1 Sihmanhsehlaw, u le nau hna, kei nih cun thlarau mi cawnpiak khan in kan chim kho hna lo, Khrih ah bawhte bantuk le thisa mi khan tu in kan cawnpiak hna. 2 Rawl ngai si loin hnuk in kan cawm hna, zeitintiah rawl ngai nan rak ei kho lo i atu hmanh ah nan ei kho deuh rih lo; 3 zeitintiah thisa mi nan si ko rih. Nahchuahnak le ertaunak he nan um ko rih caah mi sawhsawh bantukin nan um i thisami men nan si ko rih lo maw? 4 Zeitintiah pakhat nih, “Kei cu Paul bu ka si,” a ti i a dang nih, “Kei cu Apollo bu ka si,” a ti tikah thisa mi men nan si ko lo maw?

5 A si kun ah Apollo cu zeidah a si? Paul tah zeidah a si? Bawipa nih a thiah veve hna ningin nan zumh nakhnga caah rianòuantu an si ko. 6 Kei nih ka phun, Apollo nih ti a toih, a òhantertu cu Pathian a si. 7 Cucaah a phuntu zong ti a toihtu zong zeihmanh an si lo, a òhantertu Pathian lawng kha a biapimi a si. 8 A phuntu le ti a toihtu cu an i tluk ko i an òuanning veve in òuan man an hmuh lai. 9 Zeitintiah Pathian caah rianòuantu hawi kan si; nannih cu Pathian lohma nan si, Pathian inn sakmi nan si.

10 Pathian nih a ka thiah ningin inn sak zungthiam ngai bantukin a hram ka derh, cun midang nih cu cungah cun a sak. Cu cung i a sami paoh nih zeitindah a sak kha i ralring ko seh. 11 Zeitintiah hram derhciami Jesuh Khrih hlei in ahohmanh nih hram dang an derh kho lo. 12 Cucaah hram derhciami cungah ahopaoh nih sui in siseh, ngun in siseh, lungvar man sung in siseh, thing in siseh, ramro in siseh, facangzi in siseh a sak ahcun, 13 an òuannak cio kha a lang ko lai; zeitintiah Khrih Ni nih a langhter te ko lai, zeicahtiah mei in fianter a si lai i mei nih cun mi kip òuannak cu zei bantuk òuannak dah a si tiah a hneksak lai. 14 Hram derh ciami ah a sakmi a hmunh ahcun cu pa nih cun lawmhman laksawng a hmuh lai; 15 aho sakmi paoh a kangh ahcun cu pa cu a sung lai, amah tu cu mei kangh hrulh bangin khamh a si lai.

16 Nannih cu Pathian biakinn nan si i Pathian Thlarau nan chungah a um ti kha nan hngal lo maw? 17 Ahopaoh nih Pathian biakinn cu a hrawh ahcun amah zong Pathian nih a hrawh ve lai, zeitintiah Pathian biakinn cu a thiang i cu biakinn cu nan si. 18 Ahohmanh amah le amah i hleng hlah seh. Nan lakah pakhatkhat nih atu chan mifim ah aa ruah ahcun a fim khawh nakhnga mihrut ah i cang seh. 19 Zeitintiah hi vawlei fimthiamnak cu Pathian caah cun hruh a si. Zeicahtiah Cathiang nih, “Mifim mi hna cu an zertiannak lila ah khan a foihter hna,” a ti. 20 Cu hleiah, “Mifim mi hna lungput cu pakpalawng a si kha Bawipa nih a hngalh,” a ti fawn. 21 Cu a si caah ahohmanh nih minung kong ah i porhlaw hlah seh. Zeitintiah thil vialte hi nan ta a si. 22 Paul siseh, Apollo siseh, Sifas siseh, vawlei siseh, nunnak siseh, thihnak siseh, atu siseh, hmailei siseh, a dihlak in nan ta a si. 23 Cun Khrih ta nan si i Khrih cu Pathian ta a si.