SAAM HLABU 86
Bomnak Hrang Thlacamw David Ih Thlacam
1 Maw Bawipa,
ka lam hoi awla i run sawn aw.
Ziangahtile mi derdai le
bawmtu nei lo ka si.
2 Thihnak ihsin i hum aw,
Ziangahtile nangmah
a lo tlaihsantu ka si.
I run aw,
ziangahtile na siahhlawh ka si ih,
nangmah a lo rinsantu ka si.
3 Maw Bawipa, nangmah cu
ka Pathian na si ruangah ka parah
zangfahnak nei hram aw.
Sun nihlawh na hnen thla ka cam.
4 Maw Bawipa, na siahhlawh hi
a nunnuamter aw,
Ziangahtile ka thlacamnak cu
na hnenah a hung thleng.
5 Maw Bawipa, nang cu na òha ih
mi na ngaithiam;
Na hnenih thla a camtu pawl
hrangah cun a hmunmi
duhdawtnak in na khat a si.
6 Maw Bawipa,
ka thlacamnak ngai aw;
Zangfah dil ih ka aunak
thei hram aw.
7 Harsatnak ka ton tikah
nangmah ka lo ko;
Ziangahtile ka aunak na thei òheu a si.
8 Maw Bawipa,
nangmah a lo bangtu
pathian dang an um lo.
Na tuah theimi tuah theitu
zohman an um lo.
9 Na semsuahmi miphun pawl
hmuahhmuah in na hnenah
an ra dingih an lu an kuun ding.Ref 86.9 Thup 15:4;
Na hmin an thangòhat ding;
10 Ziangahtile Pathian
nangmah lawng
a cak zetmi na si ih,
Nangmah lawng mangbangza
11 Maw Bawipa,
tuahter i duhmi cu i zirh awla,
Rin tlak zet in na thu ka thlun ding.
Thinlung takte ih a lo riantu si dingah
nangmah in i zirh hram aw.
12 Bawipa ka Pathian,
ka thinlung zate in
ka lo thangòhat ding.
Na maksak zia hi kumkhua in
ka tlang-aupi ding.
13 A hmunmi na duhdawtnak hi
ka hrangih a tum zia cu!
A thukmi Sheol ihsin i runsuak zo a si.
14 Maw Pathian, mi puarthau pawl
keimah ral dingin an ra;
Mi zangfah nei lo pawl in
a thah in tum a si.
Nangmah zianghman ih
a lo siar lotu pawl cu!
15 Maw Bawipa, nang cu
mi zangfahtu le mi duhdawtu
Pathian na si;
Mi thinsau na si ih thinpemnak
na nei ringring;
Rin tlak Pathian na si.
16 Ka lam hoikir awla
i zangfah hram aw;
Ka tha cakter awla i run hram aw.
Ziangahtile i hringtu ka nu ih
a lo ren vekin,
Nangmah ka lo rian a si.
17 Maw Bawipa, na òhat zia cu
langter hram aw;
Hnemnak le bomnak i pekmi
an hmuh tikah i huatu pawl cu
an ning a zak ding.