KORIN
Khuami Hna Sinah Paul Cakuat Pahnihnak
1
Upat Biakchawnhnak
1 Pathian duhnak in Khrih lamkaltu Paul le kan unau Timote nih Korin khua i Pathian Khrihfabu hna le Akhaia ram pumpi i a ummi mithiang vialte hna nan sinah ca kan in kuat hna.
2 Pathian kan Pa le Bawipa Jesuh Khrih sinin vel le daihnak nan cungah um ko seh.
3 Pathian le kan Bawipa Jesuh Khrih Pa, zaangfahnak Pa le daihnak vialte petu Pathian cu thangòhat si ko seh.
4 Pathian nih a kan hnemh bantukin harnak phunkip a tuarmi hna kan hnemh khawh ve hna nakhnga amah nih cun kan harnak vialte hin a kan hnemh tawn.
5 Khrih temhnak kha tampi i kan i hrawm bantukin Khrih thawngin Pathian hnangamnak zong kan i hrawm ve.
6 Kan temhinnak hi nanmah hnemhnak le khamhnak caah a si. Hnemh kan si ahcun nanmah zong nan si ve ko, kan temhinmi cu lungsau tein nan in khawh ve.
7 Cucaah nan cung i ruahchannak kan ngeihmi hi a hnet ko. Harnak a kan inpitu nan si bantukin hnangamnak a kan hrawmpitu nan si kha kan hngalh.
8 Zeitintiah u le nau hna, Asia ah kan rak hmuhtonmi harnak kha nan hngalh kan duh; in khawh lo awkin thilrit nih a rak kan nenh i nun hmanh kan rak i ruah lo.
9 Thih dingin kan cungah biakhiah a si tiah kan rak i ruah; sihmanhsehlaw cucu kanmah lila i bochan loin mithi a thawhtertu Pathian cungah hngatchannak kan chuan nakhnga caah a rak si.
10 Cu bantuk thihnak òihnung cun a kan chuah cang i a kan chuahter rih ko lai; a kan chuahter òhan rih ko lai tiah a cungah ruahchannak kan ngei.
11 Thla nan cam lengmangmi kha Pathian nih an leh hna i thluachuahnak a pekmi ruangah kanmah can ah mi tampi nih lawmhnak bia an chim nakhnga nannih zong thla nan cam awk a si.
12 Zeitintiah kan i porhlawtnak cu hihi a si; vawlei fimthiamnak in si loin Pathian velngeihnak in nunthiang le lungthiang in mi hmuh ah kan nung i nanmah sinah kan nung khun ti cu kan chiaòha thleidannak hi a kan hngalhpitu a si.
13 Zeitintiah kan cakuat ah khan nan rel i nan hngalh khawh tawk lawngin kan òial;
14 Bawipa Ni ah cun kan in chawr hna bantukin nan kan chawr ve nakhnga, a cheuchum cun nan kan hngalh pah ko cang i tling tein nan kan hngalh dih te ko lai tiah kaa ruahchan.
15 Cucu fiang tein ka hngalh ko caah a let in kan i lawmh nakhnga nan sinah rat hmasa ka duh.
16 Masidonia ka kal pah ah in tlawn hna i ka kir lei zongah rak luh pah òhan in Judea ka kal tikah hung ka thlah u law ka duh.
17 Cucu tuah ka duh caah lung hmun lo ka si hnga maw? Cuti kaa timh tikah mi sawhsawh bantukin, ‘Asi’ ti le ‘Asilo’ tiah a chim kemh menmi ka si hnga maw?
18 Pathian cu zumhtlak a si bantukin nan sinah ka chimmi bia cu ‘Asi’ ti he, ‘Asilo’ ti he, a si lo.
19 Zeitintiah nan sin i keimah le Silvanas le Timote nih a kong kan chimmi Pathian Fapa Jesuh Khrih cu, ‘Asi’ ti he, ‘Asilo’, ti he chimtupa a si lo; amah cu a zungzal in, ‘Asi’ timi a si.
20 Zeitintiah Pathian biakam vialte nih amah ah cun, ‘Asi’ timi cu an hmuh. Cucaah Pathian thangòhatnak ah amah thawngin Amen kan ti tawn.
21 Sihmanhsehlaw Khrih ah nanmah he a kan tlaihtertu le rian a kan thiahtu cu Pathian a si.
22 Amah nih kan cungah chingchiahnak a kan khenh i hngalhfiannak caah a Thiang Thlarau kha kan thinlung chungah a kan pek.
23 Pathian cu ka biatheitu ah kaa auh, amah nih ka ruahnak a hngalh. Korin i ka rat lonak cu nanmah zawnruah ah a si.
24 Nan zumhnak cungah nawlngeih kan i tim lo; nan zumhnak ah fek tein nan dir ko caah nanmah he kan òuan òinak cu nan tha a nuam nakhnga caah a si.