18
1 Cu hnuah cun Paul cu Athens khan a chuak i Korin khua ah a kal.
2 Cuka ah cun Pontas ram i a chuakmi Judah mi Akuila timi a va hmuh. A nupi Prisilla he naite ah Itali in a rami an si; zeitintiah Klaudius siangpahrang nih Judah mi vialte kha Rom khua in a òhawl hna. Cu hna va ton hna awkah a va kal.
3 An rianòuanmi aa khah caah an sinah cun a va um. An rian cu puanthlam òhit a si caah hmunkhat ah an òuan òi.
4 Cun sabbath tinte sinakok ah a ceihmaipi hna. Judah mi he Grik mi he a lem hna.
5 Silas le Timote, Masidonia in an rak phanh cun phung chim ah a caan a hman i Jesuh cu Khrih a si tiah Judah mi hna sinah khan a fianter tawn.
6 Judah mi hna nih an doh i an vawlhpamh tikah a puan a thin hnawh hna i, “Nan thi cu nanmah lu cungah tla seh; kei cu ka thiang. Atu thawk in Jentail hna sinah ka kal cang lai,” a ti.
7 Sinakok cun a chuak i Titas timi inn ah a lut, Pathian biami a si i a inn cu sinakok changtu a si.
8 Sinakok uktu Krispas le a chungkhar vialte nih Bawipa cu an zumh. Korin khuami tampi zong nih Paul chimmi an theih tikah an zumh i baptisma an ing.
9 Zan khat cu Paul sinah Bawipa a lang i, “Òih hlah, chim chih ko, dai hlah;
10 zeitintiah na sinah ka um i ahohmanh nih fahnak ing lakin an in vel lai lo; hi khua ah hin mi tampi ka ngeih ko hna,” tiah a ti.
11 Cu hna lakah cun kum khat le acheu a um i Pathian bia kha a cawnpiak hna.
12 Sihmanhsehlaw Gallio kha Akhaia ram uktu a si lioah khan Judah mi hna nih lungkhat in Paul cu an doh i biaceih zung ah an chuahpi,
13 “Mah pa nih hin phung ralchanh in Pathian biak awkah a lem hna,” an ti.
14 Sihmanhsehlaw Paul nih biachim a timh tikah Gallio nih Judah mi hna cu “Judah mi hna, hi thil hi tuahpalhnak maw, sualnak maw si seh law cu nan bia hi ngaihpiak awk nan si ko hnga;
15 sihmanhsehlaw bia le min le nan phung kong a si ahcun nanmah nih vaa zoh ko u; cu bantuk thil hna ceihtu si cu ka duh lo,” a ti.
16 Biaceihnak zung cun a òhawl hna.
17 An dihlak in sinakok uktu Sosthenes kha an tlaih i biaceihnak zung hmaiah cun an velh. Sihmanhsehlaw Gallio nih cun aa theihter duh lo.
18 Cu hnuah cun Paul cu ni saupi a um rih, cun unau hna kha an kut a tlaih hna i Akuila le Prisilla le tiah sangphawlawng in Siria ah an kal. Biakamnak a tuah bangin Kenkhria khua ah a lu aa met.
19 Efesa an phan i cuka ah cun a kal tak hna, anih tu cu sinakok ah a va lut i Judah mi kha a va ceihmaipi hna.
20 Sau deuh cam an fial nain a al hna;
21 a kal lai kha chimh tak in, “Pathian hnatla a si ahcun nan sinah ka ra òhan te lai,” a ti i tilawng in Efesa kal awkah aa thawh.
22 Sisaria a phanh tikah Khrihfabu kha a hung biak hna hnuah Antiok ah a vung kal.
23 Caan tlawmpal an sin i a um hnuah aa thawh i hmun khat hnu hmun khat ah a vak i Galatia le Frizia peng kha a òawl pah i zultu vialte kha thazang a pek hna.
24 Cu lioah cun Judah mi pakhat Alekzandria khuami Apollo timi Efesa ah cun a ra. Biachim thiam ngai, Cathiang zong a hngal ngaimi a si.
25 Bawipa lam kha cawnpiak cangmi a si; Johan baptisma lawng a hngal nain lungthin tak tein Jesuh kong cu fiang tein a chim a cawnpiak hna.
26 Ralòha ngaiin sinakok ah biachim aa thawk, sihmanhsehlaw Aquila le Prisilla nih an theih tikah an òinpi i Pathian lam kha hman deuh in an chimh.
27 Akhaia khua ah kal aa tim ti an theih tikah unau hna nih cun tha an pek i an rak cohlan nakhnga zultu hna sinah ca an òialpiak. A va phanh tikah Pathian velngeihnak thawngin a zummi hna kha a va bawmh ngaingai hna.
28 Zapi theih te ah Judah mi cu dongko in a al tawn hna i, Jesuh cu Khrih a si, ti kha Cathiang chung bia khan a fianter tawn.