1 U le nau hna, Thlarau laksawng kong ah theihter lo nan si cu ka duh lo. 2 Pathian bia lo nan si lioah khan zei ti lei in thlem nan si hmanh ah a holh kho lomi siasal leiah hruaih nan si. 3 Cu a si caah cun Pathian Thlarau in bia a chimmi paoh nih, “Jesuh chiat ko seh,” a ti bal lo i Thiang Thlarau in dah ti lo cun, “Jesuh cu Bawi a si,” tiah a ti kho bal lai lo ti nan hngalh awk ka duh.

4 Laksawng phun dangdang a um, sihmanhsehlaw Thlarau pakhat sinin a si. 5 Bawipa pakhat a si ko nain rianòuannak phun dangdang a um, 6 sihmanhsehlaw Bawipa pakhat sinin a si, òuannak phun dangdang a um ko nain mi kip a òuantertu hna cu Pathian pakhat a si. 7 Zapi òhatnak dingah Thlarau hngalhthiamnak cu mi kip sinah pek a si. 8 Pakhat sinah Thlarau cun fimnak bia chimthiamnak pek a si i a dang pakhat sinah cu Thlarau òhiamòhiam cun hngalhnak chimthiamnak pek a si. 9 A dang sinah cu Thlarau òhiamòhiam cun zumhnak, a dang sinah cu Thlarau pakhat cun damternak laksawng pek a si; 10 a dang sinah khuaruahhar tuahnak, a dang sinah phungchim thiamnak, a dang sinah thlarau phunphun thleidan thiamnak, a dang sinah holh phunkip, a dang sinah holh phunkip leh thiamnak pek a si. 11 Cu vialte cu Thlarau pakhat òhiamòhiam nih pumpak cio cungah amah duhning in hranh an si.

12 Pum cu pakhat asinain cheubang tampi a ngeih bantukin pum cheubang vialte hna cu an tampi nain pum khat an si, Khrih zong cu bantuk cun a si. 13 Zeitintiah Thlarau pakhat in pum khat ah baptisma pek kan si—Judah mi zong Grik mi zong sal zong miluat zong—an dihlak in Thlarau pakhat kha ti din in dinter an si.

14 Zeicahtiah pum cu cheubang pakhat lawng si loin cheubang tampi in ser a si. 15 Ke nih, “Kut ka si lo caah pum ta ka si lo,” a ti hmanh ah pum cheubang pakhat a si lo hlei lo. 16 Hnakhaw nih, “Mit ka si lo caah pum ta ka si lo,” a ti hmanh ah pum cheubang a si lo hlei lo. 17 Pum dihlak cu mit si seh law theihnak cu khoika ah dah a um kun hnga? Pum dihlak cu hnakhaw si seh law rim theihnak cu khuazei ah dah a um kun hnga? 18 Sihmanhsehlaw Pathian nih pum chung òengnge cio cu amah duhning in a chiah hna. 19 An dihlak in òengnge pakhat lawng si hna seh law pum cu khuazei ah dah a si kun hnga? 20 Amah sining te ah cun cheubang tampi si ko hmanh seh law pum cu pakhat a si. 21 Mit nih kut sinah, “Nang cu kan herh lo,” a ti kho lo. Lu zong nih ke sinah, “Nang cu kan herh lo,” a ti kho ve lo. 22 Cuticun si loin, a derthawm a lomi cheubang hna cu um lo awk òha lo an si; 23 biapi ah kan ruah lomi cheubang hna cu kan biapitter deuh chinchin i kan langhter awk aa dawh lomi cheubang hna cu kan sunhsak deuh lehlam hna; 24 langhter awktlak deuh cheubang nih cun cucu an herh lo. Sihmanhsehlaw Pathian nih pum a tuahning cu cuticun a si, santlailo deuh cheubang hna cu upat deuh awkin a tuah; 25 cucu pum ah rem lonak a um lo nakhnga caah a si i pum cheubang hna nih pakhat le pakhat aa tluk in an i hramhkauh cio nakhnga caah a si. 26 Cheubang pakhat a fah ahcun an dihlak in an fak dih; cheubang pakhat upat a si ahcun an dihlak in an i lawm òi.

27 Nannih cu Khrih pumsa nan si i pumpak cio in a cheubang nan si. 28 Cun Khrihfabu chungah Pathian nih rian thiah cio a si i a hmasa ah lamkaltu, a pahnihnak ah profet, a pathumnak ah cawnpiaktu, cun khuaruahhar tuahtu, cun damtertu, bawmtu, uktu le holh phunkip in biachimtu a chiah hna. 29 An dihlak in lamkaltu an si maw? Profet an si dih maw? Cawnpiaktu an si dih maw? Khuaruahhar sertu an si dih maw? 30 Damternak laksawng an ngei dih maw? Holh phun kip in an holh dih maw? A sullam an let kho dih maw? 31 Cucaah laksawng sang deuhmi tu cu biatak tein duh ko u.

A òha deuh chinchinmi lam cu kan hmuhsak hmanh hna lai.