KORIN
Khuami Hna Sinah Paul Cakuat Pakhatnak
1
1 Paul, Khrih Jesuh lamkaltu si awkah Pathian duhnak in auhmi, keimah le kan unau Sosthenes nih,
2 Korin khua ah a ummi Pathian Khrihfabu hna, Khrih Jesuh ah thiantermi, mithiang si awkah auhmi, kan Bawipa Jesuh Khrih, an Bawipa le kan Bawipa, a min a kenkip ah a aumi hna nan sinah ca kan in kuat hna.
3 Pathian kan Pa le Bawipa Jesuh Khrih sinin vel le daihnak nan sinah um ko seh.
4 Khrih Jesuh chungin Pathian nih vel an ngeih hna caah Pathian sinah lunglawmhnak ka chim thluangthluan.
5 Zeilei paoh in amah ah cun nan biachimmi le nan hngalhnak ah rumter chinchin nan si;
6 cuticun Khrih kong chimmi cu nan lakah fehter a si.
7 Cucu kan Bawipa Jesuh Khrih phuan a si lainak nan hngah lioah thlarau lei laksawng zeihmanh nan chambau lo nakhnga caah a si.
8 Amah nih cun kan Bawipa Jesuh Khrih ni ah mawhnak ngei loin a dongh tiang an dawmhtlaih hna lai.
9 Pathian cu zumhtlak a si i amah nih cun a Fapa Jesuh Khrih kan Bawipa he i hawikomh awkin an auh hna.
10 U le nau hna, nan lung i nge seh law nan lakah lungthin khah lonak um loin nan ruahnak le nan i tinhmi ah lung khat in um u, tiah kan Bawipa Jesuh Khrih min in kan nawl hna.
11 Zeitintiah ka u le ka nau hna, nan lakah sikòhiatnak a um tiah Khalawi chungkhat nih an ka chimh.
12 Ka chim duhmi cu nan lakin a cheu nih, “Kei cu Paul bu ka si,” a cheu nih, “Kei cu Apollo bu ka si,” a cheu nih, “Kei cu Sifas bu ka si,” a cheu nih “Kei cu Khrih bu ka si,” nan ti.
13 Khrih cu aa òhen maw? Paul maw nan caah vailam ah tah a si? Asiloah, Paul min in maw baptisma nan in?
14 Krispas le Gaius dah ti lo cu baptisma ahohmanh kan pek hna lo caah kaa lawm;
15 cutin si hlah seh law mi zeimaw nih ka min in baptisma ka ing nan ti sual hnga.
16 (Sifas te chungkhar zong baptisma ka rak pek tak hna, cu pin cu aho ka pek hna ti awk ka hngal lo).
17 Zeitintiah Khrih nih baptisma pek dingin a ka thlah lo, thawngòha chim awk tu ah a ka thlah, fimthiamnak bia òhaòha in chim awkah a si lo; cu ti a si lo ahcun Khrih vailam cu hmual ngei lo ah a cang sual hnga.
18 Zeitintiah vailamtahnak bia cu a lotlau lio lengmangmi hna caah cun hruh bia a si, asinain, kannih khamh liomi hna caah cun Pathian huham a si.
19 Zeitintiah hitihin rak òial a si:
“Mifim hna fimthiamnak cu
ka hrawh lai,
Mithiam hna thiamnak cu
ka phenhei lai,
20 Mifimpa cu khuazei ah dah a um? Cathiampa cu khuazei ah dah a um? Atu chan bia al thiampa cu khuazei ah dah a um? Pathian nih vawlei fimnak cu hruh ah a canter lo maw?
21 Zeitintiah Pathian fimnak cu hihi a si: vawlei nih a fimnak in Pathian a hngalh lo caah hruh bia in kan chimmi thawngin a zummi khamh cu Pathian biakhiahmi a rak si.
22 Zeitintiah Judah mi hna nih hmelchunhnak an ngiar i Grik mi hna nih fimnak an kawl;
23 sihmanhsehlaw vailam ah tahmi Khrih kong kan chim i Judah mi hna caah tlukrilhnak a si i Jentail mi hna caah hruh a si,
24 asinain Judah mi he Grik mi he auh a simi hna caah cun Khrih cu Pathian huham le Pathian fimthiamnak a si.
25 Zeitintiah Pathian hruhnak cu minung fimnak nakin a fim deuh i Pathian derthawmnak cu minung òhawnnak nakin a òhawng deuh.
26 U le nau hna, auh nan sinak kha ruat hmanh u; mi tampi nannih cu vawlei lairelnak cun nan fim lo, mi tampi cu nan lianngan lo, mi tampi cu bawi hrin nan si lo;
27 sihmanhsehlaw mifim hna ningzahter awkah vawlei mihrut hna cu Pathian nih a thim hna. Mi òhawng hna ningzahter awkah vawlei mi derthawm hna cu Pathian nih a thim hna.
28 Vawlei ah a niammi le thlanglamhmi kha Pathian nih a thim hna a um lomi thil hmanh kha Pathian nih a thim hna, cucu a ummi thil kha umter lo awkah a si.
29 Cucu minung ahohmanh Pathian hmaiah an i porhlawt lonak hnga caah a si.
30 Pathian cu Jesuh Khrih thawngin nan nunnak hram a si. Amah cu kan fimnak, kan dinnak, kan thianchehnak le kan tlanhnak ah a cang i Pathian sinin a rami a si.
31 Cu a si caah, “Aa porhlawmi cu Bawipa ah i porhlaw ko seh,” tiah rak òial a si.