1 Korin khua i Apollo a um ko lioah khan Paul cu chaklei ram a hung tlawng i Efesa khua a phan. 2 Cuka ah cun zumtu cheukhat a hmuh hna i, “Nan rak zumh ah khan Thiang Thlarau nan hmu maw?” a ti hna. “Hmu hlah, Thiang Thlarau a um ti hmanh kan thei bal lo,” an ti. 3 “Zei baptisma dah nan in kun?” a ti hna. Annih nih, “Johan baptisma,” an ti. 4 Cun Paul nih cun, “Johan nih cun nunòhinh baptisma an pek hna i a hnuah a ra laimi pa kha zumh dingin an chimh hna; cu pa cu Jesuh a si,” a ti hna. 5 Cucu an theih cun Bawipa Jesuh min in baptisma an ing. 6 Paul nih an cungah a kut a chuan tikah an cungah Thiang Thlarau a tlung i holh phunphun in an holh i Pathian bia zong an chim. 7 An dihlak in pahleihnih an si.

8 Sinakok ah a lut tawn i thla thum chung ralòha ngaiin Pathian bia a chim. Pathian pennak kong a ceihmaipi hna i an lung pemter aa zuam. 9 Acheu nih cun an lung a khawng ngai i an zum duh lo; zapi hmaiah a òha lomi Lam + A dang cauk ah cun Bawipa Lam tiah aa òialnak a um. a òhat lonak kha an chim tikah a kal tak hna. Zumtu hna kha aa kalpi hna i nifa tein Tirannas khan chungah a ceihmaipi hna. 10 Cuticun kum hnih chung a cawnpiak hna i Asia ram chung Judah mi hna le Grik mi hna vialte nih Bawipa bia cu an theih dih.

11 Pathian nih Paul kut hmang in khuaruahhar thil phun dang pipi a tuah. 12 Cucaah a kut hnawhnak puan le pavuah hna kha a tak cungin an lak i a zawmi hna sinah an kalpi tawn i zawtnak nih a thlah hna, khuachia thur zong nih a chuah tak hna. 13 Cun Judah eihthiam cheukhat a vakmi nih Bawipa Jesuh min chalh in khuachia aa hrolhmi cungah, “Paul chimmi Jesuh min in chuah awkah nawl kan pek,” an ti ve. 14 Judah tlangbawi upa Skeva timi fapale pasarih hna cu cuti ti cu an hmang. 15 Sihmanhsehlaw thlarau thur nih khan, “Jesuh cu ka hngalh i Paul ka hngalh, nannih tah ahodah nan si?” tiah a leh hna. 16 Cun khuachia aa hrolhmi pa nih cun a zuan hnawh hna i a tei dih hna; cei ko in a phomh hna i hnipuanlo le hmarung he inn in cun an zaam. 17 Cucu Efesa khua i a ummi Judah mi he Grik mi he an dihlak in an theih i an òih dih i Bawipa Jesuh min cu an thangòhat. 18 Zumtu ah aa cangmi mi tampi nih an sualnak le an tuah tawnmi thil hna kha i phuang in an hung chuak. 19 Eihthiam tampi hna nih an cauk hna an hun chuahpi i zapi hmaiah an khangh, a man an tuak tikah ngun thong sawm nga man a si, an ti. 20 Cucaah Bawipa bia cu a karh chinchin i a òhawng chin lengmang.

21 Cu bantuk thil a can hnuah cun Paul cu Masidonia le Akhaia ram tlawn pah in Jerusalem i lanh awkah Thlarau hmuhsaknak in aa tim. “Khika ka phanh hnu in Rom zong ka hmuh awk a si,” a ti. 22 A bawmtu pahnih Timote le Erastas kha Masidonia ah a thlah cang hna caah Asia ah khan caan tlawmpal cu a hung tang.

23 Cu hrawngah cun Bawipa lam ruangah Efesa khua kha hna a hnawk ngaingai. 24 Ngun sertu Demetrias timi pakhat cu Artemis biakinn tete ser in a zungthiam hna he khan rian tampi an hmuh tawn. 25 Mah hna le anmah bantuk rian a òuanmi kha a pumh hna i, “Mi hna, mah rian hi kan rumnak a si ti nan hngalh. 26 Efesa khua lawngah si loin Asia ram pumpi ah hi Paul timi nih hin kut sermi khuazing cu Pathian a si lo tiah mi òhahnem ngai a lem cang hna i a letter hna ti cu nan hmuh i nan theih. 27 Kan rian zong a min a chiat lai lawng hmanh si loin a liannganmi kan khuazingnu Artemis biakinn hmanh hi pakpalawng ah a chuak lai. Asia le vawlei pumpi nih an biakmi hi a lianhngannak in a nau lai zong hi phan awk a si,” a ti hna. 28 Cu bia an theih cun an thin a khoih tuk hna i, “Efesa khuazing nu Artemis cu a lianngan ko,” tiah an au. 29 A khuapi in an i tuai i Paul khualtlawn hawi Masidonia mi Gaius le Aristarkas cu an hnuhchih hna i puai tuahnak hmun leiah cun an kal ungmang. 30 Paul zong zapi sinah cun kal ve a duh nain zumtu hna nih an kalter duh lo. 31 Asia ram upa a hawikom a simi hna zong nih puai tuahnak ah kal ve lo awkin bia an hun cah i an hun nawl. 32 Atu cu cheukhat hna nih bia pakhat an aupi, acheu nih bia dang an aupi. Aa pummi hna cu an i tuai dih cang i mi tampi nih cun zeicahdah cuka ah cun an chuah cio ti hmanh an hngal lo. 33 Judah mi hna nih Alekzandar kha hmaiah an hun nam caah mibu acheu nih cun amah ruangah aa tuai rua tiah an ruah. Alekzandar nih a kut a zao i amah aa runvennak bia chim aa tim. 34 Sihmanhsehlaw Judah mi a si an hngalh tikah suimilam pahnih chung an dihlak aw khat in “Efesa mi khuazing Artemis cu a lianngan ko,” tiah an au. 35 Khuapi cazipa nih mibupi cu a daihter hna hnuah, “Efesa mi hna Artemis biakinn, van in a rung tlami a thiangmi lung cawngtu cu Efesa khualipi hi a si ti a hngal lo ahodah a um? 36 Cucu al khawh a si lo caah nan daih awk a si i khulrang tuk in zeihmanh nan tuah awk a si lo. 37 Hika ah nan rak chuahpimi hna hi biakinn rokhmang an si lo i kan khuazing nu a vawlpamhmi zong an si lo. 38 Cucaah Demetrias le a zungthiam hna nih aho cung paoh ah an duh lonak chim awk an ngeih ahcun biaceihnak zung a um ko i ukbawi zong an um fawn ko caah pakhat le pakhat taza an i cuai duh ahcun i cuai ko hna seh. 39 A dang chuahpi nan duhmi a um ahcun zapi pumhnak tuah tawnmi nih bia a khiah ko lai. 40 Zeitintiah nihin thil kong ah hin hnahnawhnak chuahpitu tiah zeihmanh kan ngei lo,” a ti hna. 41 A chim dih hnu cun aa pummi zapi cu a òinter dih hna.