1 Kenkhria Khrihfabu nu upa, kan farnu Fibi hi nan sinah theihhngalhter kan duh hna. 2 Mithiang mi hna ca i aa tlakmi khan in Bawipa ah cun rak cohlang ko u, cun nan sinin a herhbaumi paoh ah rak bawmchan u; zeitintiah mi tampi bawmtu le keimah zong a ka bawmtu a si.

3 Khrih Jesuh ah ka rianòuan hawi Prisilla le Aquila hna kha a langin an kut ka tlaih hna. 4 Annih nih cun keimah caah an nunnak hmanh an sian caah keimah lawng hmanh si loin Jentail Khrihfabu vialte hna zong an cungah an i lawm. 5 An inn ah aa pum tawnmi Khrihfa hna zong an kut ka tlaih hna. Ka dawtmi Epainetas, Asia ram i Khrih caah lungthleng hmasa bik zong a kut ka tlaih. 6 Nan lakah fak piin a òuanmi Mary zong a kut ka tlaih. 7 Andronikas le Junias, ka phunhawi le keimah he thongtla òimi hna zong an kut ka tlaih hna. Mah hna kha lamkaltu lakah milang ngai an si i keimah hlanah Khrih zummi an si. 8 Bawipa ah ka dawtmi Ampliatas zong a kut ka tlaih. 9 Khrih ah ka rianòuan hawi Urbanas le ka dawtmi Stakhus zong an kut ka tlaih hna. 10 Khrih ah cohlan a si cangmi Apelles zong a kut ka tlaih. Aristobulas chungkhar hna zong an kut ka tlaih hna. 11 Ka phunhawi Herodion a kut ka tlaih. Narkissas te chungkhar, Bawipa mi hna kha an kut ka tlaih hna. 12 Bawipa rian a òuanmi Trifana le Trifosa hna zong an kut ka tlaih hna. Ka dawtmi Persis, Bawipa caah fak piin a òuanmi kha a kut ka tlaih. 13 Bawipa auhmi Rufas le a nu, ka nu ka ti vemi kha an kut ka tlaih hna. 14 Asinkritas, Flegon, Hermes, Patrobas, Hermas le an sinah a ummi unau hna zong an kut ka tlaih hna. 15 Filologas, Julia, Nereas le a farnu le Olimpas le an sinah a ummi mithiang vialte an kut ka tlaih dih hna. 16 Pakhat le pakhat a thiangmi hnamhnak in i biachawn u. Khrih ta a simi Khrihfabu vialte nih nan kut an in tlaih hna.

17 U le nau hna, cawnpiak nan simi zumhnak ralchanh in nan lakah òhennak le harnak a chuahpitu hna khan i ralring u law hrial ko hna u, tiah kan nawl hna. 18 Zeitintiah mah hna nih khan kan Bawipa Khrih rian loin an paw tu a rianmi an si. An mi hlawithiam le an mi fak thiamnak in lungmawng zaran vialte cu an hlen hna. 19 Zeitintiah nan nawl ngaihnak cu mi vialte nih hngalh a si caah keimah zong nan cungah ka tha a nuam. A òhami thil ah fim u law a òha lomi ah cun zei hngal lo si ko u, ti kan duh hna. 20 cuticun daihnak Pathian nih Satan cu nan ke tangah a rialchih colh ko lai. Kan Bawipa Jesuh Khrih vel cu nan sinah um ko seh!

21 Ka rianòuan hawi Timote nih nan kut an tlaih hna; cu bantuk cun Lusias, Jason le Sosipater, ka phunhawi hna zong nih an i tlaih ve hna.

22 Hi ca òialtu keimah Tertias zong nih Bawipa min in nan kut kan tlaih ve hna.

23 Ka tlun innpa, Khrihfabu zong nih a inn pumhnak ah an hmanmi Gaius zong nih an tlaih ve hna. Khuapi tangka kengtu Erastas le kan unau Kuartas zong nih nan kut an in tlaih ve hna. a\xq Cazual cheukhat ah cun caang 24 nak hi ‘Kan Bawipa Jesuh Khrih vel cu nan dihlak sinah um ko seh. Amen’ ti aa tel.\x*

25 Pathian cu thangòhat si ko seh! Amah nih thawngòha bia ning in nan zumhnak fehternak caah thazang an pek khawh hna. 26 Cu biathup cu profet hna òialmi in miphun vialte hna sinah atu tu ah cun phuan a si cang; an zumh i a nawl an ngaih nakhnga a hmunmi Pathian nawlbia ning in a si. 27 Amah lawng a simi a fimmi Pathian cu Jesuh Khrih thawngin thangòhat si thluangthluan ko seh. Amen.