1 A zultu hna an karh chin lengmang cun nifa an thil phawtnak ah nuhmei an thleidan hna tiah Grik holh in a holhmi Judah mi hna cu Hebru mi hna cungah an phunzai. 2 Hleihnih hna nih khan zultu run hna cu an auh hna i, “Pathian biachim thlahthlam in nifa khuasak tintuknak tu kan i tuaitampi hi a hmaan lo. 3 Cucaah u le nau hna, nan lak i miòha Thiang Thlarau he a khatmi le a fimmi pasarih thim hna u law hi rian hi an sinah kan pek hna lai. 4 Kannih tu cu thlacam le Pathian bia chim ah kan i pe lai,” an ti hna. 5 An chimmi cu an dihlakin an hna a tla i Steven, zumhnak le Thiang Thlarau in a khatmi le Filip, Prokhoras, Nikanor, Timon Permenas le Nikolas, Antiok in Judah phunhrawm pa, cu an thim hna. 6 Mah hna cu lamkaltu hna hmaiah an dirter hna i lu cung kut chuan in thla an camh hna.

7 Cun Pathian bia cu a karh chin lengmang i zultu hna cu Jerusalem ah cun an pungzam chinchin; tlangbawi tampi hna zong nih zumhnak cu an cohlan ve.

8 Cun Steven, vel le nawlngeihnak in a khatmi nih khan khuaruahhar pipi le hmelchunhnak, mi hna cungah cun a tuah. 9 sihmanhsehlaw Sairin le Alekzandria khuami Judah cheukhat, sal chuak pawl (rak timi) sinakok i aa tel tawnmi hna le Silisia le Asia ram i Judah mi hna an hung chuak i Steven he cun an i si. 10 Asinain fimnak le Thlarau he bia a chimmi a hmual cu an celh lo. 11 Cu tikah, “Moses le Pathian thang a chiat ti kan hngalh,” ti chim dingin a thli tein mi an hnek hna. 12 Mi zapi le upa hna le phung cawnpiaktu hna cu an forh hna i Steven cu an rak fuh i an tlaih i khawngsil hmaiah an chuahpi, 13 biatheitu deu an chuahpi hna i, “Hipa nih hin hi hmun thiang le phungbia ralchannak kha ngol loin a chim. 14 Hi Nazareth khuami Jesuh nih hin hi hmun hi a hrawh lai i Moses nih nunzia a kan chiahtakmi hi a thlen lai, a ti ti kan theih,” an ti. 15 Khawngsil i a òhumi hna nih an hei zoh i a hmai cu vanmi hmai a lawh kha an hmuh.