SAAM HLABU 89
Harsat Caan Ih Hlaz Ezrah Hrin Ih Phuahmi HlaRef 89 Thulu. 2 Siang 4:31;
1 Maw Bawipa, a hmunmi na
duhdawtnak cu hla in
ka sak ringring ding.
Rin tlak na sinak cu kumkhua in
ka than ding.
2 A hmunmi na duhdawtnak cu
kumkhua in a fek dingih,
Rin tlak na sinak cu van vekin
a hmun ding, ti ka thei.
3 Nangmah in, “Ka hrilmi pa
thawn thukamnak ka tuah zo;
Ka siahhlawh David hnenah
thu ka tiam zo;
4 ‘Na tefa pawl in cat lo in
siangpahrang an òuan ding;
Na uknak cu kumkhua in
ka hngetter ding,’ ka ti,”
tiah na sim.Ref 89.4 2 Sam 7:12-16; 1 San 17:11-14; Saam 132:11; Tirh 2:30;
5 Van pawl khin mangbangza
na tuahmi cu an thangòhat;
Bawipa, rin tlak na sinak cu,
vancung ih na mi thianghlim
pawl in hla in an sak.
6 Maw Bawipa, vancung ah
nangmah bangtuk an um lo.
A lo bangtu pathian an um lo.
7 Mi thianghlim pawl
tonkhawmnak ah nangmah cu
an lo upat ih,
na kiangkap ih ummi pawl in
8 Maw Bawipa Pathian,
Ziangkimtithei, nangmah vekih
a cakmi zohman an um lo.
Maw Bawipa, ziangtinkim ah
nang cu rin tlak na si.
9 Huham a nei zetmi tifinriat cu
na uk ih,
A cak zetmi tisuar cu na daiter.
10 Ramsa òihnungza Rahab cu
na sutbeek ih na that;
Na ral pawl cu na cahnak in
na òhekdarh òheh a si.
11 Leilung hi na ta a si;
Van khal khi a si thotho.
Leilung pumpi hi na semsuah ih
a sungih ummi khal na tuah.
12 Thlanglam le saklam khal
nangmah ih semsuahmi an si.
Tabor Tlang le Hermon Tlang cu
Lungawi in na hnenah hla an sa.
13 Huham na neih zia hi!
Na thazang a cah zia cu!
14 Na tohkham cu dingfelnak le
dingthluk lairelnak parah na toh;
A hmunmi duhdawtnak le
rin tlak na sinak in
ziang hmuahhmuah na tuah.
15 Hla thawn a lo biatu pawl cu
mi lungawi an si;
Na mithmai òha tleunak sungih
a tlanglengtu pawl cu, Bawipa,
Mi thluasuak an si.
16 Ziangahtile nangmah ih ruangah
sun nihlawh an nun a nuam;
Na òhatnak ruangah nangmah cu
an lo thangòhat.
17 Ral nehnak nasa zetzet in pek;
In zangfah ih nehtu ah in tuah.
18 Ziangahtile in humtu cu,
Bawipa nangmah ih hrilmi a si.
Nang, Israel mi ih Mi Thianghlim in
siangpahrang in pek.
David Hnenih Pathian Thukam
19 Hlanlaipi ah na langnak in,
Na siahhlawh pawl hnenah
thu na rak phuang ih,
“Ralkap hminthang zet parah,
Siangpahrang lukhuh ka ret zo;
A miphun sung ihsin
hrilmi pa ih hnenah,
Siangpahrang tohkham ka pe zo.
20 Ka siahhlawh David cu
ka hril zo ih,
Nan siangpahrang ah hriak thianghlim
ka culh zo.Ref 89.20 1 Sam 13:14;16:12; Tirh 13:22;
21 Ka cahnak cu a hnenah
a um ringring dingih,
ka huham in micak zet a siter ding.
22 A ral pawl in an fimhleih lo dingih,
miòha lo pawl khalin
an ti ngam lo ding.
23 A ral pawl cu ka cil dingih,
A huatu pawl cu ka that ding.
24 Amah cu a hmunmi duhdawtnak
thawn ka duh dingih,
Ka tlaihsan ringring ding.
