SAAM HLABU 87
Jerusalem Lomnakx Korah Hrin Ih Phuahmi Hla
1 Pathian in
tlang thianghlim parah
a khuapi a din.
2 Israel ram hmundang
hmuahhmuah hnakin
Jerusalem khuapi cu
a duh bik a si.
3 Maw Pathian khuapi,
ngai hnik!
A lo lom zia hi!
4 “Keimah ih’ thu a ngaitu ram pawl
hmin ka khum tikah,
Izipt le Babilon ram ka telh cih ding;
Filistin, Òaiar le Ethiopia mi pawl cu
Jerusalem sungah an tel,
ka ti ding,” a ti.
5 Zion cu mi hmuahhmuah
semnak hmun a si ih,
Cungnungbik in a cakter ding,
tiah an ti ding.
6 Bawipa in mi hmuahhmuah
cazin a tuah dingih,
Jerusalem khuasungmi ah
a ret thluh hai ding a si.
7 Cutawk ummi cu hla an sak ih
an laam:
“Nangmah cu kan dawhhna na si,” an ti.