1 Tuaitamnak a hung daih cun Paul nih zumtu hna kha a auh hna i forhhaihnak bia a chimh hna hnuah an kut a tlaih hna i Masidonia lei ah a kal. 2 Cu hrawng cu a òawl pah lioah thazang peknak tampi a chimh hna hnu in Grik ram a phan. 3 Cuka ah cun thla thum a hman i Siria ah lawng in kal aa tim nain Judah mi hna nih thah an timh caah Masidonia ram lei hel in kir aa tim. 4 Beroia khuami Pirras fapa Sopater le Thesalonika khuami Aristarkas le Sekandas le Derbe khuami Gaius le Asia ram in Timote, Taikhikas le Trofimas hna nih an zulh. 5 Mah hna cu an rak lan i Troas khua in an rak kan hngah. 6 Sihmanhsehlaw Thilnu phulh lo Changreu Puai hnu khan Filipi lei tu in tilawng in kan kal i ni nga hnuah Troas khua ah cun kan hei phanh hna; cuka ah cun ni sarih kan cam.

7 Zarh a ni hmasa bik ni ah changreu beuh awkin kan i pumh tikah Paul cu a thaizing i kal aa timh caah an sinah bia a chim i a chim lengmang i zanòim tiang a chim. 8 Kan i pumhnak cungdot ah cun meiinn tampi aa vang. 9 Cuka ah cun tlangval pakhat Zutikhas timi cu thlalangawng ah a òhu. Paul biachim a sau chin lengmang cun a mit a ku tuk; a ngu i dot thumnak cun a tla i a thi in an phawh. 10 Sihmanhsehlaw Paul cu a vung òum; a kun hnawh i a òang ah aa pom i, “Nan thin phang hlah u, a chungah nunnak a um ko rih,” a ti hna. 11 Paul cu cungah a kai i chang a cheu i a ei dih cun caan saupi bia a ruah hna. Khua a dei cun aa thawh i a kal. 12 Tlangval cu a nung in an i kalpi i an hnangamnak a neptuai lo.

13 Kannih cu Assos khua ah sangphawlawng in kan rak kal chung i cuka ah cun Paul hei hlam pah awk kha a si, amah timhning in Paul cu tlang lam in kal awk a si. 14 Assos ah cun a rak kan don i tilawng chungah cun kan kaiter i Mitilene ah kan kal. 15 Cuka cun sangphawlawng in kan kal òhan i a thaizing ah Khios tikulh khatlei ral khua kan phan. 16 Asia ram ah sau um loin Paul nih Efesa cu tilawng in lanh tak a duh; zeicahtiah, a si khawh ahcun Pentekos ni ah Jerusalem hei phanh awkin aa hnawhchannak cu a si.

17 Melitas cun Efesa ah mi a thlah hna i Khrihfa upa a auhter hna. 18 A sin an hung phanh tikah hitihin a ti hna:

“Asia ram ka luh ni thawk in nan sin i ka um chung vialte zeitindah ka nun ti cu nan hngalh. 19 Judah mi nih thah an ka timh caah harnak ka cungah a tlungmi cu toidornak le mitthli he ka in buin Bawipa rian cu ka òuan. 20 Nan caah san a tlai ding paoh sum loin zapi sin le inn khat hnu inn khat ah kan chimh hna i kan cawnpiak hna. 21 Judah mi le Grik mi sin zongah Pathian lei ah nunòhinh in Bawipa Jesuh Khrih zumh awk kha ka phuan tawn. 22 Atu cu ngai hmanh u, Thlarau nih a ka fial bantukin khika i ka cungah a tlung laimi kha ka hngal naloin Jerusalem ah ka kal lai; 23 Thiang Thlarau nih a ka hmuhsakmi cu a khua kip ah thongtlaknak le harnak tuar ding nih a ka hngah ko ti belte cu ka hngalh. 24 Pathian velngeihnak Thawngòha bia hngalhter awkin Bawipa Jesuh Khrih sinin rian ka hmuhmi le ka òuan awk kha ka tlamtlinh paoh ahcun ka nunnak cu ka caah man ngei ah ka ruat lo.

25 Pathian pennak kong chim in kan vah hnawh lengmangmi hna nih hin ka hmai nan hmu ti lai lo ti kha atu ah hin hngal ko u. 26 Cucaah nannih thlarau a thih hmanh ah kei cu ka luat ti kha nihin ah kan theihter hna. 27 Zeitintiah Pathian nih aa tinhmi vialte cu pakhat hmanh ngan loin kan thanh cang hna. 28 Thiang Thlarau nih an cungah zohtu ding i an chiahmi hna nan si bantukin amah caah fialmi hna tuurun ca le nanmah caah i ralring ko u. 29 Kan kal tak hna hnu hin nan lakah cenghngia hrang an lut lai i tuurun zong an ngan hna lai lo ti ka hngalh. 30 Nanmah lak hrimhrim i zumtu hna kha anmah lei merter awkah biaping chimmi an um te lai. 31 Cucaah hliphlau tein um ko u. Kum thum chung a chun a zan in mitthli he ahopaoh cawnpiak kan ngol hna lo kha i cinken ko u. 32 Atu ah hin Pathian sin le amah velngeihnak bia ah cun kan sanh hna; cu nih cun an òhanter hna lai i thianter ciami hna he ro cu an pek hna lai. 33 Aho sui le ngun le thuam zong ka hngar hna lo. 34 Mah ka kut nih hin ka herhbaumi le ka sin i a ummi hna cu a rianh tawn ko hna ti kha nannih nih nan hngalh. 35 Zei thil paoh ah rethei ngai i òuannak thawngin a derthawmmi bawmh awk a si ti kan hmuhsak cang hna i kan Bawipa Jesuh bia ah, ‘Lak lei nakin pek leiah thluachuah a um deuh,’ a timi kha i cinken zungzal ko u,” a ti hna.

36 Cu bia a chim dih cun an dihlak in an khuk an i bil i thla a campi hna. 37 An dihlak in an òap, Paul cu an kuh i an hnamh. 38 An ngaihchiatnak bik cu ka mui nan ka hmu ti lai lo tiah a chimmi bia ruangah a si. Cun sangphawlawng tiangin an hei thlah.