Ral neh ringringtu ah ka tuah ding.
25 A ukmi ram cu Mediterranean
Tifinriat in Eufrates Tivapi tiang
ka kauter ding.
26 Anih in, ‘Nang cu ka pa le
ka Pathian na si;
Ka lungpi le i rundamtu na si,’
i ti ding.
27 Amah cu ka fapatir ah
ka tuah dingih,
Siangpahrang lakih siangpahrang
tum bik ah ka tuah ding.Ref 89.27 Thup 1:5;
28 A hnenih ka thukammi cu
ka kimter dingih,
Amah thawn thukam ka tuahmi cu,
kumkhua in a hmun ding.
29 A tefa in siangpahrang
an òuan ringring dingih,
A uknak cu van vekin a hmun ding.
30 Sikhalsehla a tefa pawl in
ka daan an thlun lo ih,
Thukham ka pekmi vekin
an nung lo a si ahcun,
31 Ka thupekmi pawl zianghman ah
an siar lo ih, ka thukham pawl
an thlun lo a si ahcun,
32 Anmah ih sualnak ruangah
nuang fung thawn ka hrem hai ding.
Anmah ih mawhnak ruangah
ka vuak hai ding a si.
33 Sikhalsehla David cu
ka duhdawt ringring dingih,
A hnenih ka thukammi tla
ka kimter ringring ding.
34 Amah thawn ka thukam cu
ka bal lo dingih,
A hnenih ka tiam cia mi thukamnak
pakhatte hman ka lakir lo ding.
35 Kumkhua daih in a hnenah
ka hmin thianghlim in
thukamnak ka tuah zo.
David hnenah thuphan
ka sim lo ding.
36 Cat lo in tesinfa a nei dingih,
ni a tlan sung hmuahhmuah ah
a ram uknak cu òha tein ka zoh ding.
37 Van ih a ummi thu theihpitu
Thlapi vekin kumkhua in
a hmun ding a si,” na rak ti.
David Ralsun Òahhla
38 Asinan na hrilmi siangpahrang
parah na thin a heng;
Amah cu na tlansan zo ih
na hnong zo a si.
39 Na siahhlawh amah thawn thukam
na tuahmi na siatbal thluh zo.
A siangpahrang lukhuh cu
leivut lakah na hlon sak.
40 A khuapi kulhnak phar pawl cu
na balcim òheh ih,
A ralhruang pawl cu
na siatsuah thluh a si.
41 A feh sukso pawl in a thilri
an ruk sak ih,
A innhnen pawl in capohnak ah
an hmang.
42 Ralnehnak cu a ral pawl hnenah
na pek ih,
an lung na awiter òheh a si.
43 A hriamnam pawl cu santlai lo
na canter ih,
raldonak ah na sunter.
44 A siangpahrang kianghrol cu
na longsal ih,
A siangpahrang tohkham cu
leilung ah na tuul thluk.
45 Tar a cu lo nain na tarter ih,
Ningzah mualphonak in na khahter.
Luatnak Hrang Thlacam
46 Maw Bawipa,
kumkhua in maw
na relh ringring ding?
Ziangtik tiang so na thinhennak
cu meisa bangin a alh ding?
47 Maw Bawipa,
milai nunnak a tawi zia hi
hngilh hlah aw;
Mi hmuahhmuah a thi dingih
na tuah hi ciing hram aw.
48 Thi lo ih a nung ringringtu
zoso a um?
Sheol thleng lo ih
49 Maw Bawipa, in duhdawt zia
a hlanih na langtermi pawl kha
khuiahso an si?
David hnenih na tiam cia mi
Na thukamnak pawl kha
atu khuiahso an um?
50 Kei na siahhlawh hmuhsuam
ka si zia hi hngilh hram hlah aw.
Khawvel pawl ih nautatnak
ka tuar zia hi!
51 Maw Bawipa, na ral pawl in
na hril cia mi Siangpahrang cu
an va hmuhsuam lawmmam so!
A fehnak kip ah an hmuhsuam a si.
52 Bawipa cu kumkhua in
thangòhat uh si!
Amen! Amen!