8
1 Cu ni thawk cun Jerusalem Khrihfabu nih hremnak fakpi an in i lamkaltu hna ti lo cu Samaria le Judea hrawngah òhenòhek dih an si.
2 Biaknak ah aa biatakmi hna nih Steven cu an vui i fak piin an òah.
3 Sihmanhsehlaw Saul cu Khrihfabu hrawh awkin inn kip ah a lut; nu he pa he a hnuh hna i thong ah a thlakter hna.
4 Aa òhenòhekmi hna cu hmun kip ah an kal i thawngòhabia kha an chim.
5 Filip cu Samaria khua ah a vung kal i Khrih kong kha a chimh hna.
6 Mi zapi nih Filip chimmi kha òha tein an ngaih i khuaruahhar a tuahmi hna an hmuh an theih cun a bia cu an lung ah a lut ngai.
7 Thlarau thur hna cu fakpi au buin mi tampi chungin an chuak; a zengmi le kebei tampi zong an dam.
8 Cucaah cu khuami hna cu an i lawm ngaingai.
9 Cuka ah cun Simon timi pakhat mitlehthiam a rak um. A mitleh thiam nih cun Samaria mi vialte kha an khuaruah a harter hna i mi ngan pakhat tiin an chim.
10 A hme bik in a ngan bik tiang an dihlak in a bia an ngaih i, “Hi pa hi Pathian nawlngeihnak Lianngan an rak timi kha a si,” an ti.
11 A mitleh thiamnak nih cun caan saupi an khuaruah a harter hna caah a bia cu lungtho ngaiin an ngaih.
12 Sihmanhsehlaw Filip nih Pathian pennak thawngòha le Jesuh Khrih min a chimmi kha an zumh i nu he pa he baptisma an ing.
13 Simon hmanh nih cun a zumh ve i baptisma a in hnu zongah Filip sinah a um rih. Khuaruahharnak le hmelchunhnak pipa a tuahmi kha a hmuh tikah a lung a suk ko.
14 Jerusalem i a ummi lamkaltu hna nih Samaria mi hna zong kha Pathian bia an zum ve cang ti an theih tikah Peter le Johan an thlah hna.
15 An pahnih in an vung kal i Thiang Thlarau an hmuh nakhnga thla an camh hna;
16 zeitintiah aho cung hmanh ah a phan rih lo, zeicahtiah Bawipa Jesuh min lawngin baptisma pek an si rih.
17 An cungah an kut an chuan i Thiang Thlarau cu an hmuh.
18 Simon nih lamkaltu hna kutchuannak in Thiang Thlarau pek an si kha a hmuh tikah tangka a pek hna i,
19 “An cungah ka kut ka chuanmi hna paoh nih Thiang Thlarau an hmuh khawh nakhnga hi nawlngeihnak hi ka pe ve u,” a ti hna.
20 Sihmanhsehlaw Peter nih, “Na ngun cu nangmah he loral seh, zeicahdah Pathian laksawng cu tangka in cawk khawh awkin na ruah.
21 Pathian hmuh ah na lungput a hman lo caah hi thil hna ah hin tel venak le tinvo na ngei lo.
22 Cucaah hi na òhat lonak hi òhin law, a si khawh ahcun na lung in na tinhmi hi ngaihthiam na si khawh nakhnga Bawipa sinah cun thla va cam
23 Zeitintiah nahchuahnak in na khat i sualnak nih an òem kha ka hmuh,” a ti.
24 Simon nih, “Na chimmi zeihmanh ka cung i a tlun nakhnga lo Bawipa sinah cun thla ka campiak,” a ti.
25 Pathian bia cu an langhter i an chim hnu cun Jerusalem ah an kir i an kir pah ah thawngòha cu Samaria khua hna ah cun an chim pah.
26 Sihmanhsehlaw Pathian vanmi nih Filip kha, “Tho law, Jerusalem in Gaza lei a zuangmi lam kha thlanglei ah vung kal,” a ti. (Cu lam cu atu ah cun hman a si ti lo).
27 A tho i a kal. Zohmanh, Ethiopia mi tildit pakhat, an siangpahrangnu Khandas tlangchuak bawi upa, a chawhlawn vialte uktu cu Jerusalem ah Pathian biak awkin a kal;
28 a kir lei a si; a rangleng cungah a òhu i Isaiah profet cauk kha a rel.
29 Thlarau nih Filip cu, “Va kal law khi rangleng khi va naih,” a ti.
30 Cucaah Filip cu a va le i profet cauk a rel kha a theih i, “Na relmi cu na hngal maw?” tiah a hal.
31 A rak i thawh i, “Aho tal nih chimh lo cun zeitindah ka hngalh khawh hnga?” a ti. Cun Filip cu rangleng cung i cuan ve ding cun a sawm.
32 Cathiang a rak relmi cu:
“Thah awkah an hruaimi tuu bantuk le
Hmulmettu hmaiah tuufa a awnau lomi bantukin,
Bia ka khat hmanh a chim lo.
33 A mual an phoh i dik lo ngai in bia an ceih.
A tefa kong ahodah a chimrel kho ti lai?
Zeitintiah vawlei i nunnak cu lak a si cang,”
ti a si.
34 Cun tilditpa nih Filip cu, “Hi profet nih hin aho kong dah a chim, amah kong maw a chim, midang kong dah a rak chim,” tiah a ti.
35 Filip nih cun Baibal cang cun a thawk i Jesuh thawngòha cu a chim.
36 Cuti an kal pah lengmang cun ti umnak an phan i tilditpa nih cun, “Zohhmanh, hika ah hin ti a um! Baptisma in cu zei nih dah a ka donh?” a ti. + 8:36 Hlan caòialtu hna nih cang 37 nak hi an rak chap.\xq \xv 37\xv* Cun Filip nih, “Na lungthin dihlak in na zumh ahcun na ing kho,” a ti. Ethiopia pa nih, “Ka zumh, Jesuh Khrih cu Pathian fapa a si.”\x*
38 Cun tilditpa nih cun a rangleng cu a dirter i an pahnih in tilditpa he Filip he cun ti chungah cun an vung òum i Filip nih cun baptisma cu a pek.
39 Ti chungin an hung chuah tikah Bawipa thlarau nih Filip cu lodiam in a cawi i tilditpa nih cun a hmu ti lo, cun thanuam ngai in a kalnak ding leiah cun a lan.
40 Filip cu Ashdod ah a vung chuak i Sisaria khua tiang thawngòha kha a chimh thluahmah hna.