28
1 Kan luat hnu cun cu tikulh cu Malta ti a si kha kan hngalh.
2 Cu tikulh mi hna nih cun an kan hramh hringhran, ruah a sur i a kih caah mei an rak kan kaupiak i an rak kan don.
3 Paul nih thinghreu tom khat a va khawmh i mei ah a paih; a linh caah rul a hung chuak i a kut ah a cuk i aa thlai ko.
4 Cuka mi hna nih cun a kut i aa thlai ko kha an hmuh tikah pakhat le pakhat, “Hi pa hi lainawng a si a fiang ko hih. Rili in luat ko hmanh seh law biadik nih cun nun a awnh lo,” an i ti.
5 Anih tu nih cun rul cu mei chungah a thin i a zeihmanh a ti lo.
6 A phing dih lai, a tlu colh lai i a thi lai, tiah an hngah ko. Caan saupi an ngan i zeitihmanh in a um lo tikah an lung an i let i, pathian a si ko, an ti.
7 Cuka pawngah cun tikulh i vawlei a ngeitu ramuk Publius timi a rak um; a inn ah a kan tlunter i ni thum chung lungsi ngai in a kan dangh.
8 Cu lioah cun Publius a pa cu raifanh le thisen chungtlik in a zaw i a lum ko. Paul nih a va zoh i thla a campiak, a cungah a kut a chuan i a damter.
9 Cu tikah cun tikulh i a zawmi midang zong an ra i a damter dih hna.
10 Laksawng phunkip an kan òhenh i kan kal tikah cun kan herhmi paoh kha sangphawlawng chungah an kan chiahpiak.
11 Thla thum hnuah cun cu tikulh i khuasik chung a cam cangmi sangphawlawng in kan kal òhan. Cu lawng cu Khuazing Phir tiah min an sak i Alekzandria lawng a si.
12 Sirakus khua kan phan i cuka ah cun ni thum kan cam.
13 Cuka cun kan kal i Rekium kan phan. Ni khat hnuah chimlei thli a hung hrang i a ni hnihnak ah Peteoli kan phan.
14 Cuka ah cun unau hna kan hmuh hna i ni sarih cam dingin an kan sawm; cun Rom kan phan.
15 Rom khua unau hna nih kan thawng an theih tikah Appius Chawdawr le Khual Buk Pathum tiangin an rak kan don. Paul nih a hmuh hna tikah Pathian a thangòhat i a hna a ngam.
16 Cun Rom khua kan phanh cun Paul cu a cawngtu ralkap pakhat he um an awnh.
17 Ni thum hnuah cuka i Judah upa hna cu a auh hna i an rat cun, “U le nau hna, kan miphun cungah siseh, kan pupa nunzia cungah siseh zeihmanh tuah sualmi ka ngei lo nain Jerusalem ah an ka tlaih i Rom hna kut ah an ka ap.
18 An ka kherhlai tikah luatter an ka duh ko, zeitintiah ka bia ah thihtlak a um lo.
19 Sihmanhsehlaw Judah mi nih an al caah ka miphun hna cungah sual phawt awk zeihmanh ka ngei lo nain Sizar sinah azukhan loin ka si kho lo.
20 Mah ruangah hin kan auh hna i bia ruah kan duh hna, zeicahtiah hiti thir cikcin in hren ka sinak hi Israel hna ruahchanmi ruangah khan a si,” a ti hna.
21 Annih nih, “Na kong ah Judea in cakuat zeihmanh kan hmu lo i unau a rami hna zong nih na kong ah òhat lonak zeihmanh an chim lo.
22 Hi bu soiselnak hi a kenkip ah chim cio a si caah na ruahnak zong theih kan duh ko,” an ti.
23 Cun ni an i tuk i cu ni ah cun a umnak hmun ah mi tampi an ra. Zingka in nitlak tiang Pathian pennak kong a chimh hna i Jesuh an zumh khawh nakhnga Moses phung le profet cauk chung bia in a fianter.
24 A bia chimmi nih cun acheu an lung a pemh hna i acheu nih cun an zum lo.
25 An lung aa khah ti lo caah Paul nih a tanglei bia hi a chimh dih hnu hna ah an chuak i an kal. A chimmi cu: “Isaiah profet in nan pupa hna sinah Thiang Thlarau nih a rak chimmi hi a hman ko.
26 ‘Mah mi hna sinah hin va kal law hitihin va chim,
Nan thei ko lai nain nan hngal bal lai lo,
Nan hmu ko lai nain nan ruat thiam bal lai lo.
27 Zeitintiah mah hna hi an lung a khawng;
An hna a ku i
An mit an i chinh;
Cu lo ahcun an mit nih a hmuh hnga i
An hna nih a theih hnga,
An lung nih a hngalh hnga i
Damter awkah keimah lei an hoih hnga!
28 Hi Pathian khamhnak hi Jentail hna sinah rak thang seh law an rak ngaih ko hnga ti hi thei ko u,” a ti hna.+ Kut in òialmi Cathiang a òha bikmi ah cang 29 nak hi aa tel lo.\xq \xv 29\xv* ‘Paul nih bia a chim dih cun Judah mi hna cu an òin i anmah le anmah fak piin an i al pah,’ tiin aa òial.\x*
30 Kum hnih pumpi chung amah tein aa cawm i a um; a sinah a rami paoh a rak conglawmh hna.
31 Donhkhanhnak um loin Pathian pennak a chim i Bawipa Jesuh Khrih kong kha langhngan tein a cawnpiak hna.