2 Zeipaoh ah nan ka hngalh peng i rophung kan chimh hna ning kha nan thlah lo caah kan chimhthiam ko hna. 3 Sihmanhsehlaw mi kip an lu cu Khrih a si, minu a lu cu a va a si. Khrih a lu cu Pathian a si, ti cu nan hngalh ka duh. 4 Ahopaoh thla a cam ah siseh, phung a chim ah siseh, a lu aa khuh ahcun a lu kha a zomhtaih a si. 5 Sihmanhsehlaw nu pakhatkhat nih a lu khuh loin thla a cam, asiloah, phung a chim ahcun a lu kha a zomhtaih a si—a lu aa meh dih he aa khat ko. 6 Asinain nu nih a lu aa khuh lo ahcun a sam cu aa tan awk a si ko; sihmanhsehlaw lu meh le sam tan cu nu caah ningzak a si ahcun a lu i khuh ko seh. 7 Zeitintiah mipa cu Pathian muipu le a sunlawinak a si caah a lu aa khuh awk a si lo; asinain nu cu pa sunlawinak a si. 8 (Zeitintiah mipa cu minu in sermi a si lo i minu tu kha mipa in sermi a si, 9 Mipa cu minu caah ser a si fawn lo, minu tu kha mipa caah ser a si). 10 Cucaah cun vanmi hna ruangah nu nih a lu aa khuh; cucu lukhuh dingah a cungah a va nih nawl a ngeih langhternak ah a si. 11 (Sihmanhsehlaw Bawipa ah cun nu cu mipa tel loin a um kho lo i mipa zong minu tel loin a um kho lo, 12 nu cu pa in sermi a si bantukin mipa cu minu in hrinmi a si. Cun thil vialte cu Pathian sinin an si). 13 Cu a si caah nu nih lukhuh loin Pathian sinah thlacam cu aa dawhtlak maw ti cu nanmah nih khahchun ko u. 14 Mipa cu sam saupi i i zuah kha ningzak a si ti cu nunzia nih an chim ko hna lo maw? 15 Sihmanhsehlaw nu nih sam saupi aa zuah ahcun a hmaihngalnak a si lo maw? Zeitintiah a sam cu amah khuhnak ah tuahpiakmi a si. 16 Al a duhmi nan um ahcun tuah tawnmi phung dang kan ngei lo, Pathian Khrihfabu hna zong nih an ngei rih lo.

17 Sihmanhsehlaw a tanglei cawnpiaknak ah hin cun kan chimthiam hna lo, zeitintiah hmun khat i nan i pumh tikah a òha lei nakin a òha lo lei deuh nan panh. 18 Zeitintiah a hmasa bik ah, nan i pumh tikah nan lakah lung khah lonak a um ti ka theih i ka zumh pah ko. 19 Nan lakah mi dik an langh khawh nakhnga ruahnak dang nan ngeih awk cu a si ko. 20 Hmunkhat i nan i ton tikah nan eimi kha Bawipa zanriah a si lo. 21 Zeicahtiah nan ei tikah mah le duh cio in nan rak ei chung, pakhat a rawl a òam i a dang cu a ri. 22 Zei bia hen! Ei le dinnak ah inn nan ngei cio lo maw? Asiloah Pathian Khrihfabu kha nan zomhtaih i zeihmanh a ngei lomi kha maw an ning nan zahter hna? Nan sinah zeidah ka chim lai? Mah ah hin kan chimthiam hna hnga maw? Chimthiam hin hlah!

23 Zeitintiah nan sinah kan pekchinmi hna cu Bawipa sinin ka hmuhmi a si. An rawi zan ah khan Bawipa Jesuh nih changreu kha a lak; 24 lunglawmhnak thla a cam hnuah a cheu i, “Hihi nanmah caah ka pumsa a si. Keimah cinkennak ah hihi tuah u,” a ti. 25 Zanriah ei dih ah hrai zong kha a lak i, “Hi hrai hi ka thi ah biahrennak thar a si. Nan din fate keimah cinkennak ah tuah u,” a ti. 26 Zeitintiah hi changreu hi nan ei i hi hrai hi nan din fate Bawipa thihnak kha a rat òhan hlantiang nan phuan a si.

27 Cucaah i tlak lo buin Bawipa changreu a ei i a hrai a dingmi paoh cu Bawipa pumsa le thi a thurhhnawmh tiin sualphawt a si lai. 28 Mipa nih amah le amah i kherhlai seh law changreu cu ei in hrai cu ding seh. 29 Zeitintiah Bawipa pumsa cu sullam hngal loin a ei a dingmi paoh nih biaceihnak aa ei aa din chih. 30 Cu ruangah cun nan lak i mi tampi cu nan derthawm i nan zaw. Cun a cheu cu an thi. 31 Sihmanhsehlaw kanmah le kanmah hman tein kan i tuaktan hmasa ahcun biaceih kan si lai lo. 32 Asinain Bawipa nih bia a kan ceih hmanh ah vawlei he hlawtchih kan si nakhnga lo a kan chimhhrinnak tu a si.

33 Cu a si caah u le nau hna, Bawipa zanriah ei awkin nan i pumh tikah pakhat le pakhat i hngak u— 34 a rawl a òammi cu inn ah ei ko seh—cu ti a si lo ahcun hlawt awkah nan i pum a si hnga. Thil dang kong kha cu ka rat tikah kan chimh te hna lai.