ROM
Khuami Hna Sinah Paul Cakuat
1
1 Paul nih ca kan kuat hna; keimah cu, Jesuh Khrih sal, lamkaltu dingah auhmi, Pathian thawngòha chimtu dingah thimmi ka si.
2 Cu thawngòha cu Cathiang chungah profet hna sinin a rak kamh chungmi a si.
3 Cucu a Fapa kong a si i amah cu thisa lei in ti ahcun David hrinsor a si;
4 a thiangmi Thlarau lei in ti ahcun thihnak in a thawhòhannak nih a liannganmi Pathian Fapa Jesuh Khrih kan Bawipa a si kha a langhter.
5 Mi vialte nih Khrih min in zumhnak an ngeih i a nawl an ngaih nakhnga amah thawng cun velngeihnak le lamkaltu sinak nawl kan hmuh.
6 Nannih zong Jesuh Khrih mi si dingin auh nan si caah telhchih nan si ve.
7 Mithiang si awkah auhmi, Pathian dawtmi Rom khua ah a ummi vialte hna nan sinah Pathian kan Pa le Bawipa Jesuh Khrih vel le daihnak cu um ko seh.
8 Nan zumhnak kong cu vawlei cung vialte ah thanh dih a si cang caah a hmasa bik ah Jesuh Khrih thawngin ka Pathian cu ka thangòhat.
9 Ka thlacamnak ah ngol loin kan telh camcin hnanak kha lungthin tak tein a Fapa thawngòha chim in amah rian ka òuanmi Pathian cu a ka theihpitu a si.
10 Pathian duhnak a si ahcun, zei maw ti tal in, a hnu bik ah atu tal ah hin nan sin i rat khawh dingah thla ka cam.
11 Nanmah òhawnter awkah thlarau lei laksawng zeital pek awkin nan sin rat cu ka duh ko;
12 nan zumhnak le ka zumhnak kha pakhat le pakhat thazang i pek ciocio ka duh caah a si.
13 U le nau hna, nan sin i rat awk cu kaa tim tawn nain atu tiang cu dawnkhantu a um rih ti kha nan hngalh awk ka duh. Nanmah sin le a dang Jentail hna sin zongah theipar zun ka duh.
14 Grik mi le mi puarhrang miphun dang hna sin le mifim le mihrut hna sin zongah òuanvo ka ngei.
15 Cucaah nannih Rom mi hna sin zongah thawngòha chim cu kaa ngaih ko.
16 Thawngòha bia cu ka zahpi lo, zeitintiah a zummi ahopaoh khamhnak caah Pathian huham a si, a hmasa ah Judah mi hna caah a si i Grik mi hna ca zongah a si ve.
17 Zeitintiah cuka chungah cun Pathian dinnak cu zumhnak thawngin zumhnak ah a lang; ‘Zumh ruangin a dingmi cu a nung lai’ tiah a rak i òial bang khan a si.
18 Pathian thinhunnak cu minung nih Pathian an sunhsak lonak le an hrokhrawlnak cungah khan van in a rung lang, an hrokhrawlnak nih cun biatak cu a phenh.
19 Pathian kong hngalh khawh awk cu an caah a fiang ko, zeicahtiah Pathian nih a hmuhsak cang hna.
20 Vawlei ser thawkka tein a hmunmi a lianngannak le a Pathian sinak a lang lomi a kotho te hna cu sermi thil hna khan fiang tein hngalh a si.
21 Cucaah solhphelh awk an ngei lo; zeitintiah Pathian cu an hngal ko nain Pathian a sining tluk in an upat lo i lunglawmhnak zong a sinah an chim lo; cu pinah an ruahnak cu pakpalawng a si i ruahnak ngei lo an lungthin cu a cawt in a caw.
22 Mifim ah an i ruah caah mihrut ah an cang.
23 Thih hmang lomi Pathian a sunparnak cu thih hmangmi minung, va le ke li ngeimi saram le a lawnmi muipu hna in an thlen i an biak.
24 Cucaah an lung horduhnak thil thurhnawm an tuah ningin Pathian nih a thlahthlam hna i an pumsa cu pakhat le pakhat cungah zohchia in an i tuah.
25 Pathian kong biatak kha lih in an thlen i Sertu can ah sermi tu an biak i an bultawl. Sertu cu a zungzal thangòhat si ko seh! Amen.
26 Cucaah Pathian nih an pumsa orfawhnak zohchiami ah khan a thlahthlam hna. An nu sining in nu le pa sualnak kha tuah loin si ning lo ah an thlen.
27 Pa hna zong nih cu bantuk òhiamòhiam cun a phung ningin nu he ihzau òinak kha hlawt zau in pa le pa cungah an di an riamhter. Pa hna nih ningzah awk thil kha pa cungah an tuah caah an palhnak he aa khanmi dantatnak cu an cungah a tlung.
28 Pathian a si kha an i hngalhter duh lo caah Pathian nih a thlahthlam hna.
29 Òhat lonak phunkip, sualnak, duhfahnak, le ziaza chiatnak in an khat. Nahchuahnak, lainawnnak, ertaunak, hlenthawinak le huathaihnak in an khat i an kong an i ceih;
30 an thang an i chiat i Pathian an huat, an i leksuai an i porhlaw i an i uangthlar, òhat lonak an chuahter, hringtu nu le pa bia an ngai lo;
31 an hrut, zumh an tlak lo, zawnruahnak an ngei lo i khuakhan an khak lo.
32 Cu bantuk a tuahmi hna cu thih an tlak, tiah Pathian biakhiahnak an hngalh ko nain an tuah òhiamòhiam ko, an tuah lawng hmanh si loin a tuah vemi hna zong an hnatlakpi hna