SAAM HLABU 63
Pathian Ngainakb David Ih Phuahmi HlaRef 63Thulu. 2 Sam 15:23, 28;
1 Maw Pathian, nang cu ka Pathian
na si ih nangmah ka lo ngai.
Ka nunnak pumpi in nangmah
a lo ngai a si.
Leiro, leicar le tidai um lonak
leilung in tidai a haal vekin,
Ka nunnak in nangmah
a lo haal a si.
2 Hmun thianghlim ah nangmah
ka lo tong ih,
Na cah zia le na sunlawi zia
ka hmu zo.
3 A hmunmi na duhdawtnak cu
Nunnak hnakin a sunglawi sawn;
Curuangah ka lo thangòhat ding.
4 Ka nundam sung hmuahhmuah ah
Na hnenih lungawi thusim
ka daiter lo ding.
Ka kut thlir in na hnenah
thla ka cam ding.
5 Ka nunnak hi rawl thaw ei bangin
a tlai zet a si.
Nangmah thangòhatnak hla
lungawi in ka sak ding.
6 Ihkhun tlun ih ka zau tikah
nangmah ka lo thei;
Zanvar nangmah lawng ka lo ruat.
7 Ziangahtile nang cu i bawmtu
na si ringring;
Na thladem hnuai ah lungawi in
hla ka sak.
8 Ka nunnak in nangmah a lo pawk,
Na vorhlam kut in i himter.
9 Keimah thah i tumtu pawl cu
mithi khua ah an vung thleng ding.
10 Raldonak ah ralnam in
an thi dingih,
An ruak cu cinghnia in
an ei ding.
11 Pathian nangmah ruangah
siangpahrang a lung a awi ding.
Pathian hmin in thukamnak
a tuahtu pawl an lung a awi ding.
Asinan thuphan reltu pawl ih
kaa cu phih an si ding.