1 Sisaria ah cun Kornelias timi pa pakhat a um i Itali ralkapbu an timi Bawipa a si. 2 Aa pumpe i a chungkharle he Pathian a òihzahmi pa a si; mihar sinah siang ngaiin a pemi a si i Pathian sinah thla a cam zungzalmi a si. 3 Ni khat cu zanlei suimilam pathum ah langhnak a hmu; Pathian vanmi a sinah a rat kha fiang tein a hmuh i, “Kornelias,” tiah a auh. 4 Òih ngai in ngang ko in a zoh i, “Bawipa, zeidah a si?,” a ti. A sinah, “Na thlacamnak le na pekòhenhnak kha Pathian nih a theih. 5 Joppa ah mi hei thlah hna law mi pakhat Simon (Peter ti zongin an auhmi) kha va auhter hna. 6 Rili kamah saphaw sertu, Simon inn ah a tlung,” a ti. 7 A sinah bia chimtu vanmi nih a kal tak hnu cun a sinum pahnih le amah bultawltu ralkap lakin biaknak leiah a pum aa pe ngaimi pakhat a auh i 8 thil umtuning vialte a chim dih hnu hna ah Joppa ah cun a hei thlah hna.

9 A thaizing ah an va kal lengmang i khua an phanh dengmang ah khan, chun hrawngah Peter cu inn cungah thlacam awkin a kai. 10 A rawl a òam i zeimaw tal ei khi a duh, ei awk an timhtuah lioah khin mangcanghlan in a um. 11 Van aa hung i puan phak kaupi bantuk kili in aa òem i vawlei ah run òhumh a si kha a hmuh. 12 A chungah cun saram phunkip le vawlei i a lawnmi thilnung phunkip le vanva hna an um. 13 Aw pakhat a theih i, “Peter, tho, that law ei hna,” a ti. 14 Sihmanhsehlaw Peter nih, “Ei hlah e Bawipa, a thurhnawmmi le a thiang lomi ka ei bal lo,” a ti. 15 A voi hnihnak aw cu a ra òhan i, “Pathian nih a thiantermi cu a thur na ti hnga lo,” a ti. 16 Cuticun voi thumnak tuah a si hnuah van ah lak òhan zau a si.

17 Peter nih a thil hmuhmi cu zeidah a si hnga tiah a lung chung in a awlok a chon lioah Kornelias nih a rak thlahmi hna cu Simon inn umnak an hal pah lengmang hnuah kutka hramah an hung dir i 18 “Simon timi Peter kha hi inn ah hin a tlung maw tlung lo,” tiah an hal hna. 19 A thil hmuhmi kong cu awlokchong in Peter nih a ruah lioah cun Thlarau nih, “Zohhmanh, mi pathum nih an in kawl. 20 Tho law va òum, lung awòawm loin vung fuk hna, zeitintiah keimah nih ka thlahmi hna an si,” a ti. 21 Mi hna sinah cun Peter cu a vung òum i, “Nan kawlmi cu keimah hi ka si, zei ah dah nan rat?,” a ti hna. 22 Mi hna nih cun, “Ralbawipa Kornelias nih a kan thlahmi kan si. Amah cu miding le Pathian a òihzahmi, Judah mi vialte hmanh nih an chimthiam ngaimi a si. Na biachim ngaih awkah nangmah cu a inn ah sawm awkin a thiang vanmi nih a fial,” an ti. 23 Cucaah Peter nih a sin i riak dingin a auh hna.

