2
David Judah Siangpahrang Ah A Cang
1 Cuih hnuah David in, “Judah ram ih khua pakhatkhat ah ka hung feh pei maw?” tiah Bawipa a ron.
“Feh aw,” tiah Bawipa in a ti.
Cule David in, “Khui khua ah so ka feh ding?” tiah a sutsal.
Cutikah Bawipa in, “Hebron ah feh aw,” tiah a ti.
2 Curuangah David cu a nupi pahnih, Jezreel khuami Ahinoam le Nabal ih thihsanmi Karmel khuami Abigail thawn Hebron ah a feh.Ref 2:2 1 Sam 25:42, 43;
3 A milai ralkap pawl le an innsang pawl khal a fehpi ih Hebron khua ah a um.
4 Cule Judah mi pawl Hebron khua ahcun an ra ih Judah siangpahrang ah David cu hriak an culh.
Gilead ram ih Jabesh khuami pawl in Saul cu an phum ti kha David in a theih tikah,Ref 2:4 1 Sam 31:11-13;
5 mi a thlah ih, “Nan bawipa Saul parah upatnak nan nei ih òha tein nan rak phum ruangah Pathian in lo thluasuah hram seh.
6 Bawipa cu nan parah zangfah thinpemnak a neimi le rinsan tlak ringringmi Pathian si hram seh. Hibangtuk ih nan tuah ruangah keimah khalin ka lo zoh òha ve ding.
7 Cak uhla nan ralòha uh. Nan siangpahrang Saul cu a thi ih atu ah keimah cu Judah mi pawl in an siangpahrang sinak ah hriak in culh zo a si,” tiah thu a cah.
Ishbosheth Cu Israel Siangpahrang A Cang
8 Ner ih fapa Abner, Saul ralkap hotu cu, Saul ih fapa Ishbosheth?a Ishbosheth timi hi Ishbaal ti tla in a um. Ish-bosheth ticu ningzakza minung tican a si. thawn an tlan ih Jordan tiva khatlam ral Mahanaim ah an va thleng.Ref 2.8 1 San 8:33;
9 Cutawkah Abner in Ishbosheth cu siangpahrang ah a canter ih Gilead, Asher, Jezreel, Efraim le Benjamin ram le Israel ram pumpi a uk.
10 Siangpahrang a can tikah Ishbosheth cu kum 40 a si ih kum hnih sung a uk.
Sikhalsehla Judah miphun cun David an òan ih,
11 David in Judah mi pawl cu Hebron khua ihsin kum sarih le a hrek sung a uk.
Israel Le Judah An Do Aw
12 Abner le Ishbosheth ralkap pawl cu Mahanaim ihsin an pok ih Gibeon khuapi ah an feh.
13 Joab, (a nu cu Zeruiah a si) le David ralkap pawl cu Hebron ihsin an pok ih Gibeon khua ah an feh ve. Gibeon khua ih tilikap ah an tong aw. Abner le a ralkap pawl cu tili kap khat ah òanhmun an khuar ih Joab le a ralkap pawl cu khatlam kapah òanhmun an khuar ve.
14 Cule Abner in, “Kan tlangval pawl hrekkhat suak veve in pakhat le pakhat tawng aw hai sehla a òha ding,” tiah Joab cu a ti.
Cule Joab in, “Sihen seh!” a ti.
15 Curuangah Ishbosheth le Benjamin phun ai awh ah minung hleihnih an suak ih David ih milai pawl ai awh ah hleihnih an suak ve.
16 An do awk tikah mah ih hmaton ral kha an lu in an kai ih an thinhna ah an ralnam in an dawt aw ih hmunkhat ah an zate in an tlu ih an thi thluh. Curuangah Gibeon khua kiang a cuih hmun cu Helkath-hazzurim “Ralnam Hmun,” tiah an ko tata.
17 Cutikah doawknak nasa zet in a um ih Abner le Israel mi pawl cu David ralkap pawl in an neh.
18 Zeruiah ih fapa pathum Joab, Abishai le Asahel tla an pathum in an tel. Cule zukneng tluk ih tlan a cakmi Asahel in,
19 Abner cu a dawi ih khua dang tang lo in a dawi vivo.
20 Cutikah Abner cu dunglam a rak hoi ih, “Asahel maw na si?” tiah a ti.
“A si, Asahel ka si,” tiah a sawn.
21 Abner in, “I dawi nawn hlah aw. Ralkap pakhatkhat dawi sawn awla a kenmi long sawn aw,” a ti. Asinan Asahel cun a dawi thotho.
22 Cule Abner in, “I dawi nawn aw hlah! Ka lo that ngaingai ding sokhaw. Ka lo thah asile ziangtinso na u Joab mithmai ka zoh ngam nawn ding?” tiah a ti.
23 Asinan Asahel cun a dawi cu a bang cuang lo. Curuangah Abner in a feipi cu dungkhawh in a khawh ih Asahel cu a thinhna ihsin a zaang ah tlang ko in a khawh ngah. Asahel cu a sawn ih a thi. Cule Asahel ruak umnak an thlen tikah zozo khal an cawl ih cutawkah an ding.
24 Sikhalsehla Joab le Abishai in Abner cu an dawisal ih ni a tlak cuarco ah Giah ihsin nisuahnak lam, Gibeon ramlak fehnak lamzin ih a ummi Ammah tlang an thleng.
25 Benjamin mi pawl cu Abner hnenah an finkhawm awsal ih tlangpar ahcun òanhmun an khuar.
26 Cule Abner in Joab cu a auh ih, “Hitiin maw kumkhua kan do awk rero ding? A netnak ahcun huat awk sinsinnak lawng a suak ding, tihi na thei lo maw si? Kannih tla hi na phunpi rori kan si! Na minung pawl in kanmah in dawi hi dawn lo in maw na um men ringring ding?” tiah a ti.
27 Cutikah Joab in, “Cuvekin hung òongsuak hlah cila, a nungmi Pathian hmin salin ka lo sim: Ka ralkap pawl in thaizing tiang an lo dawi rero ko ding nain,” tiah a ti.
28 Cule Joab in tawtawrawt a tum ih a ralkap pawl in Israel mi pawl cu an dawi nawn lo. Curuangah an doawknak cu an bang.
29 Abner le a ralkap pawl cu Jordan tivakap phairawn ah zanvar an feh ih, Jordan tiva an tan hnuah a thai sun sunhlan an feh ih Mahanaim an thleng.
30 Abner an dawi nawn lo hnuah Joab in a ralkap pawl cu a khawm ih Asahel tel lo in hleikua an thi.
31 David ralkap pawl ih an thah mi Benjamin mi, Abner ralkap pawl cu zathum le sawmruk an si.
32 Joab le a ralkap pawl in Asahel ruak cu an zawn ih Bethlehem khua, an innsang thlan ah an phum. Cule zanvar an feh ih a thaizing zingpit ah Hebron an thlengsal.