SAAM HLABU 64
Humhimnak Hrang Thlacamnakc David Ih Phuahmi Hla
1 Maw Pathian, harsatnak ka tong;
Ka thlacamnak ngai hram aw.
Òihnungza ka ral pawl kut
ihsin i run hram aw.
2 Miòha lo pawl ih phiarthupnak in
i hum awla,
Misual burpi lakin i run aw.
3 An lei cu ralnam hriam bangin
an taat ih,
An òong siava cu
conkiang bih in an bih.
4 Mi an bawhnak ihsin an conkiang in
miòha pawl an sai;
Rinlopi ah an sai;
Phanmi zianghman an nei lo.
5 Thu òha lo tawlrelnak ah
pakhat le pakhat an forh aw.
An thangkammi òha teih
thup ding lawng an ruat.
“Zohman in hmu lo ding,” an ti.
6 Thil òha lo an ngaihtuah ih,
“Mi siatsuah dingah fel zet in
kan tawlrel zo,” an ti.
Minung ih thin le lung hi
7 Asinan Pathian cun a conkiang in
a sai hai dingih,
rinlopi ah hma an pu ding.
8 An òongkam a siat ruangah
a siatsuah hai ding,
Anmah a hmutu hmuahhmuah in
tuksum in an lu an thing ding.
9 An zate in òihphang in an um ding;
Pathian ih thiltuahmi cu
an sim dingih,
A hnaòuanmi pawl an ruat ding.
10 Bawipa ih thiltuahmi ruangah
miding pawl an lung a awi ding.
A hnenah himnak an tong ding.
Miòha pawl hmuahhmuah in
amah cu an thangòhat ding.