1 Zei cu a òhahnem taktak lo nain kaa chimthiam ko rih lai. Ka sinah a langhnak le a biaphuanmi kong zong ka chim dih ko rih lai. 2 Kan hnulei kum hleili lioah Khrih chungah pakhat ka hngalhmi pa cu, van dot thumnak ah lak a si; a takpum he a si le takpum loin a si cu ka hngal lo, Pathian nih a hngalh. 3 Cu pa cu Paradis ah lak a si cu ka hngalh, takpum in a si le takpum loin a si cu ka hngal lo, Pathian nih a hngalh. 4 Holh in chimh khawh lomi le chim awnh lomi thil a theih. 5 Hi pa aiawh hin kaa porhlaw lai, asinain, ka derthawmnak dah ti lo cu porhlawt awk ka ngei lo. 6 Porhlawt ka duh hmanh ah mihrut cu ka si lai lo, zeitintiah ka chimmi cu biatak a si. Ahohmanh nih an ka hmuhning le an ka theihning lengah uak deuh i an ka ruah nakhnga lo, porhlawt kaa sum. 7 Hi bantuk phuannak lianngan ah hin kaa porhlawt nakhnga lo ka taksa ah hin hling a ka pek i cucu kaa porhlawt lengmang nakhnga lo dingah a ka hremtu Satan lamkaltu a si. 8 Cucu lakpiak awkin Bawipa sinah voi thum thliahmah ka hal. 9 Sihmanhsehlaw hitihin a ka ti: “Ka vel cu na caah a za ko, zeitintiah ka òhawnnak cu derthawmnak ah a tling,” Khrih huham cu ka cungah aa fut nakhnga ka derthawmnak cu lunglawm tein kaa hmaihngal pi lai. 10 Cucaah Khrih ruang i temhin cu kaa lungsi ko. Derthawmnak, zomhtaihnak, harnak, hremnak, teminnak zongah kaa lawm ko, zeitintiah ka derthawm tikah ka òhawng.

11 Mihrut ka rak si ko! Nanmah nih nan ka hruhter, zeitintiah nanmah tu nih nan rak ka chimthiam awk a si. Zei ka si lo nain kha lamkaltu ngan timi hna nakkhan cun ka niam hlei lo. 12 Lamkaltu dik si hngalhnak cu lungsau ngaiin thil khuaruahhar sernak, hmelchunhnak le thil pipa tuahnak in langhter a si ko. 13 Thilrit kan khinh bal hna lo dah ti lo cu Khrihfabu dang nakin kan zokchuk deuhnak hna zeidah a um? Cu palhnak cun rak ka ngaithiam u.

14 Atu hi nan sin i rat ka timh a voi thumnak a si. Nan caah thilrit ka si lai lo, nan ngeihchiah ka ngiar lo, ka ngiarmi cu nanmah kha nan si; zeitintiah fale nih nu le pa caah khonpiak a si bal lo i nu le pa tu nih khonpiak a si tawn. 15 Nan nunnak caah lunglawm khun in ka ngeih ka chiah ka hman lai i keimah zong hman si ko ning. Kan dawt deuh hna ahcun daw deuh loin nan ka um hnga maw? 16 Nan caah thilrit ka si lo cu nan hngalh, sihmanhsehlaw a zer i lih in a kan nawnnok nan ti. 17 Nan sinah ka rak thlahmi lamkaltu aho sin tal khan keimah ca òhathnemnak ka kawl maw? 18 Nan sin i rat awkah Titas ka fial i a sinah unau pakhat ka run thlah ve. Titas nih amah ca òhathnemnak ah maw an hman hna? Lungkhat tein kan òuan ko lo maw? Kan kehlan aa khat ko lo maw?

19 Kanmah le kanmah nan hmaiah an i rungveng tiah maw nan kan ruah? Pathian hmuh in Khrih ah bia kan chim tawn. Ka dawtle hna, zeipaoh hi nanmah sersiamnak caah kan òuanmi a si. 20 Ka ra lai i ka duhning in kan hmu hna lai lo i nannih zong nih nan duhning in nan ka hmu lai lo ti ka phang. Siknak, nahchuahnak, thinhunnak, mah zawnruahnak, i thangchiatnak, mi kong ceihnak, uanthlarnak le ningcang lopi in nan um sual lai ti zong ka phang. 21 Ka rat òhan tikah cun Pathian nih nan hmaiah a ka nemter lai, ka cungah sualnak a rak tuahmi hna, thil thiang lo an tuahmi aa ngaihchih lomi hna le horduhcuaimi le lungthin dik lomi hna caah ka lung a fak te lai.