2
1 U le nau hna, nan sin i ka rat ah khan Pathian biathup cu bia tumtlang le fimthiam ngaiin chim awkah ka ra lo.
2 Zeitintiah nan sin i ka um lioah khan Jesuh Khrih le vailam i tah a sinak kong dah ti lo cu zeidang zeihmanh hngalh kaa tim lo.
3 Derthawm le òih le therphang buin nan sinah khan ka ra phan;
4 ka chimmi le kan cawnpiakmi hna ah khan lungthin la ngai fimbia hmang loin Thlarau le a huham langhternak tu in ka chim;
5 nan zumhnak cu minung fimthiamnak ah bunh loin Pathian huham ah bunh a si khawh nakhnga caah a si.
6 Asinain, nutling patling hna sinah cun fimthiamnak kan chim, sihmanhsehlaw a liam ko laimi atu chan fimthiamnak a si lo, atu chan uktu hna fimthiamnak zong a si fawn lo.
7 Sihmanhsehlaw Pathian fimthiamnak biathli le aa thupmi kan chim, cucu Pathian nih kan sunparnak dingah caan saupi hlanin a rak khiahciami a si.
8 Mah cucu atu chan uktu hna ahohmanh nih an rak hngal lo; rak hngal hna seh law cu sunparnak Bawipa cu vailam ah an tah hnga lo,
9 asinain hitihin rak òial a si;
“Mit nih hmuh bal lomi,
Hna zong nih theih bal lomi,
Minung lungthin zong nih ruah bal lomi kha
Amah a dawmi hna caah Pathian nih a rak timh cang.”
10 Cucu Thlarau in Pathian nih kan sinah a phuan. Zeitintiah Thlarau nih cun zeizong vialte, Pathian ruahnak thuk hmanh a kherhlai dih.
11 Zeitintiah minung lung chung ruahnak cu amah chungah a ummi a thlarau dah ti lo nih aho minung nih dah a hngalh? Cu bantukin Pathian ruahnak zong Pathian Thlarau dah ti lo nih cun ahohmanh nih a hngal lo.
12 Atu ah kan hmuhmi cu vawlei thlarau a si lo, Pathian sin Thlarau tu kan hmuh, cucu Pathian nih a kan òhumhthlakmi laksawng kan hngalh khawh nakhnga caah a si.
13 Minung fimthiamnak in cawnpiakmi bia si loin Thlarau cawnpiakmi bia in Thlarau a ngeimi hna sinah thlarau lei biadik cu kan fianter.
14 Thlaraumi a si lomi nih cun Pathian Thlarau laksawng cu an hmu lo; zeitintiah annih caah cun hruhbia a si i thlarau lei lawngin thleidan khawh a si caah an hngal kho lo.
15 Thlarau mi nih cun zeizong vialte an thleidan thiam i annih tu cu ahohmanh nih bia an ceih kho hna lo.
16 Zeicahtiah, “Ahodah Bawipa lung a hngal i ruahnak a cheu kho?,” Sihmanhsehlaw kannih tu cu Khrih lungput kan ngei.