5
1 Pathian a bia lomi hna lak hmanh ah a um lomi phun, nu le pa sualnak nan lakah a um ti cu biafiang ngaiin chim a si; zeitintiah mipa pakhat cu a nuei he an it òi ti a si.
2 Nan ning a va hngal rih! Nan ngaih a chiat awk tu a si lo maw? Cuti a tuahmi pa cu nan bu in nan chuah awk a si.
3 Ka mipum in nan sinah ka um lo nain ka thlarau in ka um; cu bantuk a tuahmi pa cungah cun,
4 nan sinah a um khan in Bawipa Jesuh min in bia ka khiah. Nan i pumh tikah kan Bawipa Jesuh huham in nan sinah thlarau in kaa tel i,
5 Bawipa Jesuh Ni ah a thlarau khamh a si nakhnga a pumsa hrawh awkin cu pa cu Satan sinah chan u.
6 Nan i porhlawtmi kha a òha lo. Thilnu tlawmte nih a hlum ning piin a thawhter ti kha nan hngal lo maw?
7 Thilnu phulh lo nan si caah hlum thar nan si khawh nakhnga thilnu òhing kha thianh u, zeitintiah kan lanhtak tuufa Khrih cu thawinak ah chanh a si cang.
8 Cu a si caah lanhtak puai cu hmang u sih, ziaza chia le òhat lonak thilnu òhing he si loin lung thiannak le biatak thilnu phulh lo changhlum he hmang u sih.
9 Nu le pa sualnak a tuahmi hna he i komh lo awkin ca kan kuat cang hna;
10 vawlei mi, nu le pa sualnak tuahmi le hakkaumi le rokhmangmi le siasal biami hna komh lo awk kha ka chim duhmi a si lo; cuti a si ahcun vawlei nan chuahtak a hau hnga.
11 Khrihfa unau sin telh min pu òung in nu le pa sualnak tuahmi, hakkaumi, siasal biami, mi huat hmangmi, zu rammi, rokhmangmi hna he i komh lo ding, cu bantuk mi hna he cun rawl hmanh ei òi lo ding kha ca kan kuat hnawhchanmi hna cu a si.
12 Zeitintiah a lengmi cu zeitindah bia ka ceih hna lai? Khrihfabu chung i a ummi kha bia na ceih hna awk cu an si lo maw?
13 Lenglei mi cu Pathian nih bia a ceih hna lai. “Nan lak i miòha lo cu chuah hna u,” tiah rak òial a si.