SAAM HLABU 90
Bu Linak
Pathian Le Minunga Moses Ih Thlacam
1 Maw Bawipa, nang cu kumkhua in
kan inn na si.
2 Tlang pawl na tuah hlanah le,
Leilung pumpi na semsuah hlan ihsin
nang cu thawhnak le
cemnak nei lo in,
A kumkhua in Pathian na si ringring.
3 Minung cu leilung ih
kirsal dingin thu na pek ih,
Leilung ah na canter a si.
4 Kum thawngkhat cu na hmaiah
ni khat bangtuk a si;
A cem cia mi manisun vek a si ih
zan ih tikcu tawite sung vek a si ko.Ref 90.4 2 Pit 3:8;
5 Tilian vekin minung cu
na fen hlo hai;
Mang hnakin rei an awh cuang lo.
6 Zinglam ih a khomi hrampi,
a òhangih a par;
Asinan a vuai ih zanlam ah
7 Na thinhennak in, in siatsuah òheh;
Na aithawhnak in, in ti hloral òheh.
8 Kan sualnak pawl cu
na mithmuh ah na ret;
A thup teih kan sualnak khal
9 Kan nundam ni cu
na thinhennak in a tawiter;
Kan nunnak cu dimte ih òongmi
aw vekin a cem.
10 Kan nundam kum cu
kum sawm sarih sung a si;
Kan dam cak asile
kum sawmriat khal a si thei.
Asinan hi kan nunsung kum ih
in summi cu,
Harsatnak le donharnak lawng a si.
Nunnak cu rei lo ah a cem ih
11 Na thinhennak a cah zia hi
zoso a thei thei?
Na ai thawhnak ih a thlentermi
òihnak cu zoso a hmu cawk ding?
12 Kan nun tawi zia siardan
in zirh awla,
cule mifim ah kan cang ding.
13 Maw Bawipa,
ziangtik tiang so na thin a heng ding?
Na siahhlawh pawl hi
in zangfah hram aw.
14 A hmunmi na duhdawtnak thawn
zingtin tein khatter aw;
Cuticun kan nundam sung nunnuam le
hlasa in kan um ding.
15 Harsat zonzaihnak kan tuar
kum sung hmuahhmuah ahhin,
Riahsiatnak in pek zat tal in
lungawinak in pe ve hram aw.
16 Kannih na siahhlawh pawl hi
na thil tuahmi a nasa zet pawl
in hmuh aw;
Kan tefa pawl khal na thacahnak
sunglawi cu hmuhter ve hai aw.
17 Bawipa kan Pathian,
na mithmai òha kan hnenah
um hram seh;
Kan tuahmi hmuahhmuah ah
hlawhtlinnak in pe aw.
A si, kan tuahmi hmuahhmuah ah
hlawhtlinnak in pe hram aw.