SAAM HLABU 88
Bom Dilnaky Korah Hrin Ih Phuahmi Hla
1 Maw Bawipa Pathian, i runtu,
sun nihlawh ka lo ko;
Zan ah na hmaiah ka ra.
2 Ka thlacamnak ngai awla,
Bomnak dil ih ka aunak hi
3 Harsatnak tam tuk in i tlun ih
Sheol ka thleng zik thlang.
4 Mithi zik dang vek thotho ka si;
Ka tha a poih òheh zo.
5 Mithi lakih tanta mi ka si.
An thah ih thlan ih an retmi,
Na hngilh fai zomi le bom ding khalih
na ruah ban nawn lomi vek ka si.
6 Thlan tawdeng bik ah
nangmah in i hlon zo;
A thim bik le a thuk bik
khur sungah i thlak a si.
7 Ka parih na thinhennak cu
a rit ngaingai;
Na ai thawhnak tisuar in i delh tuk a si.
8 Nangmah ih forhfialnak thawngin,
Ka rualpi pawl in, in hrial,
I theitu pawl in, in fih a si.
Kharhkhummi ka si ih
ka suak thei nawn lo.
9 Zonzai ka tuar tuknak ah
ka mit a mal;
Maw Bawipa, nitin tein
ka lo ko ih ban phar in na hnenah
10 Mithi hrangah mangbangza
na tuah dah maw?
Mithi pawl thosal in
an lo thangòhat dah maw?
11 A thleng aw dah lomi
na duhdawtnak thu cu,
thlan sungah an rel dah maw?
Na rintlaknak cu hlohralnak
Abaddon hmunah an sim dah maw?
12 Mangbangza na tuahmi cu
khawthimnak hmun ah
an hmu maw?
Na òhatnak cu hngilhnak ram ah
13 Maw Bawipa,
bomnak dil in ka lo ko;
Zingtinte na hnenah thla ka cam.
14 Maw Bawipa,
ziangahso i hnon?
Ziangahso ka hnen ihsin na relh?
15 Ka no lai ihsin thi zik in
ka tuar ringring;
I hrem ruangah ka vuai òheh zo.
16 Mei bangin a alhmi
na thinhennak cu ka parah a hlio;
Na òihnungza thil in i siatsuah òheh.
17 Sun nihlawh tisuar bangin in kulh;
Ka kimvel in, in naih cuahco.
18 I duhtu le ka rualpi òha bik
khal na tlanter thluh hai ih
Ka rualpi neihsun cu
khawthim lawng hi a si.