1 Minung holh le vanmi holh in holh hmanh ning law dawtnak ka ngeih òung lo ahcun darkhuang hnachet le sumsel aa khawngmi bantuk men ka si hnga. 2 Phungchim thiamnak ngei hmanh ning law thil thup vialte le hngalhnak vialte hngal kho hmanh ning law, cun zumhnak vialte ngei in tlang hei òhial kho hmanh ning law dawtnak ka ngeih òung lo ahcun kei cu zeihmanh ka si lo. 3 Ka ngeihmi vialte pe dih hmanh ning law, ka pum zong khangh awkah chaan hmanh ning law dawtnak ka ngeih òung lo ahcun zeihmanh kaa hlei lo.

4 Dawtnak cu a lung a sau i zaangfah a thiam; dawtnak cu a nah a chuak lo i aa porhlaw lo, aa uangthlar lo; 5 a puarhrang lo. Dawtnak cu amah lung lawng aa rinh lo, a thin a tawi lo i a lung in aa uam lo; 6 mi palhnak ah a tha a nuam lo; a hmanmi tu ah a tha a nuam. 7 Dawtnak nih thil vialte a tuar, thil vialte a zumh, thil vialte ah ruahchannak a ngei, zeizong vialte a in dih.

8 Dawtnak cu a ziam bal lo; phungchim thiamnak tu cu an liam lai; holh phun kip zong an dong lai; hngalhnak zong a lo lai. 9 Zeitintiah kan hngalhnak cu a tling lo; kan phungchim thiamnak zong a tling lo; 10 sihmanhsehlaw a tlingmi a phanh tikah cun a tling lomi cu an liam lai. 11 Ngakchia ka si lioah cun ngakchia chim in ka chim, ngakchia ruah in ka ruah, ngakchia tuak in ka tuak; upa ka hung si tikah ngakchia sining kha ka ngol. 12 Zeitintiah atu ah cun thlalang ah maw chialchual in kan hmuh, a hnuah cun hmaitonh tein kan hmuh te lai. Atu cu a cheuchum lawng ka hngalh; keimah zong tling tein hngalh ka si bantukin a hnuah cun tling tein ka hngalh te lai. 13 Cucaah zumhnak, ruahchannak le dawtnak, cu pathum hna cu an hmun; cun cu hna lakah a ngan bikmi cu dawtnak a si.