7
1 Cun tlangbawi zik nih, “Cuticun maw a si?” a ti.
2 Steven nih, “U le nau le pale hna, ka bia hi ngai tuah u. A liannganmi Pathian cu kan pa Abraham sinah Mesopotamia i an um lioah khan a rak lang. Haran i a um hlan kha a si i,
3 ‘Na ram le na phun hawi hna hi kal tak hna law kan hmuhsak laimi ram ah cun va kal,’ a ti.
4 Cuticun Khaldia mi hna ram cu a chuah tak i Haran ah cun a vung um. Cun a pa a thih hnuah Pathian nih atu i nan umnak ram ah hin a òhial.
5 Asinain ro ah a rak pe lo, zapei kauh hmanh a pe lo. Abraham cu fa a ngei lo nain amah le a tefa hna sinah hi ram hi pek dingin a rak kamh.
6 Pathian nih cun hitihin a rak chimmi cu: a hrinsor hna cu midang ram ah mising in an um lai, kum zali chung tiang an sal hna lai i serhsat in an um lai.
7 ‘Sihmanhsehlaw an rianhmi ram cu bia ka ceih lai, cu hnu cun an chuak lai i hi hmun ah hin an ka biak te lai,’ tiah Pathian nih a rak ti.
8 Pathian nih a sinah cuarpartannak biahren kha a ser, cucaah Abraham nih Isak a hun hrin i a ni riatnak ah a cuarpar a tan.
9 Cun hringsortu hna nih khan Josef cu an nahchuah i Izipt ram ah an zuarh, asinain Pathian a sinah a um;
10 a temhinnak vialte khan a chuahter lengmang i Izipt ram siangpahrang Faro hmuh ah mifim le duhnung a siter. Faro nih cun Izipt ram chung le a chungkhar uktu ah a ser.
11 Cun Izipt ram le Kanan ram pumpi ah mangòam a tlung i an rak tem ko, kan pupa hna cu ei awk an rak ngei lo.
12 Jakob nih Izipt ram ah rawl a um ti a theih tikah kan pupa hna cu a kalter hna, cucu an kal hmasa bik caan a si.
13 A voi hnih tlawnnak ah Josef nih a unau hna sinah aa hngalhter hna i Josef chungkhar cu Faro nih a hngalh ve hna.
14 Cun Josef nih a pa Jakob le a phun hawi vialte cu a auhter hna i sawm sarih le panga an si;
15 Jakob cu Izipt ah cun a vung kal, amah le kan pule hna cu an thi.
16 An ruak cu Shekhem ah an put hna i Abraham nih Hamor mi hna sinah tangka in a rak cawkmi thlan ah khan an vui hna.
17 Pathian nih Abraham sinah bia a kammi kha a phanh dengmang tikah kan miphun hna cu Izipt ah cun an pungzam chin lengmang i an tam ngaingai cang.
18 Izipt ah cun Josef a hngal lomi siangpahrang dang a hung chuak.
19 Kan miphun hna kha zertian in a rak hrem hna i kan pupa hna cu an fasem hna kha thi dingin lengah a hlonhter hna.
20 Hi caan ah hin Moses cu a hung chuak i Pathian hmaiah fa dawh ngai a si. A pa inn ah thla thum chung an cawmken;
21 an hlonh ve hnuah cun Faro fanu nih aa char i amah fa in a cawm.
22 Cun Moses cu Izipt fimthiamnak vialte kha a cawnpiak i thil ti kho ngai le a chimrel kho ngai a hung si.
23 Moses cu kum sawm li a hung si kum ah a miphun Israel fale hna kha va len dingin a lung ah a hung chuak.
24 A va len hna lioah hin an lak i pakhat cu Izipt mi nih a rak cawhdeh kha a hmuh i aa chanh i teirul chamnak ah a cawkdektu cu a thah.
25 A unau hna nih cun Pathian nih Moses kut in a luatter hna lai ti an hngalh lai tiah a ruat nain an hngal lo.
26 A thaizing ah cun mi pahnih an i velh lio a va hmuh hna i òhen awkin, ‘Mi hna, unau nan si, zeicahdah nan i velh?’ a ti hna.
27 Sihmanhsehlaw a hawi a vel hmasatu pa nih khan Moses cu a nam i, ‘Aho nih dah a kan uktu le kan biaceihtu ah an chiah?
28 Nizan ah Izipt mi pa na thah bantuk khan maw thah na ka duh?’ a ti.
29 Cu bia a theih cun Moses cu a zaam i Midian ram ah a va um i cuka ah cun fapa pahnih a va ngei.
30 Kum sawm li a hung liam ah khan Sinai tlang pawng ramcar i burbuk kangmi in vanmi a sinah a rung lang.
31 Moses nih a hmuh tikah a khuaruah a har i a hmuhmi cu zoh awkin a hei naih ah khin Bawipa aw nih,
32 ‘Kei cu nan pupa Pathian, Abraham te hna, Isak te hna le Jakob te hna Pathian cu ka si,’ a hun ti. Cun Moses cu a tha a therh i a zoh ngam ti lo.
