16
1 Mithiang hna ca thawhlawm kong ah khan Galati Khrihfabu hna ka chim hna bantukin nannih zong nih nan tuah ve awk a si.
2 Ka rat tikah thawhlawm khawlh a hauh lo nakhnga zarh fate ni hmasa bik ah mi kip nih nan ngeihning cio in zeimaw tal a dang tein chia u law khong u.
3 Cun ka ra phanh tikah Jerusalem khua i hei phorh awkah nanmah hna a tlami paoh cu ca he ka thlah hna lai.
4 Ka kal ve kha a òha ti a si ahcun keimah he kan kal lai.
5 Masidonia kal pah hnu in kan tlawng te hna lai, zeitintiah Masidonia pal pah kaa tim.
6 Ka kalnak ding paoh ah nan ka thlah nakhnga nan sinah ka um lai i khuasik chung zong maw ka cam te.
7 Zeitintiah atu ah kalpah men i in hmuh hna cu ka duh lo; Bawipa nih a ka awnh ahcun nan sinah caan zeimaw can cam hmanh kaa ruah chih.
8 Asinain Pentekos hlan paoh cu Efesa ah ka cam lai.
9 Zeitintiah ka caah santlai, a òhahnemmi rian òuan awk innka kaupi aa hung, asinain ral tampi belte an um.
10 Timote a rat tikah nan lakah siarem tein um ter u, zeitintiah keimah bantukin Bawipa rian a òuanmi a si.
11 Cucaah ahohmanh nih zawmtai hlah u. Ka sinah a ra kir nakhnga daihnak in a kalnak dingah rak bawm u; Khrihfa hna he kan rak ot ko.
12 Kan unau Apollo tu cu Khrihfa dang hna he nanmah tlawn ding fak piin ka fial nain atu i nan sin rat cu a duh hrimhrim lo. Caan rem a ngeih tikah a ra te lai.
Donghnak Biacah le Biakchawnhnak
13 Ralring tein um u law nan zumhnak ah fek tein dir ko u, nan ral òha seh law òhawng ko u.
14 Nan tuahmi paoh dawtnak in si ko seh.
15 U le nau hna, Stefanas chungkhar hna cu Akhaia i lungthleng hmasa an si ti nan hngalh; cun mithiang hna ca rianòuan ah anmah le anmah cu an i pe.
16 Cu bantuk mi hna le rianòuan hawi kip le a rianòuanmi hna hruainak cu zulh awkah kan forh hna.
17 Nan um lo caah nan aiawh ah Stefanas, Fortunatas le Akhaikas an ra i ka tha a nuam.
18 Zeitintiah keimah le nanmah lung an kan thawhter, cu bantuk mi hna cu conglawm ko hna u.
19 Asia Khrihfabu hna nih a langin nan kut an in tlaih hna. Aquila le Priska nih an inn i aa pummi Khrihfabu hna le tiah Bawipa ah lungtho ngaiin nan kut an in tlaih hna.
20 Khrihfa vialte nih a langin nan kut an in tlaih hna. Pakhat le pakhat hnamhnak thiang in i biachawn ko u.
21 Keimah Paul nih keimah kut òial tein a langin nan kut kan tlaih hna.
22 Bawipa caah dawtnak a ngei lomi ahopaoh in chiat ko hna seh, kan Bawipa ra cang ko!
23 Bawipa Jesuh vel cu nan sinah um ko seh.
24 Ka dawtnak cu Khrih Jesuh ah a ummi nan dihlak cungah um ko seh. Amen.