1 Cucaah nan sinah rat òhan i nan lungfahter kaa tim lo. 2 Nan lung kan fahter hna ahcun lungfakmi nanmah dahtilo, ahodah a ka lawmhter kun hnga? 3 Cucaah ka lung a ka lawmhter hngami nih ka ngaih an ka chiatter nakhnga lo caah hitihin ka hun òial, zeitintiah kaa lawmhnak cu nannih vialte lawmhnak zong a si ve ko kha fiang tein ka hngalh piak u. 4 Lungthin fak ngai le awlokchong le mitthli tla thluahmah in, nan lungfahter awkah si loin, zeitluk in dah kan dawt hna ti kha hngalhternak ah ca in kan kuat hna.

5 Sihmanhsehlaw mi zeimaw nih pakhatkhat lungfahnak a chuahter ahcun keimah cungah a si lo, nan dihlak cungah a si lo hmanh ah a cheu nan cungah a chuahter ka ti ahcun bia perhhlei ka si hnga lo. 6 Cu bantuk mi cu tam deuh nih dan nan tat cu a za ko. 7 Cucaah ngaihchiatnak nih a tei tuk nakhnga lo nan ngaihthiam i nan hnemh awk tu a si. 8 Amah nan dawtnak kha langhter òhan awkah kan nawl hna. 9 Kha ca kha hneksakdelnak le ka bia nan ngaih le ngaih lo hngalhnak caah ka òial. 10 Nan ngaihthiammi paoh cu ka ngaihthiam ve ko. Ka ngaihthiam tikah ka ngaihthiammi cu zeipaoh a si ah nanmah ruangah Khrih hmaiah ka ngaihthiam a si; 11 cucu Satan kha kan cung i a cuan lo nakhnga caah a si, zeitintiah Satan nih aa tinhmi cu kan hngalh.

12 Khrih thawngòha chim awkin Troas i ka rat tikah Bawipa min in ka caah innka a rak i hung. 13 Sihmanhsehlaw cuka ah cun ka unau Titas ka hmuh lo caah ka sia a rem lo i an kut ka tlaih tak hna i Masidonia ah ka lan.

14 Sihmanhsehlaw Pathian cu lawm ko u sih. Amah nih cun Khrih thawngin teinak puai ah a kan hruai tawn i amah hngalhnak rimhmui cu a kenkip i thanh awkah a kan hman. 15 Zeitintiah kannih cu khamh liomi hna le a tlau cuahmahmi hna vialte caah Pathian sinah rimhmui thawinak khanghmi, Khrih rimhmui aa zelmi bantuk kan si. 16 A tlau cuahmahmi hna caah cun thihnak dingah thih khawhnak rimchia kan si i khamh liomi hna caah cun nunnak dingah nunnak rimhmui kan si. Ahodah cu thil a tuah khotu cu an si? 17 Kannih cu midang bantukin Pathian bia kha lih le hrokhrawl in man fawite i a zuar menmi kan si lo. Lungthiang te le i biatak ngaiin Pathian nih a kan fial bantukin Khrih min in Pathian hmaiah a òuanmi kan si.