1 Saul tu cu Bawipa a zulmi hna thah le nawn ding lawngin a thaw aa chuah chih. 2 Nu he pa he lam zulmi a hmuhmi hna paoh tlaih i Jerusalem ah kalpi khawh hna awkin Damaskas khua sinakok hruaitu pek awk ca tlawngbawi sinah a hal. 3 Damaskas leiah a kal i khua a phanh dengmang ah khin ruah lopi ah van in a velchum vialte cu ceu nih a run kah. 4 Vawlei ah a tlu i aw nih a sinah, “Saul, Saul, zeicahdah na ka hrem,” a run ti. 5 A thawh i, “Bawipa, ahodah na si?,” a ti. “Keimah cu na ka hremmi Jesuh ka si. 6 Sihmanhsehlaw tho law khuapi ah khin va lut, na tuah hngami cu chimh na si lai,” a ti. 7 A sinah a kal vemi hna cu cipkhap loin an dir, aw cu an thei nain ahohmanh an hmu hna lo. 8 Saul cu vawlei cun a tho i a mit a hun au tikah zeihmanh a hmu kho ti lo. Cucaah a kut in an hruaih i Damaskas khua chungah cun an luhpi. 9 Ni thum chung khua hmu loin a um i zeihmanh a ei a ding lo.

10 Damaskas ah cun zultu pakhat Ananias timi a rak um. A sinah Bawipa a lang i, “Ananias,” tiah a auh. Anih nih, “Bawipa, hika ah hin ka um,” a ti. 11 Cun Bawipa nih cun, “Tho law Lam Ding timi lam ah khin va kal law Judas inn ah Tarsas khuami Saul a um le um lo va hal; zeitintiah thla a cam lio a si; 12 Ananias timi a ra i a mit khua a hmuh òhan khawh nakhnga a cungah a kut a chuan kha langhnak in a hmuh,” a ti. 13 Ananias tu nih cun, “Bawipa, hi pa nih hin Jerusalem i mithiang hna cungah zeitluk òhat lonak dah a tuah ti kha mi tampi sinin ka theih. 14 Atu zongah hin na min a aumi paoh tlaih khawhnak nawl tlangbawi upa hna sinin ca a ngei,” tiah a leh. 15 Sihmanhsehlaw Bawipa nih cun, “Va kal ko, mah pa hi Jentail mi hna le siangpahrang hna le Israel fale hna hmaiah ka min phawr dingin thim i ka thlahmi pa a si, 16 zeitintiah ka min ruangah zeitluk in dah a temh awk a si ti kha keimah hrimhrim nih ka hmuhsak lai,” a ti. 17 Cucaah Ananias cu a chuak i cu inn ah cun a lut. A cungah a kut a chuan i, “Unaupa Saul, na ratnak lam i a langmi Bawipa Jesuh nih khan na mit khua a hmuh òhan nakhnga le Thiang Thlarau in na khah nakhnga a rak ka thlah,” tiah a ti. 18 Cun chikkhatte ah phokphawher bantuk a mit cun an tla colh i khua a hmu. 19 Cun a tho i baptisma a in, rawl a ei i a hung fekfuan òhan.

Ni tam nawn chung cu Damaskas khua zultu hna sinah cun a um. 20 Sinakok ah Jesuh kong a chim colh i, “Amah hi Pathian Fapa a si,” a ti. 21 A bia a theimi hna paoh cu an khuaruah a har i, “Jesuh min a aumi hna paoh cungah Jerusalem i hremnak a chuahtertu pa kha a si lo maw? Tlangbawi upa hna sin chuahpi dingin Jesuh min autu hna paoh hrem awkah hika ah hin a ra a si lo maw?” an ti. 22 Sihmanhsehlaw Saul cu a òhawng chinchin i Jesuh cu Khrih a si tiah a fianter tuk ruangah Damaskas khua i a ummi Judah mi hna cu an ar òhup ko

23 Ni tampi a rauh hnuah khin Judah mi nih Saul kha thah an timh. 24 Sihmanhsehlaw an i timhnak kha Saul nih a hngalh. Chun he zan he amah thah awkah kutka in an bawh. 25 Sihmanhsehlaw a zultu hna nih bawm chungah an khumh i zan ah hruang cungin lengah an vun òhumh.

26 Jerusalem a phanh tikah zultu hna sin i tel ve kha aa tim nain an òih dih, zeitintiah zultu a si ve kha an zum lo. 27 Sihmanhsehlaw Barnabas nih a hruai i lamkaltu hna sinah a kalpi. Lam i Bawipa a hmuhnak le Bawipa nih a chawnhnak le Damaskas khua ah Jesuh min in ralòha ngaiin phung a chimnak kong kha a chimh hna. 28 Cucaah Jerusalem ah cun an lakah a chuak a lut lengmang, Bawipa min in ralòha ngaiin phung a chim. 29 Grik holh a hmangmi Judah hna lak zongah bia a chim i a al hna i annih nih cun thah an rak timh. 30 A unau hna nih an theih tikah Sisaria ah an vun kalpi i Tarsas khua ah an hei kuat. 31 Cuticun Judea, Galilee le Samaria pumpi ah Khrihfabu cu dai tein an um i an karh chin lengmang, Bawipa òihzah buin an òhu-um i Thiang Thlarau hnangamternak in an pungzam chinchin.

32 Peter cu an lakah aa chawk lengmang i Lidda mithiang mi hna sin zongah a vung kal. 33 Cuka ah cun a zeng i kum riat chung a lum komi Ainias timi a vung hmuh. 34 Peter nih cun a thawh i, “Ainias, Jesuh Khrih nih an damter; tho law na ihphah i serh,” a ti. Chikkhatte ah a tho. 35 Cucu Lidda le Sharon i a ummi hna vialte nih an hmuh i Bawipa lei kha an hoih dih.

36 Joppa khua ah zultu pakhat Tabitha, a sullam cu Dorkas timi a rak um. Cu nu cu rianòha òuan le misifak bawmh a hmang ngaimi a si. 37 Cu lioah cun a zaw i a thi, a ruak ti an òawl hnu cun cungdot ah an suan. 38 Lidda cu Joppa in a naite caah cuka i Peter a um kha an theih i zultu hna nih khan mi pahnih a sinah an hei thlah hna i an va nawl. “Khulrang in kan sinah ra ta tuah,” an ti. 39 Cucaah Peter cu aa thawh i an sinah khan a kal. A va phak cun cungdot ah an kaipi. Nuhmei vialte cu a pawngah an dir i an òap i an sin i Dorkas a rak nun lioah a rak òhitmi angki le hnipuan hna kha an hmuhsak. 40 Peter nih cun an dihlakin a chuahter hna i khukbil in thla a cam; a ruak leiah cun a hun i mer i, “Tabitha, tho,” a ti. A mit a hun au i Peter a hmuh cun a tho i a òhu. 41 A kut a hei chanh i a thawh. Mithiang hna le nuhmei hna cu a auh hna i Dorkas cu a nung in a pek hna. 42 Joppa khua chung vialte ah a thang i mi tampi nih Bawipa cu an zumh. 43 Peter cu Joppa ah cun ni tampi a cam i saphaw sertu Simon inn ah a tlung.