A thaizing ah aa thawh i an sinah cun a kal i Joppa i unau cheukhat hna zong nih an zulh. 24 A thaizing ah Sisaria cu an va phan. Kornelias nih cun a rak awrh ko hna i a phun hawi le a hawikom zong a rak pumh dih hna. 25 Peter a vung phanh cun Kornelias nih a rak don i a ke hramah a bawk i a biak. 26 Sihmanhsehlaw Peter nih cun a kut in a thawh i, 27 “Dir ko, keimah zong minung ka si ve ko,” a ti. Biaruah pah bu khin inn chungah a lut i mi tampi an rak i pumh kha a hmuh; 28 a thawh hna i, “Judah mi nih miphun dang he i pehtlaih i an sin len cu a phung a si lo kha cu nanmah nih nan hngalh ko. Sihmanhsehlaw ahopaoh an thurhnawm, an thianglo ka ti hna lo awk kha Pathian nih a ka hmuhsak. 29 Cucaah nan rak ka cah tikah al lo tein ka ra. Cucaah zeicahdah nan rak ka sawm ti cu ka chim tuah u,” a ti hna.

30 Kornelias nih cun, “Kan hnulei ni li lioah khan atu caan khan ah hin, zanlei suimilam pathum i ka thlacam tawn caan ah ka inn ah thla ka cam i puan cer ngaimi aih in ka hmaiah mi pakhat a dir i, 31 “Kornelias, na thlacamnak cu theihpiak na si i a herhmi na pekòhenhnak zong kha Pathian nih a philh lo. 32 Joppa ah mi hei thlah hna law, mi pakhat Simon, Peter ti zongin an auhmi, kha auhter hna. Rili kamah saphaw sermi Simon inn ah a tlung,” a ti. 33 Cucaah chikkhatte ah kan auh zau i ka zawn na ka ruah caah na ra. Atu hi Pathian hmaiah kan dihlak tein, Bawipa nih an fialmi na chim hngami ngaih awkah kan rak um,” a ti.

34 Peter nih aa thawh i, “Pathian nih mi a thleidang lo ti hi hmaan tein ka hmuh cang. 35 Miphun kip chungah amah a òihmi le òhatnak a tuahmi paoh cu a cohlan ko hna. 36 Jesuh Khrih, mi vialte Bawipa nih daihnak thawngòha Israel hna sinah a biacahmi cu nan hngalh. 37 Johan nih batisma kong a chim hnu khan Galilee ram thawk in Judea ram pumpuluk tiang a culmi thil pipa kha nan hngalh. 38 Nazareth khuami Jesuh cu Pathian nih Thiang Thlarau le nawlngeihnak chiti a thuh i Pathian nih a umpi camcin caah rianòha a òuan i khuachia tuahmi hna paoh a damter hna. 39 Judah ram le Jerusalem i a tuahmi vialte hngaltu kan si. Vailam ah khenhchih in an thah; 40 asinain, Pathian nih a ni thumnak ah a thawhter i mit hmuh in a langhter. 41 Mi kip sinah langhter a si lo, Pathian nih a hngaltu dingah a kan thimmi hna, thihnak in a thawhòhan hnu zongah a ei a ding òimi hna kanmah sin lawngah aa langhter. 42 Mi sinah thawngòha chim awk le amah cu mithi le minung biaceihtu dingah Pathian nih a khaukhihmi a si ti kha theihter awkah a kan fial. 43 Profet vialte hna zong nih amah a zummi paoh cu a min thawngin an sualnak ngaihthiam an si lai ti kha hngaltu an rak si,” a ti hna.

44 Peter nih cu bia a chim lioah cun a bia a ngaimi vialte hna cungah Thiang Thlarau a tlung. 45 Cuarpartanmi lakin a zummi Peter a rak zulmi hna cu Jentail hna cung zong i Thiang Thlarau laksawng toih an si ve kha an hmuh tikah an khuaruah a har. 46 Zeitintiah holh phunphun in an holh i Pathian lianhngannak kha an thangòhat. Cun Peter nih, 47 “Mah hna nih hin kanmah bantuk tein Thiang Thlarau an hmuh i ti in baptisma in awk aho nih dah a kham hna lai?,” a ti. 48 Cucaah Jesuh Khrih min in baptisma innak nawl a pek hna. Cun an sin i cam rih awkin an nawl.