8
David Ih Ralnehnak
(1 San 18:1-17)
1 David in Filistin pawl cu a neh ih Filistin mi pawl ih an ukmi ram pawl khal a long thluh.
2 Cun Moab mi pawl khal a neh ih a kaihmi pawl cu leilung parah a bokter ih hridai in a tah hnuah milai òhenthum ih òhenhnih cu a that ih òhenkhat cu a zuah. Cutiin Moab mi pawl cu David ih kuthnuai ah an um ih ngunkhuai an pek.
3 Cule tlunta Eufrates Tiva kiangkap ih ram pawl nehkir duh ih a feh zawng ah Zobah ram siangpahrang, Rehob ih fapa Hadadezer cu David in a do ih a neh.
4 David in Hadadezer ih rang ralkap thawngkhat zasarih le ke ralkap thawng kul a kai ih leng hnuktu rang pawl cu an kaiza tha a satcat thluh. Rangleng zakhat hnuk khop ding lawng a zuah.
5 Cun Damaskas khua ih Siria ralkap pawl cu Hadadezer bawm dingin an ra ih ralkap thawng kul hluanhnih cu David in a rak that.
6 Siria ram sungah ralkap a ret ih a kuthnuai minung ah an tla ih ngunkhuai an pek. A fehnak kipah Bawipa in David cu ral nehtu a siter.
7 Hadadezer siangpahrang ih ralbawi pawl ih kenmi sui ralphaw pawl cu David in a lak ih Jerusalem ah a fehpi.
8 Hadadezer ih ukmi Betah le Berothai khuapi pawl ihsin dar tampi khal a lak.
9 Hadadezer ih ralkap hmuahhmuah cu David in a neh thluh, ti kha Hamath khua siangpahrang Toi in a theih tikah,
10 a fapa Joram cu David cibaibuk ding le lungawipi dingah David hnenah a thlah. David ih a nehmi Hadadezer cu siangpahrang Toi in vei tampi a rak do zomi a si. Curuangah Joram cun sui le ngun le dar ih tuahmi khukheng pawl David laksawng pe dingah a keng.
11 David in khukheng pawl cu Pathian biaknak ih hman dingah a pek. Cun Edom ram, Moab ram, Ammon ram, Filistin ram le Amalek ram pawl a nehnak ihsin a lakmi sui le ngun le,
12 Zobah siangpahrang Hadadezer hnen ihsin a lakmi thilri sunglawi hrekkhat pawl khal Pathian hnenah a pek a si.
13 David cu Cite Phairawn ih Edom mi thawng hleiriat a thahnak ihsin a rakir tikah a hmin a thang sinsin.Ref 8:13 Saam 60 Thulu.
14 Edom ram sungih hmun tampi ah ralkap a ret ih Edom mi pawl cu a kuthnuai minung ah an cang. Khuazakip ah Bawipa in David cu nehtu a siter.
15 David in Israel ram pumpi cu a uk ih a minung pawl cu rem tein le ding tein a uk a si.
16 Zeruiah ih fapa Joab cu a ralkap pawl hotu a si. Ahilud ih fapa Jehoshafat cu cazin kaitu a si.
17 Ahitub ih fapa Zadok le Abiathar ih fapa Ahimelek cu puithiam an si. Seraiah cu zung cazi a si.
18 David siangpahrang kiltu Kereth mi le Peleth mi pawl a hotu cu Jehoiada ih fapa Benaiah a si. David ih fapa pawl cu puithiam an si.