi na hmuh lai,” tiah a ti.
28-29 Hi vialte nih hin Siangpahrang Nebukhadnezzar kha a tlunhnawh. Thla hleihnih a dihnak ah siangpahrang cu Babilon i a siangpahrang inn cungah khan aa chawk i,
30 “Mah hihi a liannganmi Babilon, keimah nih siangpahrang umnak caah keimah òhawnnak a nganmi le keimah upatnak langhternak caah ka sermi a si lo maw?” tiah a au.
31 Cuticun a chim lioah cun vancung in aw pakhat a rung i, “Maw Siangpahrang Nebukhadnezzar, ka bia hi ngai tuah: Na pennak cu chuh na si cang.
32 Minung bu sinin òhawl na si cang i ramsa sinah na um cang lai; cawtum bantukin ram kha kum sarih chung na ei lai. Cu tikah Cungnung Bik nih hin minung hna pennak chungah hin uktu bawi a si i pek a duhmi hna sinah a pek ko dah ee, ti kha na hngalh lai,” tiah a ti.
33 Cu caan hrimhrim ah cun hi biaceihnak cu Nebukhadnezzar cungah cun a tlung. Minung bu chung khan òhawl a si i cawtum bantuk khan ram kha a ei; a pum cu van dap nih cin cikcek in a tlak i a sam cu meheh hmul bantukin a sau i a tin cu mupi tin bantukin an zum.
Nebukhadnezzar Nih Pathian A Thangòhat
34 Caan tinhmi cu a tlin dih tikah keimah Nebukhadnezzar nih van lei khi ka hun zoh i ka lungthin kel ah khan ka kir òhan. Cungnung Bik cu ka conglawmh i Zungzal Hmunmi Pathian cu ka hlorh i ka thangòhat:
Bawi a sinak cu a dong bal lo i
a uknak cu
chan vialte tiangin a hmun;
35 Vawlei cung i a ummi vialte hna cu
zeihmanh ah rel awktlak
an si lo i
van ralkapbu hna cu a duhduh in
a tuah hna;
Amah cu ahohmanh nih
an tlai kho lo i a tuahmi kha
zeidah a si tiah ahohmanh nih
36 Ka lungthin kel i ka hung kir òhan tikah khan ka bawinak le ka sunparnak le ka pennak lianhngannak kha pek òhan ka hung si. Ka tlangpi hna le ka bawi hna nih khan ka bia kha an duh. Ka pennak kha fehter a si i ka òhawnnak cu tam piin a karh.
37 Atu cu keimah Nebukhadnezzar nih vancung Siangpahrang cu ka thangòhat, ka hlorh i ka conglawmh, zeicahtiah a tuahmi vialte cu ahmaan dih i a lam vialte cu a ding dih, aa porhlawmi paoh cu tangah a òhumh tawn hna.