1 Khrih lalang hna le Pathian biathup zohkhenhtu hna tiin ahopaoh nih nan kan ruah awk a si. 2 Cu hleiah Pathian thilthup zohkhenhtu cu zumhtlak an si awk a si. 3 Nanmah nih siseh, minung biaceihnak zong nih siseh, ka cungah bia nan ceih hi thil tetuai tuk ah ka ruah. Keimah le keimah hmanh bia kaa ceih lo. 4 Sual lung theihnak ka ngei lo, asinain ka sual lo ka tinak a si lo. Bia a ka ceihtu cu Bawipa a si. 5 Cucaah a caan a phak hlan, atu i muihnak ah aa thupmi thil a langhtertu, lungthin tumtahmi a phuang dingtu, Bawipa a rat hlanah cun bia khiak hlah u. Cuticun mi kip nih chimthiam an sinak kha Pathian sinin an hmuh cio lai.

6 U le nau hna, hi vialte hi nanmah òhathnemnak caah keimah le Apollo hin kan tahòhimhpiak cang hna, rak òialmi kha nan lonh nakhnga lo nan kan zohchunh awk a si. Ahohmanh nih pakhat kha òanh in, i chawr i pakhat kha nan namchuk awk a si lo. 7 Zeitintiah aho nih dah nan i dan hleinak a hmuh? Nan hmuh lomi zeidah nan ngeih? Nan hmuh a si ko ahcun laksawng a cohlang lomi khan in zeicahdah nan i porhlawt?

8 Nan khim cang! Nan rum cang! Kanmah tel loin siangpahrang nan cang! Rak peng taktak u law cu nan sinah pennak kha kan i hrawm ve hnga! 9 Thah awkah biaceih cangmi hna bantukin kanmah lamkaltu hna hi a hmanung bik ah Pathian nih a kan phozar tiah ka ruah; zeicahtiah vanmi le minung le vawlei cuanh awkah kan i cang. 10 Khrih ruangah mihrut kan si, asinain nannih cu Khrih chungah mifim nan si. Kannih cu kan der, asinain nannih cu nan òhawng. Nannih cu hlorh nan si i kannih tu cu thlanglamh kan si. 11 Atu tiangah hin kan rawl a òam i kan ti a hal, kannih cu kan òetòiam i thinvochih len le innlo ngei loin kan um; 12 cun zaangbang in kan kut in kan òuan. Huat kan si tikah thlua kan chuah hna; hrem kan si ah kan i in; 13 thangchiat kan si ah rem kan zuam hna; vawlei hnawm pon, hmunthur vialte thletnak kan rak si, atu tiangin kan si ko rih.

14 Mah hi ka òial hi nan ningzahter awkah a si lo, ka dawtmi ka fale bantukin chimhhrinnak tu ah ka òial. 15 Khrih ah hruaitu relcawklo nan ngei nain pa tampi nan ngei lo, zeitintiah thawngòhabia thawngin Khrih Jesuh ah nan pa ah ka cang. 16 Cu a si caah keimah nawl a cawngtu si ko u, tiah kan fial hna. 17 Cucaah Bawipa ah ka dawtmi le zumhtlak ka fa Timote nan sinah ka rak thlah. Amah nih Khrih ah ka nunning, hmunkip Khrihfabu ah ka cawnpiakmi hna kha an hngalhter òhan hna lai. 18 Nan sinah a ra lai lo tiin a cheu cu nan ning a hngal. 19 Sihmanhsehlaw Bawipa duhnak a si ahcun nan sinah ka rachom lai i kha mi ninghngal hna nih an chimmi lawng kha si loin an huham kha ka hngalh lai. 20 Zeitintiah Pathian pennak cu chimmi bia ah si loin huham ah a si deuh. 21 Zeidah nan duh deuh? Fung he maw ka rat lai, asiloah nemnak lungthin, dawtnak he dah ka rat lai?