33 Cun Bawipa nih cun, ‘Na ke i na kedan kha i phoih, na dirnak vawlei kha hmun thiang a si.
34 Izipt ram i ka mi hna an temhinnak hna kha ka hmuh i an hrumainak zong ka theih ko caah anmah chuahter awkin ka rung. Ra hmanh, Izipt ram ah kan thlah lai,’ a ti.
35 Moses kha an rak hlawt i, ‘Ahodah a kan uktu le biaceihtu ah an ser?’ an rak timi kha burbuk in a langmi vanmi kut in Pathian nih luattertu le uktu ah a ser.
36 A chuahpi hna i Izipt ram le rilisen le ramcar ah kum sawm li chung khuaruahharnak le hmelchunhnak he a hruai hna.
37 Cu Moses cu Israel mi hna sinah, “Pathian nih keimah a ka ser bantukin nan unau hna lakin profet an serpiak hna lai,” a rak titu kha a si.
38 Amah hi Israel mi hna he ramcar i a rak ummi kha a si; kan pupa hna sin le Sinai tlang ah bia a rak chimtu vanmi sinah a rak um vemi Pathian nunnak bia kan sin i chim chin dingin a rak latu kha a si.
39 Sihmanhsehlaw kan pupa hna nih a nawl an rak ngai lo i an rak phenhei; Izipt lei tu ah an lung a kir.
40 Aaron sinah khan, ‘A kan hruaitu dingah pathian hna kan serpiak. Izipt ram in a kan chuahpitu Moses cu zeitin a si kan hngal lo,’ an rak ti.
41 Cun cawfa deu an ser i cu siasal sinah cun thawinak an tuah i anmah serchommi cu an conglawmh.
42 Cun Pathian nih a hnuchit hna i van arfi hna kha biak awkah a pek hna; profet cauk ah a rak i òialmi cu:
‘Israel mi hna, kum sawm li chung ramcar ah khan saòil in thawinak nan ka pe maw?
43 Molok puan thlam nan phorh;
Refan pathian arfi nan ser.
Cu siasal hna cu nan biak.
Cucaah cun Babilon pinlei ah khin kan òhawl hna lai,’
ti a rak si.
44 Kan pupa hna nih cun ramcar ah puanthlam an rak ngeih i cucu Moses sinah serning ding a rak hmuhsakmi sawisam bantuk kha a rak si.
45 Cucu kan pupa hna nih khan an i phorh i Pathian nih kan pupa hna hmai ah Jentail hna a òawl hna i Joshua le tiah Kanan ram an luh ah khan an i kalpi. Cucu David chan tiang khan a um.
46 David nih cun Pathian lung a hmuh caah Jakob Pathian innsaknak nawl a hal.
47 Asinain inn a sakpiaktu cu Solomon a si.
48 Sihmanhsehlaw Cung Nung Bik cu kut in sakmi inn ah cun a um lo; profet nih hitihin a ti;
49 Bawipa nih,
‘Van cu ka bawi òhutdan a si i
Vawlei cu ka kelamh a si.
Zei bantuk inn dah na ka sakpiak lai i
Asiloah khuazei ah dah kaa dinh lai?
50 Hi thil vialte hi ka kut chuak an si lo maw?’
a rak ti.
51 Milungkhawng hna, cuarpar tan lomi lungthin le hna nan ngei i Thiang Thlarau cu nan dawnh zungzal. Nan pupa hna nih an tuah tawn bantukin nan tuah ve.
52 Nan pupa hna nih aho profet dah hrem loin an um tawn. A Dingmi pa a rat lainak a chimchungtu hna kha an thah hna; amah zong cu nan rawi i nan nawn.
53 Nannih cu vanmi nih phung an in pek hna ning in nan la ko nain nan zul lo,” a ti hna.
54 Cu bia hna cu an theih tikah an thin a hung tuk i an hacang an rial hnawh.
55 Sihmanhsehlaw Thiang Thlarau in a khatmi amah nih cun van a hun zoh i Pathian sunparnak le Pathian orhlei ah Jesuh a dir ko kha a hun hmuh.
56 “Zohhmanh u, van aa hung i Mi Fapa cu Pathian orhlei ah a dir ko kha ka hmuh,” a ti hna.
57 Sihmanhsehlaw an hna an i phih i fakpi in an au i an zuan hnawh lulhmalh.
58 Cun khualipi chung cun an chuahpi i lung in an cheh; bia theitu hna nih an puan cu tlangval Saul kehram ah an chiah.
59 Cuti lung in an cheh ko lioah cun Steven cu thla a cam i, “Bawipa Jesuh, ka thlarau ka cohlang ko,” a ti.
60 A khuk aa bil i aw thangpi in, “Bawipa, an sualnak hi an cungah khinh hna hlah,” a ti. Cu a chim dih cun a thi. Saul zong cu Steven thahnak ah cun a hna a tla ve.